IND vs PAK: કાલે ક્રિકેટના જંગમાં ફરી ટકરાશે ભારત-પાક, જાણો ક્યાં અને ક્યારે નિહાળશો Live પ્રસારણ

IND vs PAK: ન્યૂઝીલેન્ડમાં રમાઈ રહેલા મહિલા ક્રિકેટ વર્લ્ડકપમાં (Women’s World Cup-2022) વર્લ્ડ ક્રિકેટના બે મોટા પ્રતિસ્પર્ધી ભારત અને પાકિસ્તાન વચ્ચે ટક્કર થશે.આવતીકાલે રવિવારે 06 માર્ચના રોજ આ બંને હરિફો વચ્ચે મેચ યોજાવાની છે. ભારતની મહિલા ટીમ પાકિસ્તાનને હરાવવા માટે મેદાનમાં ઉતરશે. કેપ્ટન મિતાલી રાજ (Mithali Raj)ની આગેવાનીમાં મહિલા ટીમ સતત સારૂ પ્રદર્શન કરી રહી છે. રવિવારે મહિલા ટીમ પાકિસ્તાનને હરાવવા માટે મેદાન ઉતરશે.

ભારત વર્ષ 2005 અને 2017ના મહિલા ક્રિકેટ વર્લ્ડકપમાં ઉપ વિજેતા થયું હતું. આ વખતે ભારતની છોરીઓ વર્લ્ડકપ જીતી અને 'હમારી છોરીયા છોરો સે કમ હે ક્યા?'ની ઉક્તિ સાર્થક કરવા માટે મેદાને ઉતરશે. આ મેચનું લાઇવ પ્રસારણ (IND vs PAK Womnes' World Cup Live Streaming) નિહાળવા માટે ચાહકોએ રવિવારની રજાના દિવસે પણ વહેલું ઉઠવું પડશે.

બોલિંગની ચિંતા

ભારત પાકિસ્તાનની મેચ પહેલાં ભારતની બોલિંગ ચિંતાનો વિષય છે. ફક્ત જૂલન ગોસ્વામીના માથે જ ભાર છે ત્યારે અન્ય બોલરો પાસેથી સારા પ્રદર્શનની આશા છે. અગાઉ ભારત ન્યૂઝીલેન્ડ સામે 270 રનનો સ્કોર ડિફેન્ડ કરી શક્યું નહોતું.

આ પણ વાંચો :  Ravindra Jadeja: રવિન્દ્ર જાડેજાએ કર્યો કપિલ દેવ જેવો કમાલ, આ રેકોર્ડ કરનાર બીજો ભારતીય ખેલાડી બન્યો

સાતમાંથી 5 મેચમાં 250+

જોકે, નબળી બોલિંગ વચ્ચે પણ ભારતની બેટિંગ સારી છે તે સારી બાબત છે. મહિલા ક્રિકેટ ટીમે છેલ્લી 7માંથી પાંચ મેચમાં 250+ કરવામાં સફળતા મેળવી છે. જોકે, બેટ્સવુમન સ્ટાર હરમનપ્રીતનું ફોર્મ ભારત માટે ચિંતાનો વિષય રહ્યુ હતું પરંતુ તે ન્યૂઝીલેન્ડ સામે વોર્મઅપ મેચમાં ફિફ્ટી અને સાઉથ આફ્રિકા સામે સદી મારવામાં સફળ થઈ હતી.

IND vs PAK: ટીમ

ભારત : મિથાલી રાજ (કેપ્ટન) સ્મૃતિ મંધાના, શેફાલી વર્મા, હરમનપ્રીત કૌર, યસ્તીકા ભાટીયા, દિપ્તી શર્મા, પૂજા વસ્રાકર, રીત ઘોષ, તાનિયા ભાટિયા, સ્નેહ રાણા, મેઘના સિંઘ, રાજેશ્વરી ગાયકવાડ, પૂનમન યાદવ, જૂલણ ગોસ્વામી, રેણુકા સિંઘ

પાકિસ્તાન: અલિયા રિયાઝ, જાવેરિયા ખાન, મુનિબા અલી, નિહાદા ખાન, બિસ્માહ મારુફ (કેપ્ટન) સિદ્રા અમીન, નિદા ડાર, અનમ અમીન, ઓમનીમાં સોહેલ, સીદરા નવાઝ, એઇમન અનવર, દિના બેગ,ફાતીમાં સના, ગુલામ ફાતીમા, નાશરા સંધુ

આ પણ વાંચો : Shane Warne: શેન વોર્નને બચાવવા 4 મિત્રોએ 20 મિનિટ સુધી કર્યા હતા પ્રયાસ, દર્દનાક કહાણી

IND vs PAK Women's' World Cupની મેચ ક્યારે યોજાશે ?

આઈસીસી વુમન્સ વર્લ્ડકપમાં ભારત પાકિસ્તાન વચ્ચેની મેચ 06 માર્ચના રોજ સવારે 6.30 વાગ્યાથી લાઇ જોવા મળશે

IND vs PAK Women's' World Cupની મેચ ક્યાં રમાશે?

આઈસીસી વર્લ્ડકપની ભારત પાકિસ્તાન મહિલા ટીમની મેચ બેય ઓવલ, માઉન્ટ માઉનગાનુઈમાં રમાશે.

IND vs PAK Women's' World Cupની મેચનું લાઇવ પ્રસારણ ક્યાં જોવા મળશે?

ભારત પાકિસ્તાન મહિલા ક્રિકેટ મેચનું લાઇવ પ્રસારણ સ્ટાર સ્પોર્ટ્સ નેટવર્ક પર જોવા મળશે

IND vs PAK Women's' World Cupની મેચનું લાઇવ સ્ટ્રિમીંગ ક્યાં જોવા મળશે?

આ મેચનું લાઇવ સ્ટ્રિમીંગ, Disney+ Hotstar એપ પર જોવા મળશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: ICC women's World cup 2022, Ind Vs Pak, ક્રિકેટ