IND VS NZ: ભારત ન્યૂઝીલેન્ડ વચ્ચેની મેચમાં ટિકિટોનો કાળો બજાર, 9 દલાલોની ધરપકડ

INDIA VS NZછત્તીસગઢમાં પ્રથમ વખત આંતરરાષ્ટ્રીય ક્રિકેટ મેચ (Cricket Match) રમાશે. પરંતુ આ રમત પહેલા અવ્યવસ્થાની ફરિયાદો થઈ રહી છે. ભારત અને ન્યુઝીલેન્ડ વચ્ચેની બીજી ODI (India Vs New Zealand ODI) રાયપુર ક્રિકેટ સ્ટેડિયમ (Raipur Cricket stadium) માં રમાશે. અહીં સ્ટેડિયમની ક્ષમતા 42 હજાર છે. પરંતુ, છત્તીસગઢના મોટાભાગના રમત પ્રેમીઓ ટિકિટ ન મળવાની ફરિયાદ કરી છે. ટિકિટોની કાળા બજારી થઈ છે. આ કિસ્સામાં પોલીસે રાયપુરમાં ટિકિટ (Ticket) ના કાળા બજારી માં 9 આરોપીઓની ધરપકડ કરી છે.

છત્તીસગઢમાં પ્રથમ વખત આંતરરાષ્ટ્રીય ક્રિકેટ મેચનું આયોજન થયું છે. ટિકિટ માટે પડાપડી જોવા મળી અને થોડા કલાકોમાં તમામ ટિકિટ ઓનલાઈન બુક થઈ ગઈ હતી. ટિકિટ દલાલો રાયપુરની શેરીઓમાં ફરતા હતા અને વધુ પડતા ભાવે ટિકિટ વેચતા હતા. રાયપુર પોલીસે વિવિધ પોલીસ સ્ટેશન વિસ્તારમાંથી 66 ટિકિટ સાથે 9 ટિકિટ દલાલોને પકડ્યા હતા. પોલીસે આરોપી રોહિત કુમાર ઝા, અબ્દુલ સલામ, આદિત્ય શ્રીવાસ્તવ અભિષેક સિંહ, રાહુલ વરિયાણી, તન્મય જૈન, અમનદીપ સિંહ સહિત 9 આરોપીઓની ધરપકડ કરી છે. અનેક લોકો પાસેથી પૈસા લઈને કેટલાક ઠગ ફરાર થઈ ગયા છે.

આ પણ વાંચો: KL Rahul Athiya Wedding : રાહુલ અથિયાને મળી કરોડોની ગિફ્ટ! જુઓ કોણે આપી 2.5 કરોડની કાર અને 30 લાખની વોચ

સ્થાનિક સ્તરે કોઈ દેખરેખ નહી

મેચને લઈને ઘણો ઉત્સાહ હતો, પરંતુ ટિકિટ અને પાર્કિંગ પાસ જેવી સામાન્ય બાબતો માટે ભારે અરાજકતા સર્જાઈ હતો. ઘણા લોકોને ટિકિટ જોઈતી હતી. સ્થાનિક કક્ષાએ કોઈપણ પ્રકારનું મોનિટરિંગ ન હોવાને કારણે અરાજકતા જોવા મળી હતી. જોકે કેટલીક બાબતો માટે સીએસસીએસને જવાબદારી સોંપવામાં આવી છે, પરંતુ અરાજકતા અંગે જવાબ આપવા માટે કોઈ અધિકારી આગળ આવી રહ્યા નથી.

" isDesktop="true" id="1324388" >

સ્થાનિક ખેલાડીઓની ઉપેક્ષા

સરગુજાથી બસ્તર સુધી ઘણા સારા યુવા ક્રિકેટ ખેલાડીઓ છે, પરંતુ તે ખેલાડીઓ માટે પાસ કે ટિકિટની પણ વ્યવસ્થા થઈ શકી નથી. દેશના સ્ટાર ખેલાડીઓને જોઈને યુવા ખેલાડીઓ કંઈક શીખી શક્યા હોત, પરંતુ અંધાધૂંધી અને અવ્યવસ્થાના કારણે તેમને પણ વંચિત રહેવું પડ્યું છે

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: IND vs NZ, India vs new zealand, ક્રિકેટ