આ ખેલાડી દોસ્ત માટે કારકિર્દી જોખમમાં મૂકવા તૈયાર! ફિટ ન હોવા છતાં IPL 2023 માં રમશે

નવી દિલ્હી: IPL 2023 શરૂ થવામાં હવે માત્ર થોડાક જ દિવસો બાકી છે. નવી સીઝન અને નવી આશા સાથે દરેક ટીમની નજર ખિતાબ પર છે. આમાં વિરાટ કોહલીની રોયલ ચેલેન્જર્સ બેંગ્લોર પણ સામેલ છે. આરસીબીએ એક પણ વખત આઈપીએલનો ખિતાબ જીત્યો નથી. પરંતુ આ વખતે તે દુષ્કાળને સમાપ્ત કરવા માટે વિરાટ કોહલી, ફાફ ડુપ્લેસી જેવા ખેલાડીઓએ તેમની તૈયારી કરી લીધી છે. અન્ય એક ખેલાડી છે જેની પાસેથી આરસીબીને ઘણી આશા છે. તે ગ્લેન મેક્સવેલ છે. જોકે મેક્સવેલ સંપૂર્ણ રીતે ફિટ નથી.

ગ્લેન મેક્સવેલ ભારત સામેની વન-ડે શ્રેણીથી આંતરરાષ્ટ્રીય ક્રિકેટમાં પરત ફર્યો છે. પરંતુ મુંબઈ વન-ડે પછી વિશાખાપટ્ટનમ અને ચેન્નાઈમાં ઉતર્યો ન હતો. મેક્સવેલ હજુ પણ સંપૂર્ણ રીતે ફિટ નથી. તેને સંપૂર્ણ ફિટનેસ મેળવવામાં હજુ કેટલાક મહિના લાગશે. આમ છતાં તે RCB તરફથી IPLમાં પ્રવેશ કરશે. મેક્સવેલે પોતે આઇપીએલની શરૂઆત પહેલા પોતાની ફિટનેસ અંગે અપડેટ આપી છે.

Maxi is ready to take off at the Chinnaswamy! Here’s what he had to say about playing in front of our home crowd, and his fitness.#PlayBold #ನಮ್ಮRCB #IPL2023 @Gmaxi_32 pic.twitter.com/9poXw6F8Sp

— Royal Challengers Bangalore (@RCBTweets) March 25, 2023

મેક્સવેલે કહ્યું, “પગ હવે ઠીક છે. પરંતુ મને 100 ટકા ફિટ થવામાં હજુ ઘણા મહિનાઓ લાગશે. મને આશા છે કે મારા પગ મને ટેકો આપશે અને હું RCBના ખિતાબના દુકાળને સમાપ્ત કરવામાં યોગદાન આપી શકીશ. એટલે કે મેક્સવેલ સંપૂર્ણ ફિટ ન હોવા છતાં રમી રહ્યો છે. આ એક મોટું જોખમ છે. કારણ કે જો તેની ઈજા ફરી ઉભી થશે તો મોટું નુકસાન થઈ શકે છે.

આ પણ વાંચો: 19 વર્ષની ઉંમરે ગુનો કર્યો અને પોલીસે 69 વર્ષની ઉંમરે ધરપકડ કરી, જાણો શું છે મામલો

મેક્સવેલનો પગના હાડકામાં ફેક્ચર હતું

ગયા વર્ષે ઓસ્ટ્રેલિયા ટી-20 વર્લ્ડ કપમાંથી બહાર થયા બાદ ગ્લેન મેક્સવેલને મિત્રની બર્થડે પાર્ટીમાં પગમાં ઈજા થઈ હતી. તેના પગનું હાડકું તૂટી ગયું હતું. મેક્સવેલને સર્જરી કરાવવી પડી હતી. ઈજાના કારણે તે લાંબા સમયથી મેદાનથી દૂર હતો. જોકે ભૂતકાળમાં તેણે ભારત સામેની વન-ડે શ્રેણીમાં પુનરાગમન કર્યું હતું અને હવે સંપૂર્ણ રીતે ફિટ ન હોવા છતાં તે IPLમાં પણ પ્રવેશવા માટે તૈયાર છે.

મેક્સવેલ અને વિરાટ કોહલી વચ્ચે સારી મિત્રતા છે. વિરાટ આજ સુધી RCB માટે IPL ટાઈટલ જીતી શક્યો નથી. આ વખતે મિત્ર મેક્સવેલ પોતાનું સપનું પૂરું કરવા માટે કમર કસી રહ્યો છે. IPL 2022માં 301 રન બનાવવાની સાથે તેણે 13 મેચમાં 6 વિકેટ પણ લીધી હતી. RCBની પ્રથમ મેચ 2 એપ્રિલે મુંબઈ ઈન્ડિયન્સ સામે થશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Glenn Maxwell, IPL 2023, RCB