મારાથી ડરે છે વર્લ્ડના બોલરો, મને તેમાં મજા આવે છે: ક્રિસ ગેઈલ

વેસ્ટ ઇન્ડીઝના આક્રમક બેટ્સમેન ક્રિસ ગેઈલેના મતે દુનિયાભરના બોલરો મારાથી ડરે છે પણ કેમેરા સામે કબુલ કરશે નહીં. કેમેરો હટતા જ આ બોલરો કહેશે ‘આ જ છે તે, આ જ છે તે’. ગેઈલ પોતાનો પાંચમો વર્લ્ડ કપ રમી રહ્યો છે. તે વર્લ્ડ કપ 2019ની વેસ્ટ ઇન્ડીઝ ટીમમાં સૌથી અનુભવી ખેલાડી છે.

ગેઈલે ઓસ્ટ્રેલિયાની એક વેબસાઇટને કહ્યું હતું કે હવે આ પહેલા જેટલું આસાન નથી જ્યારે હું ચુસ્ત હતો. જોકે બોલરોને ખબર છે કે યૂનિવર્સ બોસ શું કરી શકે છે. તેના મગજમાં એ હોય છે કે તે ક્રિકેટનો સૌથી ખતરનાક બેટ્સમેન છે.

શું કોઈ વિરોધી ટીમ હજુ પણ તમારાથી ડરે છે. તેના જવાબમાં ગેઈલે કહ્યું હતું કે તમને ખબર નથી. તમે તેમને પુછો. કેમેરા પર પુછો તો કેમેરા ઉપર તે કહેશે નહીં પણ કેમેરો હટતા જ કહેશે કે તે મારાથી ડરે છે. ગેઈલે કહ્યું હતું કે મને તેમાં મજા આવે છે. મને ફાસ્ટ બોલરોનો સામનો કરવાની હંમેશા મજા આવે છે. તેનાથી મને બેટિંગ કરવાની પ્રેરણા મળે છે. મને આવા પડકારો પસંદ છે.

આ પણ વાંચો - ઇંગ્લેન્ડની ટીમે 2019ની કિટ જાહેર કરી, 27 વર્ષ જૂનો દાવ ખેલ્યો

ગેઈલે આ વર્ષની શરુઆતમાં ઇંગ્લેન્ડ સામેની ઘરેલુ શ્રેણીમાં 4 મેચમાં 106ની એવરેજથી 424 રન બનાવ્યા હતા. આ શ્રેણીમાં તેણે 39 સિક્સર ફટકારી હતી. તે 289 વન-ડેમાં 10151 રન બનાવી ચૂક્યો છે. હાલમાં જ પૂરી થયેલી આઈપીએલમાં પણ ગેઈલનું પણ શાનદાર રહ્યું હતું. ગેઈલે 13 મેચમાં 490 રન બનાવ્યા હતા. વેસ્ટ ઇન્ડીઝ 31 મે એ પાકિસ્તાન સામે પોતાની પ્રથમ મેચ રમશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Chris gayle, Cricket world cup 2019, ICC Cricket World Cup 2019, આઇસીસી