CWG: શૂટર તેજસ્વિની સાવંત પછી 15 વર્ષના અનીશે જીત્યો ગોલ્ડ

ઓસ્ટ્રેલિયાના ગોલ્ડ કોસ્ટમાં રમાનારી કોમનવેલ્થ ગેમ્સમાં ભારતીય ખેલાડી સતત શ્રેષ્ઠ પ્રદર્શન કરી રહ્યાં છે. આજે શુક્રવારે પણ તેજસ્વિની સાવંતે 50 મીટર રાઇફલ થ્રી પિસ્ટલમાં ભારતને 15મો ગોલ્ડ અપાવ્યો છે.

આ ગોલ્ડની સાથે જ ભારતના મેડલની કુલ સંખ્યા 34 થઇ ગઇ છે.

તેજસ્વિની પછી ભારતના 15 વર્ષના શૂટર અનીશ ભાનવાલાએ પુરુષોની 25 મીટર રેપિડ ફાયર પિસ્તોલમાં 16મો ગોલ્ડ મેડલ જીત્યો છે.

#CommonwealthGames2018 : Indian shooter Anish Bhanwala wins gold in Men's 25m Rapid Fire Pistol event #GC2018 pic.twitter.com/aWF0mBs13N

— ANI (@ANI) April 13, 2018

તેજસ્વિનીએ મહિલાઓની 50 મીટર રાઇફલ પોઝીશન-3ના ફાઇનલમાં પહેલું સ્થાન મેળવીને ગોલ્ડ મેળવી લીધું છે. આ સ્પર્ધામાં ભારતની અન્ય એક દીકરી અંજુમ મોદગિલએ બીજું સ્થાન મેળવીને રજત પદક જીતી લીધું છે.



તેજસ્વિનીએ ગઇકાલે ગુરૂવારે મહિલાઓની 50 મીટર રાઇફલ પ્રોન સ્પર્ધામાં પણ સિલ્વર મેડલ જીત્યું હતું. તે 618.9 અંકની સાથે બીજા સ્થાન પર હતી.

#CommonwealthGames 2018: India's Tejaswini Sawant wins gold and Anjum Moudgil bags silver in Women's 50m Rifle 3 Positions pic.twitter.com/vMeKGWIhzA

— ANI (@ANI) April 13, 2018

આ પહેલા 2006 મેલબર્ન કોમનવેલ્થમાં સાવંતે 10 મીટર એર રાઇફલ પેયર્સમાં અને 10 મીટર એર રાઇફલમાં બે ગોલ્ડ જીત્યા હતાં. જ્યારે 2010 દિલ્હી કોમનવેલ્થ ગેમ્સમાં 50 મીટર રાઇફલ 3 પોઝીશન પેયર્સ અને 50 મીટર રાઇફલ પ્રોનમાં સિલ્વર તથા 50 મીટર રાઇફલ પ્રોન પેયર્સમાં બ્રોન્ઝ મેડલ જીત્યું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: 2018 commonwealth games, CWG, CWG 2018