IND vs NZ: આજથી ભારતના T-20 ક્રિકેટમાં રોહિત-રાહુલ યુગની શરૂઆત, મેચ પહેલાં દ્રવિડે કર્યા શર્માના ભરપેટ વખાણ, જુઓ Video

ટીમ ઈન્ડિયામાં એક નવા યુગની શરૂઆત (Team India) થઈ ગઈ છે. ટી-20માં નવા કેપ્ટન રોહિત શર્મા (Rohit Sharma) અને ટીમના નવા કોચ રાહુલ દ્રવિડ મેદાને (Rahul Dravid) આવી ગયા છે. ક્રિકેટના આ બંને દિગ્ગજોએ ટીમ ઈન્ડિયાના ક્રિકેટ માટે નવો અધ્યાય લખવા માટે કમર કસી દીધી છે. જોકે, મેચ પહેલાં યોજાયેલી પ્રેસ કોન્ફરન્સમાં રાહુલ દ્રવિડે રોહિત શર્મા સાથેની મુલાકાત યાદ કરી હતી અને રોહતિના ભરપેટ વખાણ કર્યા હતા. રોહિત શર્મા અને રાહુલ દ્રવિડની પહેલી મુલાકાત કેવી રીતે થઈ હતી તે પણ દ્રવિડે જણાવ્યું હતું

દ્રવિડના સમયમાં જ ડેબ્યૂ કર્યુ હતું : ઉલ્લેખનીય છે કે રોહિત શર્માનું વનડે ડેબ્યૂ વર્ષ 2007માં રાહુલ દ્રવિડની કેપ્ટનશીપમાં જ થયું હતું. જોકે, ડેબ્યૂ મેચમાં રોહિતને બેટિંગ કરવાનો ચાન્સ નહોતો મળ્યો. રોહિતની પહેલી મેચ વર્ષ 2007માં આયર્લેન્ડ સામેની મેચમાં રોહિતે ડેબ્યૂ કર્યુ.

આ પણ વાંચો : T20 world Cup 2026- World cup 2031 સહિત 3 મોટી ટુર્નામેન્ટ થશે ભારતમાં, ચેક કરો ICCનું નવું કેલેન્ડર

દ્રવિડે કહ્યું રોહિત ખેલાડી અને લીડર તરીકે ઉભર્યો

દ્રવિડે પ્રેસ કોન્ફરન્સમાં રોહિત શર્મા સાથેની પહેલી મુલાકાત યાદ કરતા વખાણ કર્યા હતા. રોહિત એક ખેલાડી તરીકે અને એક લીડર તરીકે સારી વિકસ્યો છે. તેની મુંબઈ ઈન્ડિયન્સની કેપ્ટનશીપ હોય કે ભારતના બેટ્સમેન તરીકેની ઈનિંગ રોહિત એક ખેલાડી તરીકે ખૂબ વિકાસ કર્યો છે.

🎥 Head Coach Rahul Dravid rekindles his first meeting with a young @ImRo45 & lauds the #TeamIndia T20I captain for his contribution towards the Indian cricket. 👏 ☺️#INDvNZ pic.twitter.com/croLaIElLu

— BCCI (@BCCI) November 16, 2021

પહેલીવાર દ્રવિડ સાથે વાત કરતાં પહેલાં નર્વસ હતો રોહિત

રોહિત શર્માએ રાહુલ દ્રવિડ સાથેની પહેલી મેચનો અનુભવ યાદ કરતા જણાવ્યું હતું કે હું ખૂબ જ નર્વસ હતો. હું તો મારી ઉંમરના લોકો સાથે પણ ખાસ વાતચીત કરી શકતો નહોતો.એટલે આટલા સિનિયર સાથે વાત કેમ કરવી તે મને સમજાતું નહોતું. જ્યારે આયર્લેન્ડ સામેની મેચ વખતે દ્રવિડે કહ્યું હતું કે હું મેચ રમવાનો છું તો એ મારા માટે સ્વપ્ન સમાન હતું.

આ પણ  વાંચો :  Highest Paid Female Cricketer: સૌથી વધુ આવક ધરાવતી આ છે 5 મહિલા ક્રિકેટરો, જાણો સ્મૃતિ મંધાનાનો પગાર

શર્મા બની શકે છે વનડે કેપ્ટન

અહેવાલો એવા પણ સામે આવી રહ્યા છે કે રોહિત શર્માને આગામી સમયમાં વિરાટ કોહલીના ઓપ્શન તરીકે વન-ડે કેપ્ટનશીપ આપવામાં આવે. ટી-20 વર્લ્ડકપ બાદ અનેક ખેલાડીઓ વિરાટ કોહલીને કેપ્ટનશપી છોડવાની સલાહ આપી ચુક્યા છે. આ સલાહ આપનારામાં શાહિદ આફ્રિદી જેવા જૂના ખેલાડીઓ પણ શામેલ છે. કોહલીએ ટી-20 કેપ્ટનશીપ છોડી છે અને હવે તે ફક્ત વનડે અને ટેસ્ટમાં કેપ્ટનશીપ કરવા માંગે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: IND vs NZ, રાહુલ દ્રવિડ, રોહિત શર્મા