Ind vs Pak : વર્લ્ડ કપમાં ભારતે સાતમી વખત પાકિસ્તાનને હરાવ્યું

રોહિત શર્માની સદી (140) અને વિરાટ કોહલી (77), લોકેશ રાહુલની અડધી સદી (57) બાદ બોલરોના શાનદાર પ્રદર્શનની મદદથી ભારતે આઈસીસી વર્લ્ડ કપમાં પાકિસ્તાન સામે ડકવર્થ લુઈસ નિયમ પ્રમાણે 89 રને વિજય મેળવ્યો હતો. પ્રથમ બેટિંગ કરતા ભારતે 50 ઓવરમાં 5 વિકેટ ગુમાવી 336 રન બનાવ્યા હતા. જવાબમાં પાકિસ્તાને વરસાદના કારણે ડકવર્થ લુઈસ નિયમ પ્રમાણે 40 ઓવરમાં 302 રનનો ટાર્ગેટ મળ્યો હતો. જોકે પાકિસ્તાન 40 ઓવરમાં 6 વિકેટે 212 રન બનાવી શક્યું હતું.

આ સાથે જ વર્લ્ડ કપમાં પાકિસ્તાન સામે નહીં હારવાનો સિલસિલો ભારતે જાળવી રાખ્યો છે. વન-ડેમાં વર્લ્ડ કપમાં ભારતનો પાકિસ્તાન સામે આ સાતમો વિજય છે. આ જીત સાથે ભારત 4 મેચમાં 3 જીત સાથે 7 પોઇન્ટ મેળવી પોઇન્ટ ટેબલમાં ત્રીજા સ્થાને છે. બીજી તરફ પાકિસ્તાનના 5 મેચમાં 3 પોઇન્ટ છે. ભારત હવે 22 જૂને અફઘાનિસ્તાન સામે ટકરાશે. જ્યારે પાકિસ્તાન હવે 23 જૂને દક્ષિણ આફ્રિકા સામે ટકરાશે.

બંને ટીમો 

ભારતીય ટીમ - રોહિત શર્મા, લોકેશ રાહુલ, વિરાટ કોહલી, વિજય શંકર, એમએસ ધોની, કેદાર જાધવ, હાર્દિક પંડ્યા, ભુવનેશ્વર કુમાર, કુલદીપ યાદવ, યુજવેન્દ્ર ચહલ, જસપ્રીત બુમરાહ.

પાકિસ્તાની ટીમ - ઇમામ ઉલ હક, ફખર ઝમાન, બાબર આઝમ, મોહમ્મદ હાફિઝ, સરફરાઝ અહમદ, શોએબ મલિક, ઈમાદ વસીમ, શાદાબ ખાન, વહાબ રિયાઝ, હસન અલી, મોહમ્મદ આમિર.