IPL 2023, GT Vs CSK: અમદાવાદની પીચ અને હવામાનનો રિપોર્ટ, જાણો કેટલો સ્કોર થવાનું છે અનુમાન

અમદાવાદઃ આજે અમદાવાદથી IPL 2023 (Indian Premier League)નો પ્રારંભ થવા જઈ રહ્યો છે. ઓપનિંગ સેરેમની માટે નરેન્દ્ર મોદી સ્ટેડિયમ (Narendra Modi Stadium)માં ભવ્ય તૈયારીઓ કરવામાં આવી રહી છે. જેમાં બોલિવૂડની હસ્તીઓ દ્વારા પરફોર્મન્સ આપવામાં આવશે. હાર્દિક પંડ્યા (Hardik Pandya)ની ચેમ્પિયન ગુજરાત ટાઈટન્સ (Gujarat Titans - GT)ની ટક્કર એમએસ ધોની (MS Dhoni) ચેન્નાઈ સુપર કિંગ્સ (Chennai Super Kings) સાથે થવાની છે. રાજ્યમાં હવામાનમાં પશ્ચિમ વિક્ષોપના કારણે વારંવાર પલટો આવી રહ્યો છે ત્યારે આજે IPLની શરુઆત સાથે અમદાવાદનું હવામાન કેવું રહેશે અને પીચ રિપોર્ટ્સ શું કહે છે તે અંગેની માહિતી અહીં રજૂ કરવામાં આવી છે.

આજનું અમદાવાદનું હવામાન શું કહે છે?

સૌથી પહેલા હવામાન પર નજર કરીએ તો રાજ્યમાં પાછલા લાંબા સમયથી પશ્ચિમી વિક્ષોભના કારણે કમોસમી વરસાદ વરસી રહ્યો છે. ગુરુવારે પણ અમદાવાદમાં વરસાદ નોંધાયો હતો, જોકે, આજે તથા આગામી દિવસોમાં વરસાદની સંભાવના અમદાવાદ હવામાન કેન્દ્ર દ્વારા વ્યક્ત કરવામાં આવી નથી. શહેર સહિત રાજ્યનું હવામાન આજે સૂકું રહેવાની શક્યતાઓ વ્યક્ત કરવામાં આવી છે.

# !

Home & away challenge, interesting new additions and the return of packed crowds

Hear from the captains ahead of an incredible season - By @Moulinparikh

WATCH the Full Video https://t.co/BaDKExCWP1 pic.twitter.com/jUeTXNnrzU

— IndianPremierLeague (@IPL) March 31, 2023

આજે અમદાવાદમાં 11.1 કિલોમીટરની ઝડપે ઉત્તરપશ્ચિમી પવન ફૂંકાશે. સાંજે શહેરમાં સૂર્ય આથમવાનો સમય 6.34 વાગ્યાનો છે.

આ પણ વાંચોઃ અમદાવાદના આકાશમાં તરતી વિશાળ IPL ટ્રોફી દેખાઈ

મોટેરા સ્ટેડિયમનો પીચ રિપોર્ટ

મોટેરામાં આવેલા દુનિયાના સૌથી વિશાળ ક્રિકેટ મેદાન નરેન્દ્ર મોદી સ્ટેડિયમની પીચ બેટ્સમેનોના પક્ષમાં રહેશે. મેચની શરુઆતમાં પીચ સપાટ રહેવાની શક્યતાઓ વ્યક્ત કરવામાં આવી રહી છે. જોકે, જેમ-જેમ મેચ આગળ વધશે તેમ-તેમ પીચમાં ફેરફાર થતા જશે અને તેનાથી સ્પિનર્સને મદદ મળી શકે છે.

Lights
Camera
Action ⏳@tamannaahspeaks & @iamRashmika are geared up for an exhilarating opening ceremony of #TATAIPL 2023 at the Narendra Modi Stadium ️ pic.twitter.com/wAiTBUqjG0

— IndianPremierLeague (@IPL) March 30, 2023

આ પીચ પર પહેલી ઈનિંગ્સમાં 160-170 રન થવાની શક્યતાઓ દેખાઈ રહી છે. જોકે, બોલર્સના પરફોર્મન્સ અને બેટિંગ સાઈડના ફોર્મને કારણે તેમાં ફેરફાર થઈ શકે છે.

આ પણ વાંચોઃ આ રીતે મોબાઈલ ફોન પર જોઈ શકશો લાઈવ મેચ

GT Vs CSK @Narendra Modi Stadium

ડિફેન્ડિંગ ચેમ્પિન (GT) અને 4 વખત ચેમ્પિયન (CSK) બનેલી ટીમો વચ્ચે આ સિઝનની પહેલી ટક્કર થવાની છે. ખાસ બાબત આજની મેચમાં એ રહેશે કે હાર્દિક પંડ્યાની ટીમ પાછલી સિઝનમાં ચેમ્પિયન રહી છે અને પહેલી મેચ પોતાના હોમ ગ્રાઉન્ડ પર રમાવાની છે. CSK ટીમ આ વખતે કંઈક મોટી કરીને ધોનીને મોટી ભેટ આપવા ઈચ્છશે જ્યારે ગુજરાત ટાઈટન્સની તાકાતમાં સતત વધારો થઈ રહ્યો છે જેથી ટીમ ચોક્કસ CSK પર હાવી રહેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Chennai super kings, Gujarat titans, Hardik pandya latest news, IPL 2023, Ms dhoni