IND vs ENG:ટીમ ઈન્ડિયા ઈંગ્લેન્ડમાં રમશે વન-ડે અને ટી-20 સીરિઝ, જાણો ક્યારે થશે ટક્કર

ટીમ ઈન્ડિયા આવતા વર્ષે ઈંગ્લેન્ડ પ્રવાસ પર ત્રણ ટી 20 અને ત્રણ વનડે રમશે.

India vs England Series: ટીમ ઈન્ડિયા અત્યારે ઈંગ્લેન્ડમાં ટેસ્ટ શ્રેણી રમી રહી છે. ટીમ આગામી વર્ષે ફરી ઈંગ્લેન્ડનો પ્રવાસ (IND vs ENG) પર જશે. જુલાઈ 2022માં ત્રણ ટી-20 અને ત્રણ વનડે રમવાની છે. ઈંગ્લેન્ડ અને વેલ્સ ક્રિકેટ બોર્ડ (EBC)એ શ્રેણીનું શિડ્યુલ જાહેર કર્યું છે.

  • Share this:
    લંડન: ટીમ ઈન્ડિયા (Team India) હાલમાં ઈંગ્લેન્ડમાં ટેસ્ટ શ્રેણી રમી રહી છે. આ પછી IPL અને T20 વર્લ્ડ કપ રમવાનો છે. પરંતુ આવતા વર્ષે ટીમ જુલાઈમાં ફરી ઈંગ્લેન્ડ (England)નો પ્રવાસ કરશે. આ દરમિયાન તેણે ત્રણ-ટી 20 અને ત્રણ વનડે રમવાની છે. ઈંગ્લેન્ડ એન્ડ વેલ્સ ક્રિકેટ બોર્ડ (ECB)એ શ્રેણીનું સંપૂર્ણ શિડ્યૂલ જાહેર કર્યું છે. મહત્વનું છે કે, 5 મેચની ટેસ્ટ શ્રેણીમાં ટીમ ઇન્ડિયા (IND vs Eng) હાલમાં 2-1થી આગળ છે. ફાઇનલ મેચ 10 સપ્ટેમ્બરથી માન્ચેસ્ટરમાં રમાવાની છે. ટીમ ઈંગ્લેન્ડમાં 2007થી ટેસ્ટ શ્રેણી જીતી શકી નથી.

    ઇસીબી પાસેથી પ્રાપ્ત માહિતી અનુસાર, શ્રેણી 1 જુલાઈથી શરૂ થશે. પ્રથમ ટી 20 મેચ 1 જુલાઈએ માન્ચેસ્ટરમાં રમાશે. બીજી ટી 20 નોટિંગહામમાં 3 જુલાઈએ જ્યારે છેલ્લી ટી 20 મેચ 6 જુલાઈએ સાઉધમ્પ્ટનમાં યોજાશે. આ પછી ત્રણ મેચની વનડે શ્રેણી રમાશે. પ્રથમ વનડે 9 જુલાઈએ બર્મિંગહામમાં, બીજી વનડે 12 જુલાઈએ ધ ઓવલમાં અને ત્રીજી વનડે 14 જુલાઈએ લોર્ડ્સ ખાતે યોજાવાની છે. ઈંગ્લેન્ડ જુલાઈમાં કુલ 12 મર્યાદિત ઓવરની મેચ રમશે.

    ઇંગ્લેન્ડની ટીમ 2022 માં ન્યૂઝીલેન્ડમાં ત્રણ મેચની ટેસ્ટ શ્રેણી રમશે. આ શ્રેણી વર્લ્ડ ટેસ્ટ ચેમ્પિયનશિપનો ભાગ છે. ત્રણેય ટેસ્ટ 2 થી 27 જૂન દરમિયાન યોજાશે. આ પછી, ટીમે જુલાઈમાં દક્ષિણ આફ્રિકા સામે ત્રણ વનડે અને ત્રણ ટી 20 મેચ રમવાની છે. આ પછી, ઓગસ્ટ-સપ્ટેમ્બરમાં ઈંગ્લેન્ડ અને દક્ષિણ આફ્રિકા વચ્ચે 3 મેચની ટેસ્ટ શ્રેણી પણ યોજાવાની છે.

    આ પણ વાંચો: T20 World Cup: વર્લ્ડ કપ માટે ટીમ ઈન્ડિયામાં 10 ખેલાડીઓના નામ નક્કી

    ભારત અને ઈંગ્લેન્ડ વચ્ચે ઈંગ્લેન્ડમાં અત્યાર સુધી 3 ટી 20 શ્રેણી રમાઈ છે. ઇંગ્લેન્ડ 2 માં જીત્યું છે જ્યારે ટીમ ઇન્ડિયાએ એક શ્રેણીમાં જીત મેળવી છે. 2011 અને 2014 માં ટી -20 શ્રેણીમાં એક -એક મેચ હતી અને ઇંગ્લેન્ડની ટીમ શ્રેણી જીતવામાં સફળ રહી હતી. તે જ સમયે, 2018 માં રમાયેલી 3 મેચની શ્રેણી ટીમ ઇન્ડિયાએ 2-1થી જીતી હતી.
    Published by:kuldipsinh barot
    First published: