IND vs ENG: ઈંગ્લેન્ડ સામેની પ્રથમ 3 ટેસ્ટમાં બનશે ઘણાં રન, પૂર્વ ભારતીય કેપ્ટને આપ્યું કારણ

તસવીર- AFP

IND vs ENG: ભારત અને ઈંગ્લેન્ડ વચ્ચે 4 ઓગસ્ટથી પાંચ ટેસ્ટની શ્રેણી (India vs England)શરૂ થવા જઈ રહી છે. ભૂતપૂર્વ ભારતીય કેપ્ટન મોહમ્મદ અઝહરુદ્દી(Mohammed Azharuddin)ને આ શ્રેણી વિશે આવી વાત કરી છે, જે ચોક્કસપણે ભારતીય બેટ્સમેનોને ખુશ કરશે.

  • Share this:
    નવી દિલ્હી: ભારત અને ઈંગ્લેન્ડ વચ્ચે 4 ઓગસ્ટથી પાંચ ટેસ્ટની શ્રેણી (India vs England) શરૂ થવા જઈ રહી છે. ચાહકોની સાથે સાથે ક્રિકેટ દિગ્ગજો પણ તેના શરૂ થવાની રાહ જોઈ રહ્યા છે. ભારતીય બેટ્સમેનોને હંમેશા ઈંગ્લેન્ડમાં સંઘર્ષ કરવો પડ્યો છે. ગયા મહિને સાઉધમ્પ્ટનમાં ન્યૂઝીલેન્ડ સામે વર્લ્ડ ટેસ્ટ ચેમ્પિયનશિપની ફાઇનલ (WTC Final) માં પણ આ જોવા મળ્યું હતું. ટીમ ઈન્ડિયા તરફથી કોઈ પણ બેટ્સમેન આ મહાન મેચની બંને ઈનિંગમાં અડધી સદી ફટકારી શક્યો ન હતો અને આ પણ હારનું મોટું કારણ હતું.

    ઈંગ્લેન્ડ સામેની ટેસ્ટ શ્રેણીમાં પણ ઝડપી બોલરો માટે સ્થિતિ અનુકૂળ રહે તેવી શક્યતા છે. જોકે, પૂર્વ ભારતીય કેપ્ટન મોહમ્મદ અઝહરુદ્દી( Mohammed Azharuddin)ને ચોક્કસપણે આવી વાત કહી છે, જે ભારતીય બેટ્સમેનોને ખુશ કરશે.

    અઝહરુદ્દીને ભારત-ઇંગ્લેન્ડ ટેસ્ટ શ્રેણી વિશે ટ્વિટ કર્યું છે કે ઓગસ્ટ મહિનો ઇંગ્લેન્ડમાં રન બનાવવા માટે મહાન છે. મારા અનુભવમાં, વિકેટ સૂકી છે અને આ મહિને બેટિંગ માટે પરિસ્થિતિઓ અનુકૂળ છે. બેટ્સમેનોએ આનો લાભ લેવો જ જોઇએ. જો અઝહરુદ્દીનના દાવા પર વિશ્વાસ કરવામાં આવે તો શ્રેણીની ઓછામાં ઓછી ત્રણ ટેસ્ટમાં ઘણા રન મળશે.

    આ પણ વાંચો: Tokyo Olympics, Badminton:પીવી સિંધુની હારથી ન થશો નિરાશ, હજી પણ જીતી શકે છે મેડલ

    ભારત અને ઇંગ્લેન્ડ વચ્ચે પાંચ ટેસ્ટની શ્રેણી 4 ઓગસ્ટથી શરૂ થઇ રહી છે. શ્રેણીની બીજી મેચ 12 ઓગસ્ટથી લોર્ડ્સ ખાતે રમાશે. ત્રીજી ટેસ્ટ 25 ઓગસ્ટથી હેડિંગ્લેમાં શરૂ થશે, જ્યારે ચોથી ટેસ્ટ 2 સપ્ટેમ્બરથી ધ ઓવલ ખાતે અને છેલ્લી મેચ 10 સપ્ટેમ્બરથી માન્ચેસ્ટર ખાતે રમાશે. એટલે કે ભારત-ઇંગ્લેન્ડ શ્રેણીની 3 ટેસ્ટ ઓગસ્ટમાં જ યોજાશે.

    આ પણ વાંચો: હાર્દિક પંડ્યાએ મુંબઈમાં 30 કરોડનો આલીશાન ફ્લેટ ખરીદ્યો, ક્યારેક મેગી ખાઇને ભરતો પેટ

    હવે અઝહરુદ્દીનના દાવામાં કેટલી તાકાત છે, તે 4 ઓગસ્ટથી શરૂ થનારી પ્રથમ ટેસ્ટમાં જ સ્પષ્ટ થશે. ઈંગ્લેન્ડ સામેની ટેસ્ટ શ્રેણીમાં ભારતની સૌથી વધુ આશા કેપ્ટન વિરાટ કોહલી(Virat Kohli), અજિંક્ય રહાણે (Ajinkya Rahane) અને ચેતેશ્વર પૂજારા (Cheteshwar Pujara)પાસેથી રહેશે. કારણ કે, 2018માં ઈંગ્લેન્ડમાં બંને દેશો વચ્ચે છેલ્લી ટેસ્ટ શ્રેણીમાં આ ત્રણ બેટ્સમેનોએ રન બનાવ્યા હતા. વિરાટ શ્રેણીમાં સૌથી વધુ રન બનાવનાર ખેલાડી હતો. તે પ્રવાસમાં પણ, શ્રેણીની પાંચમાંથી ચાર ટેસ્ટ ઓગસ્ટમાં જ રમાઈ હતી. વિરાટે ત્યારબાદ પાંચ ટેસ્ટમાં 59.30 ની સરેરાશથી 593 રન બનાવ્યા હતા. તેણે 2 સદી અને ત્રણ અડધી સદી ફટકારી હતી.
    Published by:kuldipsinh barot
    First published: