'જો KL રાહુલની એક કે બે ઇનિંગ્સ ખરાબ જશે તો તમે શુભમન ગિલને ઓપનિંગ કરતા જોશો'

નવી દિલ્હી : ટીમ ઈન્ડિયાના પૂર્વ ક્રિકેટર મોહમ્મદ કૈફનું માનવું છે કે શુભમન ગિલ ઓસ્ટ્રેલિયા સામે ભારતના ઓપનર તરીકે કેએલ રાહુલનું સ્થાન લઈ શકે છે. તેણે કહ્યું કે જો રાહુલ ઓસ્ટ્રેલિયા સામે તેની પ્રથમ બે ઇનિંગ્સમાં પ્રભાવિત કરવામાં નિષ્ફળ જાય છે, તો તમે શુભમન ગિલને ઓપનિંગ કરતા જોઈ શકો છો. તાજેતરના સમયમાં શુભમન ગિલ ત્રણેય ફોર્મેટમાં શાનદાર ફોર્મમાં છે. ગિલે હાલમાં જ ન્યૂઝીલેન્ડ સામેની ત્રીજી T20 મેચમાં સદી ફટકારીને ભારતને 168 રનથી મોટી જીત અપાવી છે. આ સદી સાથે ગિલ ત્રણેય ફોર્મેટમાં સદી ફટકારનાર પાંચમો અને સૌથી યુવા ભારતીય ખેલાડી બની ગયો છે.

સ્ટાર સ્પોર્ટ્સ પર વાતચીત દરમિયાન જ્યારે તેમને પૂછવામાં આવ્યું કે શું ઓસ્ટ્રેલિયા સિરીઝમાં શુભમન ગિલ સાથે ઓપનિંગ કરવું યોગ્ય રહેશે? મોહમ્મદ કૈફે જવાબ આપ્યો, “ભલે કેએલ રાહુલ ઉપ-કેપ્ટન હોય, તો પણ તે થઈ શકે છે. મને ખાતરી છે કે રાહુલ શરૂઆત કરશે. કેએલ રાહુલ ઘણા દબાણમાં હશે. તેણે તરત જ રન બનાવવાની શરૂઆત કરવી પડશે. જો એક કે બે ઇનિંગ્સ ખરાબ જશે તો કેએલ રાહુલની જગ્યાએ શુભમન ગિલ શરૂઆત કરશે.

મોહમ્મદ કૈફે જણાવ્યું કે શા માટે તેને વિશ્વાસ છે કે શુભમન ગિલ શ્રેણી દરમિયાન મિડલ ઓર્ડરમાં રમશે. તેણે કહ્યું, “શુબમન ગિલ નંબર 5 અથવા નંબર 6 પર ઉતરી શકે છે. તે બેશક પ્રદર્શન કરશે. ત્રીજા નંબરે ચેતેશ્વર પૂજારા અને ચોથા નંબર પર વિરાટ કોહલી આવશે. શ્રેયસ અય્યરની તબિયત અત્યારે સારી નથી. તેથી તે નંબર 5 અથવા નંબર 6 પર ફિટ થઈ શકે છે."

આ પણ વાંચો : વિરાટ કોહલીને લઇ પાકિસ્તાની પેસરના નિવેદન બાદ હંગામો,‘બેટા તું અંડર-19 રમતો હતો અને તારો બાપ...’

મોહમ્મદ કૈફનું માનવું છે કે શુભમન ગિલ પ્લેઈંગ ઈલેવનમાં સ્થાન મેળવવા માટે સક્ષમ છે. તેણે કહ્યું, “શુબમન ગિલ એ પ્રકારનો ખેલાડી છે જેને તમે શરૂઆતની લાઇનઅપમાં જોવા માંગો છો. તેથી તેને ક્યાંક તેનું સ્થાન મળશે. તે શાનદાર ફોર્મ સાથે એક શાનદાર બેટ્સમેન છે. તેની બેટિંગ શૈલી સરળ છે.

જણાવી દઈએ કે, શુભમન ગિલે પોતાની 13 ટેસ્ટ મેચોમાં 32.00ની એવરેજથી 736 રન બનાવ્યા છે. ઓસ્ટ્રેલિયા સામે તેનો રેકોર્ડ મજબૂત છે. તેણે ત્રણ ટેસ્ટમાં 51.80ની પ્રભાવશાળી સરેરાશથી 259 રન બનાવ્યા છે, જેમાં ગાબા ખાતેની ઐતિહાસિક જીતમાં નિર્ણાયક 91 રનનો સમાવેશ થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cricket News in Guajarati, Mohammad kaif, Shubhaman Gill