Ind vs Eng: હાર્દિક પંડ્યાની 5 વિકેટ, ભારત મજબૂત સ્થિતિમાં

બીજા દાવમાં ભારતે 2 વિકેટે 124  રન બનાવી લીધા છે. પૂજારા (33) અને કોહલી (08) રમતમાં છે. ભારતે 292 રનની લીડ મેળવી લીધી છે અને 8 વિકેટો બાકી છે.

લોકેશ રાહુલ 36 રને સ્ટોક્સની ઓવરમાં બોલ્ડ થયો હતો.  શિખર ધવન  44 રને આઉટ થયો હતો. આ પહેલા ઇંગ્લેન્ડ  પ્રથમ દાવમાં 161 રનમાં ઓલઆઉટ થતા ભારતને પ્રથમ દાવમાં 168 રનની લીડ મળી હતી.

એલિસ્ટર કૂક અને જેનિંગ્સે પ્રથમ વિકેટ માટે 54 રનની ભાગીદારી નોધાવી શાનદાર શરૂઆત અપાવી હતી. એલિસ્ટર કૂક 29 રને ઇશાંત શર્માનો અને જેનિંગ્સ 20 રને બુમરાહનો શિકાર બન્યો હતો. બને ઉપરા-ઉપર આઉટ થયા હતા. મિડલ ઓર્ડરમાં પોપ (10), રુટ (16), બેરિસ્ટો (15), સ્ટોક્સ (10) અને વોક્સ (8) જલ્દી આઉટ થતા ઇંગ્લેન્ડે 118 રનમાં 7 વિકેટ ગુમાવી દીધી હતી. ભારત તરફથી હાર્દિક પંડ્યાએ સૌથી વધારે 5 વિકેટ ઝડપી છે.