Home /News /sport /IND vs NZ: જીત બાદ હાર્દિક પંડ્યાનું મોટું નિવેદન- હજુ ઘણા ઓલરાઉન્ડર જોઇએ કારણ કે...

IND vs NZ: જીત બાદ હાર્દિક પંડ્યાનું મોટું નિવેદન- હજુ ઘણા ઓલરાઉન્ડર જોઇએ કારણ કે...

IND vs NZ 2nd T20I: હાર્દિક પંડ્યાએ કેપ્ટન તરીકે દરેકને પ્રભાવિત કર્યા છે. (AP)

IND vs NZ 2nd T20I: સૂર્યકુમાર યાદવે 51 બોલમાં અણનમ 111 રન બનાવ્યા બાદ ઓલરાઉન્ડર દીપક હૂડાએ તેની ઓફ-સ્પિન બોલિંગ વડે 4 વિકેટ લીધી, ભારતે બીજી ટી-20 આંતરરાષ્ટ્રીય (IND vs NZ) મેચમાં ન્યૂઝીલેન્ડને 65 રનથી હરાવ્યું હતું.

    ભારતીય ક્રિકેટ ટીમના કેપ્ટન હાર્દિક પંડ્યા સમજે છે કે જ્યારે બોલ બેટ્સમેનોને સોંપવામાં આવે છે ત્યારે તેઓ દરેક વખતે સફળ થતા નથી. પરંતુ તે વધુ સારા બોલિંગ વિકલ્પો માટે ટીમમાં વધુ બેટિંગ ઓલરાઉન્ડર લેવા માંગે છે. સૂર્યકુમાર યાદવે 51 બોલમાં અણનમ 111 રન બનાવ્યા બાદ ઓલરાઉન્ડર દીપક હૂડાએ તેની ઓફ-સ્પિન બોલિંગ વડે 4 વિકેટ લીધી, ભારતે બીજી ટી-20 આંતરરાષ્ટ્રીય (IND vs NZ) મેચમાં ન્યૂઝીલેન્ડને 65 રનથી હરાવ્યું હતું. હુડ્ડા પણ નીચલા ક્રમમાં આક્રમક બેટિંગ કરતો નજર આવ્યો હતો. આ જીત સાથે ભારતે 3 મેચની શ્રેણીમાં 1-0ની સરસાઈ મેળવી લીધી છે. છેલ્લી મેચ 22 નવેમ્બરે રમાવાની છે.

    મેચ બાદ હાર્દિક પંડ્યાએ કહ્યું કે, આનાથી વધુ સારું પરિણામ ન હોઈ શકે. બધાએ યોગદાન આપ્યું છે, પરંતુ ચોક્કસપણે સૂર્યા તરફથી મળેલી ઇનિંગ ખાસ હતી. અમે 170-175ના સ્કોર સાથે પણ ખુશ હોત. તેણે કહ્યું કે બોલરોએ સારું પ્રદર્શન કર્યું અને તે માનસિકતામાં આક્રમક હોવાની વાત હતી. તેનો અર્થ એ નથી કે દરેક બોલ સાથે વિકેટ લેવી પરંતુ બોલ સાથે આક્રમક બનવું મહત્ત્વપૂર્ણ છે.

    મેદાન ભીનું હતું, પરંતુ બોલરોએ...

    હાર્દિક પંડ્યાએ કહ્યું કે મેદાન ખૂબ જ ભીનું હતું, તેથી તેનો શ્રેય બોલરોને જાય છે. મેં ઘણી બોલિંગ કરી છે. ભવિષ્યમાં હું બોલિંગના વધું વિકલ્પો જોવા માંગુ છું. એવું નથી કે તે હંમેશા કામ કરશે, પરંતુ હું ઈચ્છું છું કે વધુ બેટ્સમેન બોલ સાથે યોગદાન આપે. અનિલ કુંબલે અને માઈકલ વોન જેવા ભૂતપૂર્વ ખેલાડીઓએ ટી-20 વર્લ્ડ કપમાંથી બહાર થયા બાદ ભારતીય ટીમમાં બોલિંગના વિકલ્પોના અભાવ તરફ ધ્યાન દોર્યું હતું અને ટીમમાં વધુ બેટિંગ ઓલરાઉન્ડરોને સામેલ કરવાની હિમાયત કરી હતી.

    આ પણ વાંચો: રેસ્ટોરન્ટે 'ક્વોલિટી ફૂડ'ના નામે ગ્રાહક પાસે વસૂલ્યું 1.3 કરોડનું બિલ! આટલામાં ફ્લેટ ખરીદી શકાય

    દરેક જણ એકબીજાની સફળતા પર ખુશ થાય છે

    રોહિત શર્માની ગેરહાજરીમાં ટીમની કમાન સંભાળી રહેલા પંડ્યાએ કહ્યું કે, કેપ્ટન તરીકે તેનું કામ ટીમને ડ્રેસિંગ રૂમમાં યોગ્ય વાતાવરણ આપવાનું છે. તેણે કહ્યું કે હું તેની પાસેથી પ્રોફેશનલ બનવાની અપેક્ષા રાખું છું, જે તે છે. તેમને તમારી રમતનો આનંદ માણવાની તક આપવી જોઇએ. તે એક એવું વાતાવરણ બનાવવા વિશે છે જ્યાં તેઓ બધા ખુશ જગ્યાએ હોય. પંડ્યાએ કહ્યું કે હું આ ટીમમાં ઘણી વખત જોઉં છું કે તમામ ખેલાડીઓ એકબીજાની સફળતાથી ખુશ છે અને આ મહત્વપૂર્ણ બાબત છે.

    ન્યુઝીલેન્ડના કેપ્ટન કેન વિલિયમસને સ્વીકાર્યું કે તે તેની ટીમનો શ્રેષ્ઠ પ્રયાસ નહોતો. તેણે કહ્યું કે સૂર્યકુમારની ધમાકેદાર ઇનિંગ્સે તેમની રમત પર પાણી ફેરવી નાંખ્યું. તેણે કહ્યું કે સૂર્યાની ઈનિંગ્સ અનોખી હતી. મેં અત્યાર સુધી જોયેલી શ્રેષ્ઠ ઇનિંગ્સમાંની એક. મેં આમાંના કેટલાક શોટ્સ પહેલાં ક્યારેય જોયા નથી. તે તેજસ્વી ખેલાડી છે. વિલિયમસને કહ્યું કે અમે અપેક્ષા મુજબ રમી શક્યા નથી.
    Published by:rakesh parmar
    First published:

    Tags: IND vs NZ, India vs new zealand, Suryakumar yadav, હાર્દિક પંડ્યા

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन