જેમ્સ એન્ડરસનનો મોટો રેકોર્ડ, ફસ્ટ ક્લાસ કરિયરમાં પૂર્ણ કરી 1000 વિકેટ

ઇંગ્લેન્ડના જેમ્સ એન્ડરસન (James Anderson) વિશ્વના સૌથી શ્રેષ્ટ ઝડપી બોલરોમાંનો એક છે

ઇંગ્લેન્ડના જેમ્સ એન્ડરસન (James Anderson) વિશ્વના સૌથી શ્રેષ્ટ ઝડપી બોલરોમાંનો એક છે, તેણે પ્રથમ-વર્ગની કારકિર્દીમાં 1000 વિકેટ પૂર્ણ કરી છે. કાઉન્ટી મેચ દરમિયાન તેણે આ સિદ્ધિ હાંસલ કરી હતી. હાલમાં તેની આંતરરાષ્ટ્રીય ક્રિકેટમાં 904 વિકેટ છે.

  • Share this:
    નવી દિલ્હી: ઇંગ્લેન્ડના દિગ્ગજ ઝડપી બોલર જેમ્સ એન્ડરસનને સોમવારે તેની પ્રથમ-વર્ગની કારકિર્દીમાં 1000 વિકેટ પૂર્ણ કરી હતી. તેણે કેન્ટ સામેની મેચમાં લંન્કાશાયર તરફથી રમતી વખતે આ સિદ્ધિ મેળવી હતી. આ મહિનાના અંતમાં તેનો 39મો જન્મદિવસ ઉજવવાની તૈયારી કરી રહેલા એન્ડરસનનો નવો બોલ રેકોર્ડ થયો જ્યારે તેને કેન્ટનો હિનો કુહન ડેન વિલાસના હાથે કેચ મળ્યો.

    એન્ડરસન એ ઓલ્ડ ટ્રેફોર્ડ ખાતે આ અજાયબી કર્યું અને 51 મી વખત ઇનિંગ્સમાં 5 વિકેટ લીધી. મેચની તેની પ્રથમ ઓવરમાં તેણે રન આપીને પાંચ વિકેટ ઝડપી હતી. હાલમાં તેની આંતરરાષ્ટ્રીય ક્રિકેટમાં 904 વિકેટ છે. તેણે ટેસ્ટમાં કુલ 617 વિકેટ, વનડેમાં 269 અને ટી 20 આંતરરાષ્ટ્રીય કારકિર્દીમાં 18 વિકેટ ઝડપી છે.





    વર્ષ 2002માં આંતરરાષ્ટ્રીય ક્રિકેટમાં પ્રવેશ કરનાર એન્ડરસન પ્રથમ સદીની કારકિર્દીમાં 1000 વિકેટ લેનાર આ સદીનો માત્ર 14મો ખેલાડી છે. તે એન્ડી કૈડિક (2005), માર્ટિન બિકનેલ (2004), ડેવોન માલ્કમ (2002) અને વસીમ અકરમ (2001) પછી આવું કરનાર પાંચમો ઝડપી બોલર છે. વિશ્વના શ્રેષ્ઠ ઝડપી બોલરોમાંના એક એન્ડરસનને ટેસ્ટ ક્રિકેટમાં ઇંગ્લેન્ડ તરફથી 162 મેચમાં 26.67ની સરેરાશથી 617 વિકેટ ઝડપી છે.

    તેની સામાન્ય ઈજા સાથે લડ્યા બાદ એન્ડરસન હાલમાં આવતા મહિનેથી ભારત સામેની ટેસ્ટ શ્રેણીની તૈયારી કરી રહ્યો છે. ભારત અને ઇંગ્લેન્ડ વચ્ચે ઓગસ્ટથી પાંચ મેચની શ્રેણીની પ્રથમ ટેસ્ટ મેચ રમાવાની છે. આ પછી, તે ડિસેમ્બરમાં એશિઝમાં રમવા માટેની તૈયારી કરશે.
    Published by:kuldipsinh barot
    First published: