IND vs ENG: સૂર્યકુમાર યાદવ અને પૃથ્વી શૉને જશે ઈંગ્લેન્ડ, BCCIએ આપી ટીમમાં જગ્યા

તસવરી- એએફપી

India vs England Test Series: બીસીસીઆઈ(BCCI)એ ઇંગ્લેન્ડ શ્રેણી (IND vs ENG) માટે બે વધારાના ખેલાડીઓ ઇંગ્લેન્ડ મોકલવાનો નિર્ણય લીધો છે. પૃથ્વી શૉ (Prithvi Shaw) અને સૂર્યકુમાર યાદવ(Suryakumar Yadav)ને ટીમમાં સ્થાન મળ્યું છે.

  • Share this:
    નવી દિલ્લી: પૃથ્વી શો (Prithvi Shaw)અને મધ્યમ ક્રમના બેટ્સમેન સૂર્યકુમાર યાદવ (Suryakumar Yadav)ઇંગ્લેન્ડ જશે. બીસીસીઆઈ(BCCI)એ સોમવારે તેની જાહેરાત કરી હતી. ઇંગ્લેન્ડના ત્રણ ખેલાડીઓની ઈજા બાદ આ બંને ખેલાડીઓને બદલી તરીકે ઇંગ્લેન્ડ મોકલવામાં આવી રહ્યા છે. આપને જણાવી દઈએ કે શુભમન ગિલ, આવેશ ખાન અને વોશિંગ્ટન સુંદર ઈંગ્લેન્ડ પ્રવાસ પર ઈજાગ્રસ્ત થયા હતા અને આ ત્રણેય ખેલાડીઓ હવે ઇંગ્લેન્ડની ટેસ્ટ સીરીઝથી બહાર થઈ ગયા છે. પાંચ મેચની શ્રેણી 4 ઓગસ્ટથી શરૂ થવાની છે.

    બીસીસીઆઈના સેક્રેટરી જય શાહે જાહેર કરેલી એક નિવેદનમાં જણાવવામાં આવ્યું છે કે, ઓલરાઉન્ડર વોશિંગ્ટન સુંદરને તેના જમણા હાથમાં સમસ્યા છે અને તેને ઈંજેકશન આપવામાં આવ્યું છે. પરંતુ તે શ્રેણીમાંથી બહાર છે. બીજી બાજુ, ઝડપી બોલર આવેશ ખાનને પ્રેક્ટિસ મેચ દરમિયાન તેના ડાબા હાથના અંગૂઠામાં ઈજા થઈ હતી. આ પહેલા ઓપનર બેટ્સમેન શુભમન ગિલ પણ ટૂરથી બહાર થઈ ગયો છે.

    આ પણ વાંચો: Tokyo Olympics : મીરાબાઈ ચાનૂને કોહલીએ આપી શુભેચ્છા, કહ્યું- આશાઓને જીતમાં ફેરવવાની ક્ષમતા

    બીસીસીઆઇએ જણાવ્યું હતું કે વિકેટકિપર-બેટ્સમેન ઋષભ પંતની રિકવરી સારી છે અને તેની બંને ટેસ્ટ નેગેટિવ આવી છે. મેડિકલ ટીમની તપાસ કર્યા બાદ તેણે ટેસ્ટ સિરીઝની તૈયારી શરૂ કરી દીધી છે. બોલિંગ કોચ બી અરુણ, વિકેટકીપર બેટ્સમેન રિદ્ધિમાન સાહા અને ઓપનર બેટ્સમેન અભિમન્યુ ઇસ્વરને પણ કોરેન્ટાઈન સમય પૂર્ણ કરી ટીમમાં જોડાઈ છે.

    આ પણ વાંચો: રણવીર સિંહ ઘોની સાથે ફૂટબોલ રમવા પહોંચ્યો, માહી પર પ્રેમ વરસાવતો જુઓ વીડિયો

    અભિમન્યુ ઇશ્વરન અગાઉ ટીમના સ્ટેન્ડબાય ખેલાડીઓની યાદીમાં હતો. પરંતુ હવે તેને 21 સભ્યોની ટીમમાં સ્થાન મળ્યું છે. એટલે કે, તે શ્રેણીમાં આંતરરાષ્ટ્રીય ક્રિકેટમાં પ્રવેશ પણ કરી શકે છે. પ્રસિદ્ધ કૃષ્ણા અને અરજણ નાગવાસવાળા માત્ર બે ખેલાડીઓ સ્ટેન્ડબાયમાં બાકી છે. પાંચ મેચની શ્રેણી 4 ઓગસ્ટથી શરૂ થઈ રહી છે.

    આ પણ વાંચો:  Tokyo Olympics : ભારતના અર્જુન અને અરવિંદ લાઈટ વેટ ડબલ સ્કલ્સના સેમિફાઇનલમાં પહોંચ્યાં

    ઇંગ્લેન્ડ પ્રવાસ માટેની ભારતીય ટીમ: રોહિત શર્મા, મયંક અગ્રવાલ, ચેતેશ્વર પૂજારા, વિરાટ કોહલી (કેપ્ટન), અજિંક્ય રહાણે, હનુમા વિહારી, ઋષભ પંત, આર અશ્વિન, રવિન્દ્ર જાડેજા, અક્ષર પટેલ, જસપ્રિત બુમરાહ, ઇશાંત શર્મા, મોહમ્મદ શમી, મોહમ્મદ સિરાજ , શાર્દુલ ઠાકુર, ઉમેશ યાદવ, કેએલ રાહુલ,રિદ્ધિમાન સાહા, અભિમન્યુ ઇશ્વરન, પૃથ્વી શો, સૂર્યકુમાર યાદવ.
    Published by:kuldipsinh barot
    First published: