IND vs WI: બીજી વનડેમાં ભારત 59 રને જીત્યું, કોહલી બન્યો જીતનો હીરો

ટીમ ઈન્ડિયાએ બેટિંગ, બોલિંગ અને ફીલ્ડિંગ ત્રણેય મોરચે જોરદાર પ્રદર્શન કરી ત્રિનિદાદમાં રમાયેલી બીજી વનડેમાં મેજબાન વેસ્ટ ઈન્ડિઝને હરાવી દીધું. ભારતીય ટીમે 59 રને જીત નોંધાવી. પહેલા બેટિંગ કરતાં ભારતે 50 ઓવરમાં 7 વિકેટ ગુમાવીને 279 રન કર્યા ત્યારબાદ વિન્ડીઝની ઇનિંગમાં વરસાદનું વિઘ્ન આવવાના કારણે વિન્ડીઝને 46 ઓવરમાં 270 રનનો સંશોધિત ટાર્ગેટ મળ્યો. જવાબમાં વિન્ડીઝની ટીમ માત્ર 210 રને ઓલઆઉટ થઈ ગઈ અને ભારતે ડકવર્થ લુઈસ નિયમ મુજબ 59 રનનો મોટી જીત નોંધાવી.

અગાઉ, વિરાટ કોહલીની સદી (120) અને શ્રેયસ ઐયરની અડધી સદી (71)ની મદદથી ભારતે વેસ્ટ ઇન્ડીઝ સામેની બીજી વન-ડેમાં 50 ઓવરમાં 7 વિકેટ ગુમાવી 279 રન બનાવ્યા. વેસ્ટ ઇન્ડીઝની જીતવા માટે 280 રનનો પડકાર આપ્યો.

શિખર ધવન 2 રન બનાવી કોટરેલનો શિકાર બન્યો હતો. રોહિત શર્મા અને વિરાટે બીજી વિકેટ માટે 74 રનની ભાગીદારી નોંધાવી હતી. વિરાટ 18 રન બનાવી આઉટ થયો હતો. પંત 20 રન બનાવી બ્રેથવેટનો શિકાર બન્યો હતો.

વિરાટ કોહલીએ 112 બોલમાં 10 ફોર અને 1 સિક્સર સાથે સદી ફટકારી હતી. વિરાટે વન-ડે કારકિર્દીની 42મી સદી ફટકારી હતી. સદી ફટકાર્યા પછી તે વધારે ટકી શક્યો ન હતો અને 120 રને આઉટ થયો હતો. કોહલી અને ઐયરે ચોથી વિકેટ માટે 125 રનની ભાગીદારી નોંધાવી હતી. ઐયરે શાનદાર બેટિંગ કરતા 68 બોલમાં 5 ફોર અને 1 સિક્સર સાથે 71 રન બનાવ્યા હતા.

ભારતના કેપ્ટન વિરાટ કોહલીએ ટોસ જીતીને પ્રથમ બેટિંગ કરવાનો નિર્ણય કર્યો છે. ભારતની ટીમમાં કોઈ ફેરફાર કરાયો નથી.

ક્રિસ ગેઈલની 300મી વન-ડેવેસ્ટ ઇન્ડીઝના ક્રિસ ગેઈલની આજે 300મી વન-ડે છે. આ સાથે જ તે વેસ્ટ ઇન્ડીઝ તરફથી સૌથી વધારે વન-ડે મેચ રમનાર ખેલાડી બની ગયો છે. આ પહેલા વેસ્ટ ઇન્ડીઝના બ્રાયન લારાના નામે 299 વન-ડે મેચ રમવાનો રેકોર્ડ હતો.

બંને ટીમો આ પ્રકારે છે
ભારત - રોહિત શર્મા, શિખર ધવન, વિરાટ કોહલી (કેપ્ટન), શ્રેયસ ઐયર, રિષભ પંત, કેદાર જાધવ, રવીન્દ્ર જાડેજા, ભુવનેશ્વર કુમાર, કુલદીપ યાદવ, મોહમ્મદ શમી, ખલીલ અહમદ.

વેસ્ટ ઇન્ડીઝ - ક્રિસ ગેઈલ, ઇવિન લુઈસ, નિકોલસ પૂરન, શિમરોન હેટમાયર, શાઇ હોપ, જેસન હોલ્ડર (કેપ્ટન), કાર્લોસ બ્રેથવેઇટ, શેલ્ડન કોટરેલ, રોસ્ટન ચેસ, કીમો પોલ, કેમર રોચ.