PAK vs ENG મેચમાં જો રૂટ-ઓલી મચાવી રહ્યા હતા ખલબલી, મહિલા છત પર કરી રહી હતી ધાકડ ડાન્સ

ક્રિકેટ: પાકિસ્તાન અને ઈંગ્લેન્ડની ટીમો (PAK vs ENG) હાલમાં ટેસ્ટ શ્રેણી રમવામાં વ્યસ્ત છે. શ્રેણીની પ્રથમ ટેસ્ટ મેચ રાવલપિંડીમાં રમાઈ રહી છે. ટેસ્ટ મેચના પ્રથમ દિવસે ઈંગ્લેન્ડના ચાર બેટ્સમેનોએ સદી ફટકારીને ખળભળાટ મચાવ્યો હતો. પાકિસ્તાનના બોલરોની તેમની જ જમીન પર ધોલાઈ કરીને ટેસ્ટ ક્રિકેટમાં એક જ દિવસમાં સ્કોરબોર્ડ પર 500 રન જોવા એ ખરેખર આશ્ચર્યજનક ક્ષણ હતી, પરંતુ આ દરમિયાન એક મહિલાએ પણ બધાનું ધ્યાન ખેંચ્યું, જેનો વિડીયો સોશિયલ મીડિયા પર ઝડપથી વાયરલ થઈ રહ્યો છે.

વાસ્તવમાં ઇંગ્લેન્ડની ઇનિંગ્સની 42મી ઓવરમાં જો રૂટ અને ઓલી પોપ બેટિંગ કરી રહ્યા હતા. મહેમાન ઈંગ્લેન્ડની બે વિકેટ પડી ગઈ હતી. આ દરમિયાન, સ્ટેડિયમની બહાર ટેરેસ પર સાડી પહેરેલી એક મહિલા ડાન્સ કરતી જોવા મળી હતી.આ મહિલા કોણ છે, તે શું કરે છે, તે અંગે હજુ સુધી કઈ જાણી શકાયું નથી, પરંતુ તે જે રીતે ડાન્સમાં મગ્ન હતી તે જોઈને કોમેન્ટેટર્સ પણ ખુશ થઈ ગયા હતા. કેમેરામેને પોતાનો કેમેરો આ મહિલા પર ફોકસ કરતાની સાથે જ કોમેન્ટેટર પણ બોલતો જોવા મળ્યો, 'વાહ! કેવું સુંદર દ્રશ્ય.

આ પણ વાંચો: પાકિસ્તાન ક્રિકેટ બોર્ડના ચીફે BCCIને ફરીથી ધમકી આપી, કહ્યું- ‘એશિયા કપ પાકિસ્તાનની બહાર થયો તો...’

ઈંગ્લેન્ડે તોડ્યો 112 વર્ષ જૂનો રેકોર્ડ

મેચની વાત કરીએ તો, બેન સ્ટોક્સની કેપ્ટનશીપવાળી ઈંગ્લેન્ડની ટીમે 112 વર્ષ જુનો રેકોર્ડ તોડી નાંખ્યો હતો. આ પહેલાં ટેસ્ટ મેચમાં એક દિવસમાં 494 રન ફટકાર્યા હતા. આ રેકોર્ડ ઓસ્ટ્રેલિયન ટીમે વર્ષ 1910માં દક્ષિણ આફ્રિકા સામે બનાવ્યો હતો.

Beautiful scenes pic.twitter.com/kmbEwh2uHA

— Out Of Context Cricket (@GemsOfCricket) December 1, 2022

જ્યારે ઇંગ્લિશ ટીમે પ્રથમ દિવસે 75 ઓવરમાં 506 રન બનાવ્યા હતા. ઓપનર જેક ક્રાઉલી, બેન ડકેટ, ઓલી પોપ અને હેરી બ્રુકે સદી ફટકારી હતી. પાકિસ્તાનના બોલરોએ પહેલા દિવસે જે રીતે બોલિંગ કરી, તેની ચર્ચા ચારેબાજુ થઈ રહી છે. પાકિસ્તાનના પૂર્વ કેપ્ટન શોએબ અખ્તરે પોતાના બોલરોનો બચાવ કરતા પીચને જવાબદાર ગણાવી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cricket News in Gujarati, Dance video, Viral videos