IND vs AUS: સિરીઝના પહેલા દિવસે વિવાદ, ઓસ્ટ્રેલિયન મીડિયાએ જાડેજા સામે 'ષડયંત્ર' રચ્યું, વોન-પેનનું સમર્થન

ભારત અને ઓસ્ટ્રેલિયા વચ્ચે ચાર મેચની ટેસ્ટ શ્રેણીની પ્રથમ મેચ નાગપુરમાં રમાઈ રહી છે. આ મેચમાં જાડેજાએ ઓસ્ટ્રેલિયાની પ્રથમ ઇનિંગમાં પાંચ વિકેટ ઝડપી હતી. આ તેની ટેસ્ટ કારકિર્દીની પાંચમી પાંચ વિકેટ (એક ઇનિંગ્સમાં પાંચ વિકેટ) હતી. જાડેજાએ મેચમાં 22 ઓવર નાંખી અને કાંગારુ બેટ્સમેનોને પોતાની સ્પિનથી મૂંઝવણમાં મૂકી દીધા હતા. જો કે, ભારત-ઓસ્ટ્રેલિયા ટેસ્ટ અથવા તો શ્રેણીના પહેલા જ દિવસે એક મોટો વિવાદ સામે આવી રહ્યો છે. રવિન્દ્ર જાડેજાની બોલિંગથી ડરીને ઓસ્ટ્રેલિયન મીડિયાએ તેની સામે મોટું ષડયંત્ર રચ્યું છે. તેનો વીડિયો પણ ખૂબ વાયરલ થઈ રહ્યો છે.

જણાવી દઈએ કે, વીડિયોમાં મેચ દરમિયાન જાડેજા મોહમ્મદ સિરાજના હાથમાંથી કંઈક લઈ તેની આંગળીઓ પર લગાવતો જોવા મળે છે. આ મલમ જેવું કંઈક જોવા મળી રહ્યું છે. આ પછી ઓસ્ટ્રેલિયાના મીડિયા આઉટલેટ ફોક્સ સ્પોર્ટે ટ્વિટ કરીને તેનો વીડિયો પોસ્ટ કર્યો છે. તેણે તેના કેપ્શનમાં લખ્યું કે, મજેદાર! એક વિવાદ શરૂ થયો છે, જેમાં ભારત અને ઓસ્ટ્રેલિયા વચ્ચેની પ્રથમ ટેસ્ટ દરમિયાન એક શંકાસ્પદ મુદ્દો સામે આવ્યો હતો.

આ પણ વાંચો: રવિન્દ્ર જાડેજાનુ શાનદાર પર્ફોર્મન્સ, સ્ટીવ સ્મિથના ધ્રુજ્યા પગ, થયો ક્લીન બોલ્ડ

આ ટ્વિટ અને વિવાદને ઈંગ્લેન્ડના પૂર્વ કેપ્ટન માઈકલ વોન અને ઓસ્ટ્રેલિયાના પૂર્વ કેપ્ટન ટિમ પેને પણ સમર્થન આપ્યું છે. ફોક્સ સ્પોર્ટના ટ્વીટને ફરીથી શેર કરતા વોને લખ્યું કે – જાડેજા તેની આંગળીની ફરતે શું લગાવી રહ્યો છે? મેં આ પહેલાં ક્યારેય જોયું નથી. ભારત વિ ઓસ્ટ્રેલિયા. ત્યારે, ટિમ પેને લખ્યું કે - મજેદાર! ઓસ્ટ્રેલિયન મીડિયા, વોન અને પેનના પાયાવિહોણા ટ્વીટ્સે સોશિયલ મીડિયા પર ચર્ચા જગાવી છે, જ્યારે વિડિયોમાં વિવાદ ઉભો કરવા જેવું કંઈ નથી.

"Interesting."

A debate has erupted after vision of a questionable moment was spotted during the first innings of the first Test between Australia and India. #INDvAUS https://t.co/APu2CrP3hI

— Fox Cricket (@FoxCricket) February 9, 2023

ICCના નિયમો અનુસાર, બોલ પર કંઈપણ લગાવવાની મનાઈ હોય છે. વિડિયોમાં જાડેજા આવું કંઈ કરતા પણ જોવા મળતા નથી. જ્યારે ફિંગર સ્પિનર ​​બોલિંગ કરે છે, ત્યારે તેની આંગળીમાં દુખાવો થવો અથવા ચામડી ઘસાઈ જવી સામાન્ય બાબત છે. આવી સ્થિતિમાં શક્ય છે કે, જાડેજા પણ આવી જ પરિસ્થિતિમાંથી પસાર થઈ રહ્યા હોય. આવી સ્થિતિમાં સિરાજ તેમના માટે ક્રીમ અથવા મલમ લાવે છે. તેના પર પણ ઓસ્ટ્રેલિયન મીડિયાએ વિવાદ શરૂ કર્યો છે.

આ પણ વાંચો: સર્જરી પછી પણ રોજ 10થી 12 કલાક બોલિંગ, પણ BCCI ન માન્યુ! આ રીતે ચેમ્પિયનનું કમબેક થયું

ભારતીય ખેલાડી પર આરોપ લગાવનાર ઓસ્ટ્રેલિયાના ખેલાડીઓએ પોતાના પર જ બોલ ટેમ્પરિંગનો આરોપ લગાવ્યો છે. ડેવિડ વોર્નર, સ્ટીવ સ્મિથ અને કેમેરોન બેનક્રોફ્ટ બોલ ટેમ્પરિંગમાં પકડાયા છે અને તેમને સજા થઈ છે. આ દરમિયાન, 2020/21માં ભારતે ઘરઆંગણે ચાર મેચની ટેસ્ટ શ્રેણીમાં ઓસ્ટ્રેલિયાને 2-1થી હરાવ્યું હતું. આ સિવાય નાગપુરમાં રમાયેલી પ્રથમ ટેસ્ટમાં ઓસ્ટ્રેલિયાના બેટ્સમેનો કંઈ ખાસ કરી શક્યા ન હતા અને 177 રનમાં ઓલઆઉટ થઈ ગયા હતા.

આ તમામ કિસ્સાઓથી નિરાશ થયેલા ઓસ્ટ્રેલિયન મીડિયાને હવે નવો મુદ્દો મળ્યો છે. હાલમાં જ ઓસ્ટ્રેલિયન મીડિયા અને ટીમે પણ પિચને લઈને વિવાદ ઉભો કર્યો હતો. તેણે આરોપ લગાવ્યો કે, ટીમને મદદ કરવા માટે ભારતે જાણીજોઈને પિચ સાથે ચેડાં કર્યા છે. ઘણા ક્રિકેટ નિષ્ણાતોએ આના પર ઓસ્ટ્રેલિયન મીડિયા અને ટીમની ટીકા કરી હતી.


પ્રથમ દિવસની રમત સમાપ્ત થયા બાદ જાડેજાએ કહ્યું કે, તે તેના પ્રદર્શનથી રોમાંચિત છે, જેણે નિશ્ચિતપણે ભારતને મજબૂત સ્થિતિમાં મૂક્યું છે. જાડેજાએ કહ્યું- હું જે રીતે બોલિંગ કરી રહ્યો હતો, તેનાથી હું ઘણો ખુશ છું. પાંચ મહિના પછી રમવું, ટેસ્ટ ક્રિકેટ રમવું, તે અઘરું છે. હું તેના માટે તૈયાર હતો અને હું NCAમાં મારી કુશળતા તેમજ મારી ફિટનેસ પર સખત મહેનત કરી રહ્યો હતો. ક્લાસ ગેમ (રણજી) માં લાંબા સમય પછી, મેં લગભગ 42 ઓવર બોલિંગ કરી હતી. અહીં આવીને ટેસ્ટ મેચ રમવાથી મને ઘણો આત્મવિશ્વાસ મળ્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: IND vs AUS, India vs australia 1st test, ક્રિકેટ ન્યૂઝ