Home /News /sport /

ભારત-આફ્રિકાની મેચમાં ટોસમાં થઈ ગરબડ, કોમન્ટેટરે કરી ભૂલ

ભારત-આફ્રિકાની મેચમાં ટોસમાં થઈ ગરબડ, કોમન્ટેટરે કરી ભૂલ

ભારત-દક્ષિણ આફ્રિકાની મેચમાં ટોસમાં થઈ ગરબડ, કોમન્ટેટરે કરી ભૂલ

આઈસીસી વર્લ્ડ કપની મેચમાં આફ્રિકાએ ટોસ જીતીને પ્રથમ બેટિંગ કરવાનો નિર્ણય કર્યો

    ભારત અને દક્ષિણ આફ્રિકા વચ્ચે આઈસીસી વર્લ્ડ કપની મેચમાં આફ્રિકાએ ટોસ જીતીને પ્રથમ બેટિંગ કરવાનો નિર્ણય કર્યો છે. આ મેચમાં ટોસ સમયે એક ભૂલ થઈ હતી. દક્ષિણ આફ્રિકાના કેપ્ટન પ્લેસિલે સિક્કો ઉછાળ્યો હતો અને કોહલીએ હેડ કહ્યું હતું. જોકે ટેલ્સ આવ્યું હતું. આમ છતા કોમેન્ટેટર માર્ક નિકોલસે કહ્યું હતું કે ભારતે ટોસ જીત્યો છે અને માઇક કોહલી તરફ આગળ કર્યું હતું. જોકે મેચ રેફરીએ ભૂલ સુધારતા કહ્યું હતું કે ટોસ દક્ષિણ આફ્રિકાએ જીત્યો છે. આ પછી માર્ક નિકોલસે કહ્યું હતું કે ભારતે નહીં પણ દક્ષિણ આફ્રિકાએ ટોસ જીત્યો છે.

    પ્લેસિસ કહ્યું હતું કે પ્રથમ બેટિંગ કરીશું. ભારત સામે રમવું હંમેશા મોટી તક હોય છે. આ મેચમાં દક્ષિણ આફ્રિકાએ ઈજાગ્રસ્ત એન્ગિડીના સ્થાને સ્પિનર તબરેઝ શમસીનો સમાવેશ કર્યો છે. બંને ટીમોએ મેચમાં બે-બે રિસ્ટ સ્પિનર રમાડ્યા છે. આફ્રિકા પાસે ઇમરાન તાહિર અને શમસી છે તો ભારત પાસે કુલદીપ યાદવ અને યુજવેન્દ્ર ચહલ છે.

    આ પણ વાંચો - આવી છે ટીમ ઇન્ડિયાના 15 ખેલાડીઓની તાકાત અને નબળાઇ

    વિરાટ કોહલીએ ટોસ સમયે કહ્યું હતું કે તેમને દર્શકોનો ઘણું સમર્થન મળી રહ્યું છે. અમારી પાસે ઘણી સંતુલિત બોલિંગ છે.પ્રથમ વખત વર્લ્ડ કપમાં કેપ્ટનશિપના સવાલ પર કહ્યું હતું કે દેશનું પ્રતિનિધિત્વ કરવાથી શાનદાર કોઈ પ્રેરણા નથી.

    બંને ટીમો આ પ્રકારે છે

    ભારત - શિખર ધવન, રોહિત શર્મા, વિરાટ કોહલી (કેપ્ટન), લોકેશ રાહુલ, કેદાર જાધવ, એમએસ ધોની, હાર્દિક પંડ્યા, ભુવનેશ્વર કુમાર, કેદાર જાધવ, યુજવેન્દ્ર ચહલ, જસપ્રીત બુમરાહ.

    દક્ષિણ આફ્રિકા - ડી કોક, ફાફ ડુ પ્લેસિસ (કેપ્ટન), હાશિમ અમલા, વાન ડેર ડુસો, ડેવિડ મિલર, જેપી ડુમિની, ફેલુકવાયો, ક્રિસ મોરિસ, કાગિસો રબાડા, ઇમરાન તાહિર, શમસી.
    Published by:Ashish Goyal
    First published:

    Tags: Faf du plessis, ICC Cricket World Cup 2019, India vs South Africa, South africa, ભારત, વિરાટ કોહલી

    विज्ञापन

    विज्ञापन

    આગામી સમાચાર

    विज्ञापन
    विज्ञापन