IND vs BAN: ભારતે પ્રથમ ટેસ્ટમાં બાંગ્લાદેશને 188 રનથી કચડ્યું, વર્લ્ડ ટેસ્ટ ચેમ્પિયનશીપ તરફ એક ડગલું

 બાંગ્લાદેશે બીજી ઇનિંગમાં 324 રન બનાવ્યા

બાંગ્લાદેશની બીજી ઇનિંગ 324 રનમાં સમેટાઈ ગઈ હતી. અક્ષર પટેલે તૈજુલ ઈસ્લામને ક્લીન બોલ્ડ કરીને બાંગ્લાદેશની ઈનિંગ્સનો અંત આણ્યો હતો. આ સાથે ભારતે આ મેચ 188 રનના મોટા અંતરથી જીતી લીધી છે. બાંગ્લાદેશમાં રનના મામલે ભારતની આ સૌથી મોટી જીત છે.

આ જીત સાથે ટીમ ઈન્ડિયાએ શ્રેણીમાં 1-0ની સરસાઈ મેળવી લીધી છે. વર્લ્ડ ટેસ્ટ ચેમ્પિયનશિપની ફાઇનલમાં પહોંચવા માટે ભારતને આ મેચ જીતવી જરૂરી હતી અને આ જીત સાથે જ ભારતે ટેસ્ટ ચેમ્પિયનશિપની ફાઈનલ તરફ એક પગલું ભર્યું છે. હવે ભારતે તેનીઆગામી પાંચમાંથી ચાર ટેસ્ટ જીતવી પડશે.

મેચમાં શું થયું?
ટોસ જીતીને પ્રથમ બેટિંગ કરતા ભારતે પ્રથમ ઇનિંગમાં 404 રન બનાવ્યા હતા. ભારત તરફથી આ વખતે આ મેચમાં લોકેશ રાહુલે કપ્તાની કરી હતી. તો પૂજારા 90, શ્રેયસ ઐયર 86 અને રવિચંદ્રન અશ્વિન 58 રન બનાવીને આઉટ થયા હતા. પંત અને કુલદીપે પણ સારું યોગદાન આપ્યું હતું.

બાંગ્લાદેશ તરફથી તૈજુલ ઈસ્લામ અને મેહદી હસન મિરાજે ચાર-ચાર વિકેટ ઝડપી હતી. ભરતનીં બોલિંગ પણ સારી રહેતા ત્યારબાદ જવાબમાં બાંગ્લાદેશની ટીમ માત્ર 150 રન જ બનાવી શકી હતી. મુશ્ફિકુર રહીમે સૌથી વધુ 28 અને મેહદી હસને 25 રન બનાવ્યા હતા. ભારત તરફથી કુલદીપ યાદવે પાંચ અને મોહમ્મદ સિરાજે ત્રણ વિકેટ ઝડપી હતી.

આ પણ વાંચો: Blind T20 WorldCup 2022: ભારતે સતત ત્રીજી વખત જીત્યો ક્રિકેટ વર્લ્ડકપ, ઇતિહાસમાં આવું પહેલા ક્યારેય નથી બન્યું

ભારતે શુભમન ગિલના 110 અને ચેતેશ્વર પૂજારાના 102 રનની મદદથી બીજી ઇનિંગમાં બે વિકેટે 258 રન બનાવ્યા હતા. પુજારાની સદી સાથે કેપ્ટન રાહુલે ઇનિંગ્સ ડિકલેર કરી હતી. તો બીજી ઇનિંગમાં બાંગ્લાદેશના ખાલેદ અહેમદ અને મેહદી હસને એક-એક વિકેટ લીધી હતી. ભારતે કુલ 512 રન સાથે તેનો બીજો દાવ ડિકલેર કર્યો અને બાંગ્લાદેશને જીતવા માટે 513 રનનો લક્ષ્યાંક આપ્યો.