IND vs ENG પ્રથમ વન ડેઃ કુલદીપની 6 વિકેટ, રોહિત શર્માની સદી, ભારતનો વિજય

કુલદીપ યાદવ(6 વિકેટ)ના તરખાટ પછી રોહિત શર્માની અણનમ સદી (137) અને વિરાટ કોહલીની અડધી સદી (75)ની મદદથી ભારતે ઇંગ્લેન્ડ સામેની પ્રથમ વન-ડેમાં 8 વિકેટે વિજય મેળવ્યો હતો. ઇંગ્લેન્ડ 49.5 ઓવરમાં 268 રનમાં ઓલઆઉટ થઈ ગયું હતું. જવાબમાં ભારતે 40.1 ઓવરમાં 2 વિકેટ ગુમાવી પડકાર મેળવી લીધો હતો. આ જીત સાથે ભારતે ત્રણ મેચની વન-ડે શ્રેણીમાં 1-0થી લીડ મેળવી લીધી છે. શ્રેણીની બીજી વન-ડે 14 જુલાઈના રોજ રમાશે. રોહિત શર્માએ 114 બોલમાં 15 ફોર અને 4 સિક્સર સાથે અણનમ 137 રન બનાવ્યા હતા. વિરાટ કોહલીએ 82 બોલમાં 7 ફોર સાથે 75 રન બનાવ્યા હતા. ઇંગ્લેન્ડ તરફથી જોશ બટલરે સૌથી વધારે 53 રન બનાવ્યા હતા.

ભારત જો ઇંગ્લેન્ડ સામે 3-0થી વિજય મેળવશે તો ઇંગ્લેન્ડને પછાડી આઈસીસી વન-ડે રેન્કિંગમાં નંબર વન બની ગઈ છે. ઇંગ્લેન્ડ હાલ રેન્કિંગમાં નંબર વન ટીમ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: 1st ODI, England, India vs england, ભારત