Home /News /sport /ICC T20I Rankings: સૂર્યકુમાર યાદવની રેન્કિંગમાં ફાયદો, પાકિસ્તાનના કેપ્ટનને છોડ્યો પાછળ

ICC T20I Rankings: સૂર્યકુમાર યાદવની રેન્કિંગમાં ફાયદો, પાકિસ્તાનના કેપ્ટનને છોડ્યો પાછળ

ICC T20i રેન્કિંગ: સૂર્યકુમાર યાદવને મળ્યો મોટો ફાયદો.

ICC T20I Rankings Suryakumar Yadav : સૂર્યકુમાર યાદવ વર્તમાન સમયમાં ટી-20ના સારા બેટ્સમેનમાંથી એક છે. ઓસ્ટ્રેલિયા વિરૂદ્ધ પ્રથમ ટી-20માં પણ તેને 46 રનની આક્રમક રમત રમી હતી. તે શાનદાર પ્રદર્શનના દમ પર આઇસીસી ટી-20 રેન્કિંગમાં ટોપ-3માં પહોચી ગયો છે. સૂર્યકુમાર યાદવે પાકિસ્તાનના કેપ્ટન બાબર આઝમને પાછળ છોડી દીધો છે. બાબર આઝમ ચોથા સ્થાને જતો રહ્યો છે.

વધુ જુઓ ...
    નવી દિલ્હી: સૂર્યકુમાર યાદવ વર્તમાન સમયમાં ટી-20ના સારા બેટ્સમેનમાંથી એક છે. ઓસ્ટ્રેલિયા વિરૂદ્ધ પ્રથમ ટી-20માં પણ તેને 46 રનની આક્રમક રમત રમી હતી. તે શાનદાર પ્રદર્શનના દમ પર આઇસીસી ટી-20 રેન્કિંગમાં ટોપ-3માં પહોચી ગયો છે. સૂર્યકુમાર યાદવે પાકિસ્તાનના કેપ્ટન બાબર આઝમને પાછળ છોડી દીધો છે. બાબર આઝમ ચોથા સ્થાને જતો રહ્યો છે. મોહમ્મદ રિઝવાન પહેલાની જેમ ટોપ પર છે અને સાઉથ આફ્રિકાનો એડન માર્કરમ બીજા નંબર પર છે. બોલિંગમાં અફઘાનિસ્તાનનો લેગ સ્પિનર રાશિદ ખાનને એક સ્થાનનો ફાયદો થયો છે અને તે ચોથા સ્થાને આવી ગયો છે.

    સૂર્યકુમાર યાદવે ઓસ્ટ્રેલિયા વિરૂદ્ધ પ્રથમ ટી-20 મેચમાં 25 બોલમાં 46 રન બનાવ્યા હતા. 2 ફોર અને 4 સિક્સર ફટકારી હતી, તેના 780 રેટિંગ પોઇન્ટ છે. જ્યારે નંબર-1 પર રહેલા પાકિસ્તાનના વિકેટ કીપર બેટ્સમેન મોહમ્મદ રિઝવાનના 825 અંક છે. રિઝવાને ઇંગ્લેન્ડ વિરૂદ્ધ પ્રથમ ટી-20 મેચમાં 68 રન બનાવ્યા હતા. બીજી તરફ બાબર આઝમ માત્ર 31 રન બનાવી શક્યો હતો. બાબરના 771 અંક છે. એડન માર્કરમના 792 અંક છે. હવે સૂર્યકુમાર યાદવ ઓસ્ટ્રેલિયા અને સાઉથ આફ્રિકા સામેની સીરિઝમાં સારૂ પ્રદર્શન કરીને રિઝવાનની નજીક પહોચી શકે છે.

    આ પણ વાંચો:   બોલરોના ખરાબ દેખાવના કારણે બેટ્સમેનોની મહેનત પાણીમાં, 4 બોલરે આપ્યા 12ની એવરેજથી રન

    અન્ય કોઇ ભારતીય ટોપ-10માં નથી

    ટોપ-10 બેટ્સમેનોની વાત કરવામાં આવે તો અન્ય કોઇ ભારતીય બેટ્સમેન તેમાં જગ્યા બનાવી શક્યો નથી. ઇંગ્લેન્ડનો ડેવિડ મલાન 5માં, ઓસ્ટ્રેલિયાનો એરોન ફિન્ચ છઠ્ઠા, ન્યૂઝીલેન્ડનો ડેવોન કૉનવે સાતમા, શ્રીલંકાનો પથુમ નિસંકા આઠમા, યૂએઇનો મોહમ્મદ વસીમ નવમા અને સાઉથ આફ્રિકાનો રીઝા હેંડ્રિક્સ 10માં નંબર પર છે. રોહિત શર્મા 14માં અને વિરાટ કોહલી 16માં નંબર પર છે. વિરાટ કોહલીને એક અંકનું નુકસાન થયુ છે. કેએલ રાહુલ 5 અંક ઉપર 18માં નંબર પર છે.

    બોલિંગ રેન્કિંગમાં ભારતીય ફાસ્ટ બોલર ભૂવનેશ્વર કુમારને 2 અંકનો ઝટકો લાગ્યો છે. તે સાતમાથી નવમા નંબર પર આવી ગયો છે, તેને પ્રથમ ટી-20 મેચમાં ઓસ્ટ્રેલિયા સામે 4 ઓવરમાં 52 રન આપી દીધા હતા અને કોઇ વિકેટ ઝડપી શક્યો નહતો. જોસ હેઝલવુડ પ્રથમ, તબરેજ શમ્સી બીજા અને આદિલ રાશિદ ત્રીજા નંબર પર છે. ઓસ્ટ્રેલિયાનો લેગ સ્પિનર એડમ ઝમ્પા ચોથાથી પાંચમા નંબર પર જતો રહ્યો છે. અન્ય કોઇ ભારતીય બોલર ટોપ-20માં પણ નથી.
    Published by:mujahid tunvar
    First published:

    Tags: Cricket News Gujarati, India Sports, ક્રિકેટ

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन