IND vs ENG: સૂર્યકુમાર, હનુમા અને અશ્વિનને મળશે ચોથી ટેસ્ટમાં ચાન્સ? લીડ્સમાં હાર થશે 3 બદલાવ!

તસવીર- સૂર્યકુમાર યાદવ અને અશ્વિનના ઈન્સ્ટાગ્રામમાંથી

ભારતીય ટીમ લીડ્ઝ ટેસ્ટ India vs England, 3rd Test) એક ઇનિંગ અને 76 રનથી હારી ગઇ હતી. હાર બાદ વિરાટ કોહલી (Virat Kohli)એ ટીમમાં ફેરફારના સંકેત આપ્યા છે.

  • Share this:
    નવી દિલ્હી: ભારતીય ટીમ લીડ્ઝ ટેસ્ટ (India vs England, 3rd Test) એક ઇનિંગ અને 76 રનથી હારી ગઇ હતી. લોર્ડ્સમાં હાર બાદ ઇંગ્લેન્ડે લીડ્સમાં શાનદાર વાપસી કરી અને શ્રેણી 1-1થી બરાબરી કરી. ભારતીય ટીમના કેપ્ટન વિરાટ કોહલી (Virat Kohli)એ હાર બાદ સ્વીકાર્યું કે, ઈંગ્લેન્ડના (England) ઝડપી બોલરોએ તેમના બેટ્સમેનોની ભૂલો પકડી લીધી હતી. પીચ બેટિંગ માટે સારી હતી પરંતુ ભારતીય ( Indian) બેટ્સમેનોની શોટ પસંદગી યોગ્ય નહોતી.

    હાર બાદ વિરાટ કોહલીએ ચોથી ટેસ્ટમાં પણ ફેરફારનો સંકેત આપ્યો હતો. જો કે, તેણે હાર ન માની પણ થાકને તેની જરૂરિયાત ગણાવી. વિરાટ માને છે કે સતત ત્રણ ટેસ્ટ રમ્યા બાદ ખેલાડીઓ થાકી જવા માટે બંધાયેલા છે, આવી સ્થિતિમાં કેટલાક ખેલાડીઓને પ્લેઇંગ ઇલેવનમાં આરામ આપી શકાય છે. હવે સવાલ એ છે કે, કયા ખેલાડીઓને આરામ આપવામાં આવશે અને કોને ઇંગ્લેન્ડ પ્રવાસ પર પ્રથમ મેચ રમવાની તક મળશે.

    અજિંક્ય રહાણેને આરામ?

    ટીમ ઈન્ડિયાના વાઈસ કેપ્ટન અજિંક્ય રહાણે (Ajikya Rahane) આ શ્રેણીમાં સંપૂર્ણ ફ્લોપ સાબિત થયો છે. રહાણેએ લોર્ડ્સમાં અડધી સદીની ઇનિંગ રમી હતી પરંતુ તે લયમાં હોય તેવું લાગતું નથી. રહાણેએ અત્યાર સુધીમાં માત્ર 19ની એવરેજથી 95 રન બનાવ્યા છે. આવી સ્થિતિમાં સૂર્યકુમાર યાદવને 5 નંબર પર અજમાવી શકાય છે. આપને જણાવી દઈએ કે શ્રીલંકા પ્રવાસ પર શાનદાર પ્રદર્શન બાદ સૂર્યકુમાર યાદવને ટેસ્ટ ટીમમાં સ્થાન મળ્યું છે.

    પૂજારાની જગ્યાએ હનુમા વિહારી?

    લીડ્ઝ ટેસ્ટની બીજી ઇનિંગમાં ચેતેશ્વર પૂજારા (Pujara)એ 91 રનની સારી ઇનિંગ રમી હોવા છતાં, શ્રેણીમાં રમાયેલી 3 ટેસ્ટ મેચોની પાંચ ઇનિંગમાં તેનું પ્રદર્શન બહુ ખાસ નહોતું. આવી સ્થિતિમાં તેને આરામ આપીને ટીમ ઇન્ડિયા હનુમા વિહારીને ઓવલમાં તક આપી શકે છે. અથવા મયંક અગ્રવાલ પણ તેનો વિકલ્પ બની શકે છે, જે નોટિંઘમ ટેસ્ટના બે દિવસ પહેલા ઈજાગ્રસ્ત થયો હતો અને ત્યાર બાદ તેને તક મળી ન હતી.

    આ પણ વાંચો: IND vs ENG: વિરાટ કોહલીએ લીડ્સમાં હાર બાદ ટીમમાં બદલાવના આપ્યા સંકેત

    શું અશ્વિનને તક મળશે?

    ઈશાંત શર્મા લીડ્સ ટેસ્ટમાં બિલકુલ પ્રભાવિત કરી શક્યો ન હતો. બીજી તરફ સિરાજ, બુમરાહ અને શમીએ ઇંગ્લિશ બેટ્સમેનોને પરેશાન કર્યા હતા. જાડેજાને સ્પિનમાં પણ મદદ મળી રહી હતી. આ સાથે જ ટીમ ઈન્ડિયાએ હજુ સુધી વિશ્વના નંબર 2 ટેસ્ટ બોલર અશ્વિનને પ્લેઈંગ ઈલેવનમાં તક આપી નથી. ટીમ ઈન્ડિયાની ઓવલની પિચને જોતા ઈશાંતની જગ્યાએ અશ્વિન આવી શકે છે, જે વધુ સારી બેટિંગ પણ કરે છે.
    Published by:kuldipsinh barot
    First published: