Hockey World Cup 2023: ભારતીય ટીમની આફ્રિકા સામે 5-2ની જીત, સાથે જ વર્લ્ડ કપ અભિયાનનો અંત કર્યો

નવી દિલ્હીઃ ભારતીય ટીમે શનિવારે હોકી વર્લ્ડ કપ 2023ની છેલ્લી મેચ દક્ષિણ આફ્રિકા સામે રાઉરકેલામાં રમી હતી. આ મેચમાં ભારતીય ટીમે 5-2થી જીત મેળવી હતી. આ જીત સાથે હોકી વર્લ્ડ કપ 2023 માટે ભારતીય ટીમનું અભિયાન સંપૂર્ણપણે સમાપ્ત થઈ ગયું છે. ટીમ ઈન્ડિયાએ આ વખતે નવમા સ્થાને રહીને ટૂર્નામેન્ટ પૂરી કરી છે.

હોકી વર્લ્ડ કપ 2023માં ભારતીય ટીમને ચોક્કસપણે નિષ્ફળતાનો સામનો કરવો પડ્યો છે, પરંતુ ટૂર્નામેન્ટ દરમિયાન ટીમનું પ્રદર્શન ખૂબ જ પ્રશંસનીય હતું. ટીમ ઈન્ડિયાને માત્ર એક મેચમાં હારનો સામનો કરવો પડ્યો હતો. આ સિવાય એક મેચ ડ્રો રહી હતી. આ બે મેચ બાદ ભારતીય ટીમ તેની બાકીની તમામ મેચ જીતવામાં સફળ રહી.

Goal! South Africa hits a goal with a shootout advantage.

🇿🇦RSA 2-5 IND🇮🇳#HockeyIndia #HWC2023 #HockeyWorldCup2023 #StarsBecomeLegends #RSAvsIND @CMO_Odisha @sports_odisha @IndiaSports @Media_SAI @SA_Hockey

— Hockey India (@TheHockeyIndia) January 28, 2023

હોકી વર્લ્ડ કપ 2023માં આર્જેન્ટીનાની સાથે ભારતીય ટીમ નવમા સ્થાને રહી હતી. ત્યારે દક્ષિણ આફ્રિકા 11મા સ્થાને વેલ્સ સાથે ટૂર્નામેન્ટ સમાપ્ત કરવામાં સફળ રહ્યું. ભારતીય ટીમ માટે છેલ્લી મેચમાં અભિષેક નૈને 5મો, હરમનપ્રીત સિંહે 12મો, સમશેર સિંહે 45મો, આકાશદીપ સિંહે 49મો અને સુખજીત સિંહે 59મી મિનિટે ગોલ કર્યો હતો.


ત્યાં દક્ષિણ આફ્રિકા માટે છેલ્લી મેચમાં બે ખેલાડીઓ ગોલ કરવામાં સફળ રહ્યા હતા. આમાં સાંકેલો મવિંબી અને કાસિમ મુસ્તફાના નામ સામેલ છે. આફ્રિકન ટીમ માટે મવિંબીએ 49મી અને મુસ્તફાએ 60મી મિનિટે ગોલ કર્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Hockey, Hockey India, Hockey World Cup 2023, Indian Hockey Team, Men Hockey Team