દ્રવિડ અને રોહિત સામે પસંદગીકર્તાઓનું નહીં ચાલે, એક જ ઝટકામાં બહાર ફેંકાશે 6 ખેલાડી!

નવી દિલ્હી: ભારતીય ક્રિકેટ ટીમ તેની સૌથી મુશ્કેલ શ્રેણી માટે તૈયાર છે. 9 ફેબ્રુઆરીથી ભારત અને ઓસ્ટ્રેલિયા વચ્ચે 4 મેચની ટેસ્ટ સિરીઝ શરૂ થવા જઇ રહી છે. ટીમ ઈન્ડિયાની પ્લેઈંગ ઈલેવનને લઈને હજુ પણ વાતચીત થઈ રહી છે. વાઇસ કેપ્ટન કેએલ રાહુલે પણ પ્રેસ કોન્ફરન્સમાં કહ્યું કે, હજુ કંઈ સ્પષ્ટ નથી. કેપ્ટન રોહિત શર્મા અને કોચ રાહુલ દ્રવિડ કેટલીક જગ્યાએ ચર્ચા કરી રહ્યા છે.

નાગપુર ટેસ્ટમાં હવે ગણતરીના કલાકો જ બાકી રહ્યા છે અને પ્લેઈંગ ઈલેવનમાં વિકેટકીપર કોણ હશે તેના પર શંકા છે. એવું માનવામાં આવે છે કે ઇશાન કિશન કરતાં કેએસ ભરતને પસંદ કરવામાં આવી શકે છે. આ સાથે જ સૂર્યકુમાર યાદવનું ડેબ્યૂ પણ નિશ્ચિત માનવામાં આવી રહ્યું છે. આ સિવાય પણ એવા ઘણા નામ છે જેમને કોચ રાહુલ દ્રવિડ અને કેપ્ટન રોહિત શર્મા ડ્રોપ કરવા જઈ રહ્યા છે. પસંદગીકારોએ જે 17 ખેલાડીઓને તૈયાર કર્યા છે તેમાંથી 6 ખેલાડીઓએ હાલ રાહ જોવી પડશે.

આ પણ વાંચો: આ ક્રિકેટરની પત્ની સાથે કારમાં આવ્યો છતા અજય જાડેજાએ ફોટોગ્રાફર્સને કહ્યું- તે મારી સાથે નથી

રોહિત અને દ્રવિડ 6 ખેલાડીઓને બહાર કરશે

પસંદગીકારોએ ઓસ્ટ્રેલિયા સામેની પ્રથમ બે ટેસ્ટ માટે કુલ 17 ખેલાડીઓને ટીમમાં સ્થાન આપ્યું છે. હવે રોહિત અને રાહુલ તૈયાર કરશે તે પ્લેઈંગ ઈલેવનમાં માત્ર 11 ખેલાડીઓ જ ફિટ થવાના છે તેથી 6 ખેલાડીઓનું બહાર બેસવું નિશ્ચિત છે. આમાં ઘણા મોટા નામ હોઈ શકે છે. શુભમન ગિલ, શ્રેયસ ઐયર, ઈશાન કિશન (વિકેટકીપર), અક્ષર પટેલ, ઉમેશ યાદવ અને જયદેવ ઉનડકટને બહાર બેસવું પડી શકે છે.

ભારતની સંભવિત પ્લેઈંગ ઈલેવન

રોહિત શર્મા (કેપ્ટન), કેએલ રાહુલ (વાઈસ-કેપ્ટન), ચેતેશ્વર પૂજારા, વિરાટ કોહલી, સૂર્યકુમાર યાદવ, રવિન્દ્ર જાડેજા, કેએસ ભરત (વિકેટમેન), આર અશ્વિન, કુલદીપ યાદવ, મોહમ્મદ શમી, મોહમ્મદ સિરાજ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cricket News in Gujarati, India vs australia, Team india