Home /News /sport /IND vs SA: રોહિત ને પ્રેક્ટિસ સેશનમાં નથી લીધો ભાગ, પ્રેસ કોન્ફરન્સથી પણ દૂર, જાણીએ કારણ

IND vs SA: રોહિત ને પ્રેક્ટિસ સેશનમાં નથી લીધો ભાગ, પ્રેસ કોન્ફરન્સથી પણ દૂર, જાણીએ કારણ

ભારત અને દક્ષિણ આફ્રિકા વચ્ચે રવિવારે ગુવાહાટીમાં બીજી T20 રમાશે.

IND vs SA: ભારત અને દક્ષિણ આફ્રિકા વચ્ચે રવિવારે ગુવાહાટીમાં બીજી T20 રમાશે. પરંતુ, આ મેચ પહેલા રોહિત શર્મા વિશે મોટી માહિતી સામે આવી રહી છે. રોહિતે ટીમના પ્રેક્ટિસ સેશનમાં ભાગ લીધો ન હતો. આ ઉપરાંત તેઓ પ્રેસ કોન્ફરન્સમાં પણ આવ્યા ન હતા. હવે તેનું કારણ સામે આવ્યું છે.

વધુ જુઓ ...
    IND vs SA: ભારત અને દક્ષિણ આફ્રિકા વચ્ચે રવિવારે ગુવાહાટીમાં બીજી T20 રમાશે. પરંતુ, આ મેચ પહેલા રોહિત શર્મા વિશે મોટી માહિતી સામે આવી રહી છે. રોહિતે ટીમના પ્રેક્ટિસ સેશનમાં ભાગ લીધો ન હતો. આ ઉપરાંત તેઓ પ્રેસ કોન્ફરન્સમાં પણ આવ્યા ન હતા. હવે તેનું કારણ સામે આવ્યું છે.

    ભારત અને દક્ષિણ આફ્રિકા વચ્ચે 3 ટી-20 શ્રેણીની બીજી મેચ 2 ઓક્ટોબર (રવિવાર)ના રોજ ગુવાહાટીમાં રમાશે. ભારત પાસે પ્રથમ વખત ઘરઆંગણે દક્ષિણ આફ્રિકા સામે શ્રેણી જીતવાની તક છે. ટીમ ઈન્ડિયા તિરુવનંતપુરમ T20 જીતીને શ્રેણીમાં 1-0થી આગળ છે. આવી સ્થિતિમાં જો ભારત ગુવાહાટીમાં જીતશે તો શ્રેણી પોતાના નામે કરી લેશે.

    જો કે મેચ પહેલા કેપ્ટન રોહિત શર્મા વિશે મોટી માહિતી સામે આવી રહી છે. રોહિતે ન તો પ્રેક્ટિસ સેશનમાં ભાગ લીધો હતો અને ન તો તે આ મેચ પહેલા પ્રી-મેચ પ્રેસ કોન્ફરન્સમાં આવ્યો હતો. તેમની જગ્યાએ કોચ રાહુલ દ્રવિડે મીડિયાના સવાલોના જવાબ આપ્યા હતા. ત્યારથી રોહિતની ઈજાને લઈને અટકળો ચાલી રહી હતી. જો કે, હવે એ વાત સામે આવી છે કે રોહિત શનિવારે મોડી રાત્રે ટીમ સાથે જોડાયો છે.

    આ પણ વાંચો : પૃથ્વી શૉને ગરબા શીખવનાર 'મિસ્ટ્રી ગર્લ' કોણ છે? સોશિયલ મીડિયા પર થઈ રહી સુંદર બાળાની ચર્ચા

    ભારતીય ટીમના નજીકના એક સૂત્રએ ઈનસાઈડસ્પોર્ટને જણાવ્યું કે રોહિત ઈજાગ્રસ્ત નથી. અંગત કારણોસર તે ટીમ સાથે ગુરુવારે ગુવાહાટી પહોંચી શક્યો ન હતો. પરંતુ, હવે તે ટીમ સાથે જોડાઈ ગયો છે અને રવિવારે યોજાનારી બીજી T20માં ભારતની કેપ્ટનશીપ કરશે.

    ગુવાહાટીમાં રમાયેલી છેલ્લી મેચમાં રોહિતે સદી ફટકારી હતી

    પ્રથમ T20માં મોટી ઇનિંગ્સ રમવામાં નિષ્ફળ રહેલો રોહિત ચોક્કસપણે આ મેચમાં મોટો સ્કોર કરવા માંગશે. પ્રથમ ટી20માં ભારતીય કેપ્ટન ખાતું પણ ખોલી શક્યો ન હતો. તેને કાગીસો રબાડાએ આઉટ કર્યો હતો. આ પહેલા ઓસ્ટ્રેલિયા સામેની હૈદરાબાદ ટી20માં પણ રોહિતનું બેટ શાંત રહ્યું હતું. તેણે 17 રન બનાવ્યા હતા. જો કે ગુવાહાટીના બરસાપારા ક્રિકેટ સ્ટેડિયમની વાત કરીએ તો આ મેદાન રોહિત માટે સારું સાબિત થયું છે. તેણે આ મેદાન પર છેલ્લી મેચ 2018માં રમી હતી. ત્યારબાદ રોહિતે વેસ્ટ ઈન્ડિઝ સામે 152 રનની અણનમ ઈનિંગ રમી હતી. તેની સદીની ઈનિંગ્સના આધારે ભારતે ODI મેચમાં વેસ્ટ ઈન્ડિઝને 8 વિકેટે હરાવ્યું હતું.


    ચાહરને મળી શકે છે તક

    રોહિતની સામે ગુવાહાટી T20માં શ્રેષ્ઠ પ્લેઈંગ ઈલેવન પસંદ કરવાના પડકારનો સામનો કરવો પડશે. જસપ્રીત બુમરાહ શ્રેણીમાંથી બહાર છે. આવી સ્થિતિમાં તિરુવનંતપુરમ T20માં શાનદાર બોલિંગ કરનાર દીપક ચહરને પણ ગુવાહાટીમાં તક આપવામાં આવી શકે છે. અર્શદીપ સિંહ તેની સાથે નવા બોલને સંભાળી શકે છે. ત્યારે હર્ષલ પટેલ ત્રીજા ફાસ્ટ બોલર તરીકે ટીમનો ભાગ બની શકે છે. તો જો આપણે સ્પિન બોલિંગ આક્રમણ વિશે વાત કરીએ, તો આર અશ્વિન ફરી એકવાર અક્ષર પટેલ સાથે જોવા મળી શકે છે. અશ્વિને પ્રથમ T20માં 4 ઓવરમાં માત્ર 8 રન આપ્યા હતા.
    Published by:mujahid tunvar
    First published:

    Tags: Cricket News Gujarati, IND Vs SA, Sports news, Team india, ક્રિકેટ

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन