ભારતીય ક્રિકેટર કેદાર જાધવના પિતા ગુમ, ક્રિકેટરે પિતાને શોધવા સોશિયલ મીડિયામાં અપીલ કરી

નવી દિલ્હી: ભારતીય ક્રિકેટ ટીમ તરફથી ગત વર્લ્ડ કપમાં રમનાર બેટ્સમેન કેદાર જાધવના પરિવારમાં દુ:ખનો માહોલ છે. ટીમ ઈન્ડિયાના આ અનુભવી ખેલાડીના પિતા ગુમ થયા હોવાની માહિતી મળી રહી છે. પુણેમાં રહેતા કેદારના પિતા મહાદેવ જાધવ સોમવારે 27 માર્ચની સવારથી ગુમ છે. આ અંગે પોલીસમાં ફરિયાદ પણ કરવામાં આવી છે.

ભારતીય ક્રિકેટર કેદાર જાધવ અત્યારે ખૂબ જ મુશ્કેલ સમયમાંથી પસાર થઈ રહ્યો છે. તેના પિતા મહાદેવ જાધવ સોમવારે 27 માર્ચની સવારથી ગુમ છે. કેદારના પિતા પુણેના કોથરોડ વિસ્તારમાંથી સવારે 11.30 વાગ્યાથી ગુમ છે. મહાદેવજીની ઉંમર 75 વર્ષની હોવાનું કહેવાય છે. મળતી માહિતી મુજબ તે સવારે 11 વાગ્યા પછી રિક્ષા લઈને ગયા હતા અને તે પછી તે ઘરે પાછા આવ્યા નથી.



પ્રાપ્ત માહિતી અનુસાર, પિતા મહાદેવ લાંબા સમય સુધી ઘરે પરત ન ફરતા પોલીસે પરિવારના રિપોર્ટ પર ગુમ થયાનો કેસ નોંધ્યો છે. લાંબા સમય સુધી ભારત માટે રમી ચુકેલા કેદાર જાધવે પણ તેના પિતા ઘરે પાછા ન આવવાની માહિતી સોશિયલ નેટવર્કિંગ સાઈટ ઈન્સ્ટાગ્રામ દ્વારા શેર કરી છે. મહાદેવજીનો ફોટો પણ પુણેના અન્ય તમામ પોલીસ સ્ટેશનોને શોધવા માટે મોકલવામાં આવ્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cricket News in Gujarati, Cricketers, Kedar Jadhav