CSK VS GT IPL 2023: અમદાવાદમાં પહેલી ટી-20માં ચેન્નઈએ બનાવ્યા 178 રન, ગુજરાત ટાઈટન્સ ચેઝ કરવા ઉતરશે મેદાનમાં

અમદાવાદમાં આજે IPL 2023 (Indian Premier League) નો શાનદાર  પ્રારંભ  થઈ ચૂક્યો છે.  પહેલી જ મેચમાં ગુજરાત ટાઈટન્સના કેપ્ટન હાર્દિક પંડ્યાએ ટોસ જીત્યો હતો અને હોમગ્રાઉન્ડમાં આ રીતે તેણે શુભ શરૂઆત કરી હતી. પિચ અને કન્ડિશન જોતાં તેણે પહેલા બોલિંગ કરવાનો નિર્ણય લીધો હતો. અને મહેન્દ્ર સિંહ ધોનીની કેપ્ટન્સી હેઠળની ટીમ ચેન્નઈ સુપર કિંગ્સને પ્રથમ બેટિંગ કરવા આમંત્રણ આપ્યું હતું.

અગાઉ ઓપનિંગ સેરેમનીમાં અરિજીત સિંઘે લોકોને ગીતો ગાઈને નાચવ્યા હતા. સમારોહ જોવા માટે લગભગ 1.15 લાખ દર્શકો સ્ટેડિયમ પહોંચ્યા છે. મંદિરા બેદીએ હોસ્ટિંગ કર્યું હતું અને સાથે અરિજિત સિવાય તમન્ના ભાટિયા અને અભિનેત્રી રશ્મિકા મંધાનાએ શાનદાર પર્ફોર્મન્સ કર્યું હતું.

🚨 Toss Update🚨@gujarat_titans win the toss and opt to field first against @ChennaiIPL at the Narendra Modi Stadium in Ahmedabad 🏟️

Follow the match ▶️ https://t.co/61QLtsnj3J#TATAIPL | #GTvCSK pic.twitter.com/F2KNPMuHTy

— IndianPremierLeague (@IPL) March 31, 2023

હાર્દિકે ટોસ જીતીને શું કહ્યું? 

હાર્દિકે ટોસ જીતીને કહ્યું હતું કે આ પ્રકારના ક્રાઉડ વચ્ચે રમવું રોમાંચક હોય છે. આ વખતે આઈપીએલ ઘણી રીતે રોમાંચક રહેશે. ઇમ્પેક્ટ પ્લેયરનો નિયમ પણ ઘણો નિર્ણાયક બની રહેશે. અમારા ટીમ્મેટ્સ ઘણી મહેનત કરીને આવ્યા છે. ટીમ કોમ્બીનેશન અંગે પુછવામાં આવતા હાર્દિકે કહ્યુ હતુ કે એ તમામ અમારા કોચ આશુ પાજી એટલે કે નેહરા જોતા હોય છે. તેઓ રાત રાત જાગીને ટીમ અંગે નિર્ણય લેતા હોય છે અને અમને તેમના પર વિશ્વાસ છે.

અરિજિતના ગીતો પર ગુજરાત ટાઈટન્સના કેપ્ટન હાર્દિક પંડ્યા થીરકતા જોવા મળ્યા હતા. સાથે સેંકડો લોકો પણ નાચી ઉઠ્યા હતા.  IPLમાં 4 વર્ષ બાદ ઓપનિંગ સેરેમની થશે અને 3 વર્ષ બાદ ટૂર્નામેન્ટ હોમ અને અવે ફોર્મેટમાં રમાશે. એટલે કે ટીમો પોતાના હોમ ગ્રાઉન્ડ પર 7 લીગ મેચ રમશે અને લીગની બાકીની મેચો સામેની ટીમના હોમ ગ્રાઉન્ડ પર રમશે. પહેલી મેચમાં ગુજરાતની ટીમ CSK સામે જીતની હેટ્રિક ફટકારવા માંગશે, જ્યારે માહીના ચાહકો ગુજરાત સામે તેની પ્રથમ જીતની રાહ જોશે.

અરિજિત સિંહે પિયાનો વગાડીને IPLની ઓપનિંગ સેરેમનીની શરૂઆત કરી હતી. આ દરમિયાન તેણે એ વતન મેરે વતન, કેસરિયા અને તુઝે ચાહને લગે હમ સહિતના ઘણા સુપર હિટ ગીતો ગાયા હતા. સ્ટેડિયમમાં બેઠેલા દર્શકો અરિજીત સિંહના ગીતો પર ખૂબ એન્જોય કરતા જોવા મળ્યા હતા.

આ પણ વાંચો: CSK VS GT: અરિજિત, રશમિકા અને તમન્નાએ નાચવ્યું અમદાવાદ, ચાર વર્ષ પછી IPL 2023માં ઓપનિંગ સેરેમની

ઇન્ડિયન પ્રીમિયર લીગ (IPL) 2023ની શરૂઆત આજે અમદાવાદના નરેન્દ્ર મોદી સ્ટેડિયમમાં થવા જઇ રહી છે. આ વખતે હોમ ઓલ્ડ અવે ફોર્મેટ પાછું આવી ગયું છે, જેમાં તમામ 10 ફ્રેન્ચાઇઝીઓ તેમના સ્થાને જ ગેમનું આયોજન કરશે. જ્યારે 'જૂના ફોર્મેટમાં IPL' ત્રણ વર્ષના અંતરાલ પછી પાછી ફરી રહી છે, ત્યારે આ સિઝનમાં કેટલીક વસ્તુઓ એવી હશે જે આઈપીએલમાં પ્રથમ વખત જોવા મળશે. જણાવી દીએ કે લીગમાં ફેરફારો કરતા સમયે આમાં ભારતીય ક્રિકેટ કંટ્રોલ બોર્ડે (BCCI) 'ઈમ્પેક્ટ પ્લેયર' જેવી કેટલીક નવી સુવિધાઓ ઉમેરવાનું નક્કી કર્યું છે.

ગુજરાત સામે 179 રનનો ટાર્ગેટ

ચેન્નઈ સુપર કિંગ્સે 20 ઓવર રમીને 178 રન બનાવ્યા હતા. જેમાં ઓપનર ઋતુરાજ ગાયકવાડના 92 રનનો સમાવેશ થાય છે. ગુજરાત ટાઈટન્સ તરફથી જોસેફ, રાશીદ અને શમીએ શાનદાર બોલિંગ કરતાં બે બે વિકેટ ઝડપી હતી. આખરી ઓવરમાં ચાહકોને ધોનીનો છગ્ગો જોવા મળ્યો હતો જેના કારણે અમદાવાદમાં ક્રિકેટ ફેન્સ ગેલમાં આવી ગયા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cricket News Gujarati, Gujarat titans, IPL 2023