liveLIVE NOW

IND VS AUS: ભારતનો 6 વિકેટે વિજય, શ્રેણી 1-1થી સરભર

ક્રુણાલ પંડ્યાએ શાનદાર બોલિંગ કરતા 36 રનમાં 4 વિકેટ ઝડપી , કોહલીના 41 બોલમાં 4 ફોર અને 2 સિક્સર સાથે અણનમ 61 રન

  • News18 Gujarati
  • | November 25, 2018, 17:16 IST
    facebookTwitterLinkedin
    LAST UPDATED: 3 YEARS AGO
    17:0 (IST)
    મેચમાં 4 વિકેટ ઝડપનાર ક્રુણાલ પંડ્યાને મેન ઓફ ધ મેચ જાહેર કરાયો

    16:52 (IST)
    વિરાટ અને કાર્તિકે 6.3 ઓવરમાં 60 રનની ભાગીદારી કરી જીત અપાવી

    16:51 (IST)
    કોહલી 41 બોલમાં 4 ફોર અને 2 સિક્સર સાથે 61 રને અને દિનેશ કાર્તિક 22 રન બનાવી અણનમ 

    16:50 (IST)
    ભારતે 19.4 ઓવરમાં 4 વિકેટ ગુમાવી પડકાર મેળવી લીધો. ભારતનો 6 વિકેટે વિજય. શ્રેણી 1-1થી સરભર

    16:38 (IST)
    વિરાટ કોહલીએ 34 બોલમાં 2 ફોર અને 2 સિક્સર સાથે અડધી સદી ફટકારી

    16:34 (IST)

    ભારતના 17 ઓવરમાં 4 વિકેટે 138 રન. વિરાટ કોહલી 46 અને દિનેશ કાર્તિક 8 રને રમતમાં

    15:59 (IST)
    રોહિત શર્મા 23 રન બનાવી એડમ ઝમ્પાનો શિકાર બન્યો. ભારતે 67 રને બીજી વિકેટ ગુમાવી

    15:50 (IST)
    શિખર ધવન 22 બોલમાં 6 ફોર અને 2 સિક્સર સાથે 41 રન બનાવી આઉટ. ભારતે 67 રને પ્રથમ વિકેટ ગુમાવી

    15:43 (IST)

    ભારતના 5 ઓવરમાં વિના વિકેટે 62 રન. ધવન 37 અને રોહિત શર્મા 22 રને રમતમાં

    ક્રુણાલ પંડ્યા (4 વિકેટ)ની શાનદાર બોલિંગ પછી વિરાટ કોહલીની આક્રમક અડધી સદી (61)ની મદદથી ભારતે ઓસ્ટ્રેલિયા સામેની ત્રીજી ટી-20માં 6 વિકેટે વિજય મેળવ્યો હતો. આ જીત સાથે ભારતે ત્રણ મેચની શ્રેણી 1-1થી સરભર કરી દીધી છે.

    ઓસ્ટ્રેલિયાએ 20 ઓવરમાં 6 વિકેટે 164 રન બનાવ્યા હતા. જવાબમાં ભારતે 19.4 ઓવરમાં 4 વિકેટ ગુમાવી 168 રન બનાવી લીધા હતા. કોહલી 41 બોલમાં 4 ફોર અને 2 સિક્સર સાથે 61 રન બનાવી અણનમ રહ્યો હતો. ભારત તરફથી શિખર ધવને 41, રોહિત શર્માએ 23 રન બનાવ્યા હતા.

    હવે બંને વચ્ચે 6 ડિસેમ્બરથી ચાર મેચની ટેસ્ટ શ્રેણીનો પ્રારંભ થશે.

    એરોન ફિન્ચ (28) અને શોર્ટે (33) પ્રથમ વિકેટ માટે 8.3 ઓવરમાં 68 રનની ભાગીદારી કરી શાનદાર શરુઆત અપાવી હતી. આ પછી મિડલ ઓર્ડરમાં ધબડકો થતા ઓસ્ટ્રેલિયા 20 ઓવરમા 6 વિકેટે 164 રન બનાવી શક્યું હતું.

    ભારત તરફથી ક્રુણાલ પંડ્યાએ શાનદાર બોલિંગ કરતા 36 રનમાં 4 વિકેટ ઝડપી હતી.

    ભારત સામેની ત્રીજી અને નિર્ણાયક ટી-20 મેચમાં ઓસ્ટ્રેલિયાના સુકાની એરોન ફિન્ચે ટોસ જીતીને પ્રથમ બેટિંગ કરવાનો નિર્ણય કર્યો હતો. ઓસ્ટ્રેલિયાએ ત્રીજી ટી-20માં મિચેલ સ્ટાર્કનો સમાવેશ કર્યો છે.