ભારતની ટી-20 ટીમમાં ધોનીને સ્થાન નહીં, હાર્દિક પંડ્યાની વાપસી

દક્ષિણ આફ્રિકા સામે ત્રણ ટી-20 શ્રેણી માટે ભારતીય ટીમની જાહેરાત કરવામાં આવી છે. ટીમમાં પૂર્વ કેપ્ટન મહેન્દ્રસિંહ ધોની, ફાસ્ટ બોલર જસપ્રીત બુમરાહ અને ભુવનેશ્વર સામેલ નથી. સ્ટાર ઓલરાઉન્ડર હાર્દિક પંડ્યાનો ટીમમાં સમાવેશ કરાયો છે. આ સિવાય ટીમમાં કોઈ ફેરફાર કરાયો નથી. ભારતે વેસ્ટ ઇન્ડીઝ સામે ટી-20માં વિજય મેળવનાર ટીમ જાળવી રાખી છે.

ભારત અને દક્ષિણ આફ્રિકા વચ્ચે ત્રણ ટી-20 મેચની શરુઆત 15 સપ્ટેમ્બરથી થશે અને અંતિમ મેચ 22 સપ્ટેમ્બરે રમાશે. પ્રથમ મુકાબલો ધર્મશાલામાં રમાશે. બીજી મેચ મોહાલીમાં 18 સપ્ટેમ્બરે રમાશે અને અંતિમ ટી-20 મેચ 22 સપ્ટેમ્બરે બેંગલોરમાં રમાશે. આ પછી બંને ટીમો વચ્ચે ત્રણ ટેસ્ટ મેચની શ્રેણી યોજાશે.

આ પણ વાંચો - પિતાએ કારગિલ યુદ્ધમાં પાકિસ્તાનને ભણાવ્યો પાઠ, પુત્ર ગણાય છે બીજો ધોની!

India’s squad for 3 T20Is against South Africa: Virat(Capt), Rohit (vc), KL Rahul, Shikhar Dhawan, Shreyas, Manish Pandey, Rishabh Pant (WK), Hardik Pandya, Ravindra Jadeja, Krunal Pandya, Washington Sundar, Rahul Chahar, Khaleel Ahmed, Deepak Chahar, Navdeep Saini#INDvSA

— BCCI (@BCCI) August 29, 2019

ભારતીય ટીમ - વિરાટ કોહલી (કેપ્ટન), રોહિત શર્મા (વાઇસ કેપ્ટન), લોકેશ રાહુલ, શિખર ધવન, શ્રેયસ ઐયર, મનીષ પાંડે, રિષભ પંત, હાર્દિક પંડ્યા, રવીન્દ્ર જાડેજા, ક્રુણાલ પંડ્યા, વોશિંગ્ટન સુંદર, રાહુલ ચાહર, ખાલિલ અહમદ, દીપક ચાહર, નવદીપ સૈની.