Home /News /sport /ટીમ ઈન્ડિયાના ખરાબ પ્રદર્શન માટે આ દિગ્ગજે સિલેક્શન પર ઉઠાવ્યા સવાલ, કહ્યું- IPLના કારણે જ

ટીમ ઈન્ડિયાના ખરાબ પ્રદર્શન માટે આ દિગ્ગજે સિલેક્શન પર ઉઠાવ્યા સવાલ, કહ્યું- IPLના કારણે જ

જાફરે કેટલાક ખેલાડીઓના ઉદાહરણ આપ્યા અને સમજાવ્યું કે IPLના આધારે ટીમ ઈન્ડિયા કેવી રીતે પરેશાન થઈ રહી છે.

Cricket News: જાફરે લખ્યું કે પસંદગીકારોએ આઈપીએલના આધારે ખેલાડીઓની પસંદગી કરવાની જરૂર નથી. તેને ઘરેલુ ક્રિકેટમાં બે-ત્રણ સિઝનમાં સારો દેખાવ કરવા દો અને સંપૂર્ણ રીતે તૈયાર થવા દો. તેમણે કહ્યું કે આ જ કારણ છે કે તેઓ આવા ખેલાડીઓની પસંદગી કરતી વખતે પોતાની જાતને મૂંઝવણમાં મૂકે છે.

વધુ જુઓ ...
    ટી-20 વર્લ્ડ કપ અને ન્યૂઝીલેન્ડ સામે ટીમ ઈન્ડિયાની હારને લઈને ભારતીય પસંદગીકારો પર સતત સવાલો ઉભા ઉઠી રહ્યા છે. ક્રિકેટ જગતના ઘણા દિગ્ગજોએ પસંદગીને લઈને પોતાનો અભિપ્રાય વ્યક્ત કર્યો છે જ્યારે ઘણાએ ઈન્ડિયન પ્રીમિયર લીગ પર નિશાન સાધ્યું છે. ત્યાં જ ભૂતપૂર્વ ભારતીય ક્રિકેટર વસીમ જાફરે પણ પસંદગી પર પોતાની પ્રતિક્રિયા આપી છે. જાફરનું કહેવું છે કે ટીમ ઈન્ડિયાની ડેબ્યૂ કેપ ખેલાડીઓને સરળતાથી ન આપવી જોઈએ. આટલું જ નહીં જાફરે કેટલાક ખેલાડીઓના ઉદાહરણ આપ્યા અને સમજાવ્યું કે IPLના આધારે ટીમ ઈન્ડિયા કેવી રીતે પરેશાન થઈ રહી છે.

    તમને જણાવી દઈએ કે પૂર્વ ક્રિકેટર વસીમ જાફર પંજાબ કિંગ્સના બેટિંગ કોચ છે. તેમણે ટ્વિટર પર પોસ્ટ કરી કે ઉતાવળમાં ખેલાડીઓની પસંદગી કેવી રીતે નુકસાન પહોંચાડી રહી છે. જાફરે કહ્યું કે IPLના પ્રદર્શનને બદલે ઘરેલુ ક્રિકેટમાં 2-3 વર્ષનો રેકોર્ડ જોઈને નવા ખેલાડીઓની પસંદગી કરવી જોઈએ. નોંધનીય છે કે આઈપીએલના આધારે ટીમ ઈન્ડિયામાં વેંકટેશ અય્યર, વરુણ ચક્રવર્તી અને ઉમરાન મલિક જેવા કેટલાક ખેલાડીઓને અજમાવવામાં આવ્યા હતા, પરંતુ તે બધા ટીમમાં પોતાનું સ્થાન નિશ્ચિત કરવામાં સફળ થઈ શક્યા ન હતા.

    આ પણ વાંચો: બીજા તબક્કામાં આ 5 બેઠકો પર દિગ્ગજ નેતાઓની પ્રતિષ્ઠા દાવ પર લાગી 

    'ભારતને કેપ આપવાની ઉતાવળ કેમ?'

    જાફરે લખ્યું કે પસંદગીકારોએ આઈપીએલના આધારે ખેલાડીઓની પસંદગી કરવાની જરૂર નથી. તેને ઘરેલુ ક્રિકેટમાં બે-ત્રણ સિઝનમાં સારો દેખાવ કરવા દો અને સંપૂર્ણ રીતે તૈયાર થવા દો. તેમણે કહ્યું કે આ જ કારણ છે કે તેઓ આવા ખેલાડીઓની પસંદગી કરતી વખતે પોતાની જાતને મૂંઝવણમાં મૂકે છે. ભારતની કેપ એટલી ઝડપથી અને સરળતાથી ન આપવી જોઈએ. ખેલાડીઓએ તેને કમાવવું જોઈએ.

    વરૂણને ટી-20 વર્લ્ડકપમાં તક મળી હતી

    તમને જણાવી દઇએ કે, યુવા બોલર વરૂણ ચક્રવર્તીને ટીમ ઇન્ડિયામાં આઇપીએલના આધારે રમાડવામાં આવ્યો હતો. તેને ટી-20 વર્લ્ડકપમાં સામેલ પણ કરાયો હતો, પરંતુ તે પોતાની છાપ છોડવામાં અસફળ રહ્યો હતો. આ પ્રમાણે મધ્ય પ્રદેશના વેંકટેશ અય્યરને પણ ભારતીય ક્રિકેટ ટીમમાં રમવાની સુવર્ણ તક આપવામાં આવી હતી પરંતુ તે કંઇ ખાસ કરી શક્યો નહીં અને ટીમથી બહાર થઇ ગયો.
    Published by:rakesh parmar
    First published:

    Tags: Indian premier league, Team india, Wasim Jaffer

    विज्ञापन
    विज्ञापन