IPL 2021: હું 40 વર્ષનો છું અને હજી રમી શકું છું, કંઈપણ સાબિત કરવાની જરૂર નથી: હરભજનસિંહ

IPL 2021: હું 40 વર્ષનો છું અને હજી રમી શકું છું, કંઈપણ સાબિત કરવાની જરૂર નથી: હરભજનસિંહ

  • Share this:
    નવી દિલ્હી: ભારતીય ઓફ સ્પિનર ​​હરભજનસિંહે બુધવારે કહ્યું હતું કે, તે હજી પણ રમી રહ્યો છે કારણ કે, તે રમવા માંગે છે. હરભજને કહ્યું કે, તેને કોઈને કંઈપણ સાબિત કરવાની જરૂર નથી. હરભજન આ વર્ષે ઈન્ડિયન પ્રીમિયર લીગ (IPL 2021)માં કોલકાતા નાઈટ રાઇડર્સ તરફથી રમશે અને તે તેની બાકી રહેલ તમામ ક્રિકેટનો આનંદ માણવા માંગે છે.

    હરભજને કહ્યું, "ઘણા લોકોને આશ્ચર્ય થાય છે કે, ભાઈ આ કેમ રમે છે. આ તેમની વિચારસરણી છે, મારી નથી. મને લાગે છે કે, હવે હું રમી શકું તો હું રમીશ. મારે હવે કોઈને કાંઈ પણ સાબિત કરવાની જરૂર નથી. મારો હેતુ એક સારી રમત બતાવવાનો અને મેદાન પરની રમતનો આનંદ લેવાનો છે. મને હજી પણ ક્રિકેટ રમીને સંતોષ મળે છે. '' ઓફ સ્પિનરે કહ્યું, 'મેં મારી જાત માટે માપદંડ નક્કી કર્યો છે અને જો હું તેમને મળતો નથી, તો હું મારી જાતને દોષી ઠેરવીશ અને બીજા કોઈને નહીં. તે પછી હું મારી જાતને પૂછીશ કે, શું મેં પૂરતા પ્રયત્નો કર્યા છે.



    હરભજને 1998માં ટેસ્ટ ક્રિકેટમાં પ્રવેશ કર્યો હતો અને તેના નામે 700થી વધુ આંતરરાષ્ટ્રીય વિકેટ છે. તેણે કહ્યું, "હા, હવે હું 20 વર્ષનો નથી અને હું તે સમયે પ્રેક્ટિસ કરીશ નહીં. હા, હું 40 વર્ષનો છું અને હું જાણું છું કે હું હજી પણ ફિટ છું અને આ સ્તરે સફળ થવા માટે મારે જે કરવાનું છે તે ચોક્કસપણે કરીશ."

    ગયા વર્ષે આઈપીએલમાં નહીં રમવા વિશે હરભજને કહ્યું હતું કે, 'ગયા વર્ષે આઈપીએલ થયું ત્યારે કોવિડ -19 ભારતમાં ટોચ પર હતો. હું મારા પરિવારની ચિંતા કરતો હતો અને ત્યારબાદ ભારત પાછા ફર્યા પછી મારે કોરેન્ટાઈન વાળુ જીવન જીવવું પડતુ . પરંતુ આ વર્ષે ટુર્નામેન્ટ ભારતમાં બની રહી છે અને આપણે નવી આદતોના ટેવાયેલા થઈ ગયા છીએ. "તેમણે કહ્યું કે રસી આવી છે. આ સિવાય પરિવારે પણ રમવાનું કહ્યું. મારી પત્ની (ગીતા) એ કહ્યું કે, મારે રમવું જોઈએ.
    Published by:kuldipsinh barot
    First published:March 31, 2021, 18:48 pm

    ટૉપ ન્યૂઝ