મહેન્દ્ર સિંહ ધોનીએ ખરીદ્યો મોંઘી બ્રિડનો ઘોડો, સ્કોટલેન્ડથી રાંચી લવાયો, જાણો તેની ખૂબીઓ

સંજયકુમાર સિન્હા, રાંચી. મહેન્દ્ર સિંહ ધોની (Mahendra Singh Dhoni)ના ફાર્મ હાઉસમાં ચેતકની સાથે એક બીજો ઘોડો (Horse) પણ જોવા મળી રહ્યો છે. શેટલેન્ડ એટલે કે પોની બ્રિડ (Shetland Pony Breed)ના આ ઘોડાને બુધવારે સ્કોટલેન્ડ (Scotland)થી રાંચી લાવવામાં આવ્યો છે. ત્યારબાદ આ ઘોડો ધોનીના સિમલિયા સ્થિત નિવાસસ્થાને પહોંચ્યો. લગભગ બે વર્ષની ઉંમરનો આ ઘોડો દુનિયાનો સૌથી ઓછી ઊંચાઈ ધરાવતી બ્રિડનો ઘોડો છે. તેની ઊંચાઈ માત્ર 3 ફુટની આસપાસ છે. આ ઘોડો પોતાની સ્પીડ માટે નહીં, પરંતુ માત્ર સજાવટ અને શો માટે જાણીતો છે. તેની કિંમત આંતરરાષ્ટ્રીય બજારમાં ઘણી વધારે છે.

આ ઘોડાને ધોનીના સિમલિયા સ્થિત આવાસ પર રાખવામાં આવ્યો છે. ધોનીની દીકરી જીવા તેની સાથે ઘણો સમય પસાર કરી રહી છે. બીજો ઘોડો ચેતક ધોનીના સૈંબો સ્થિત ફાર્મ હાઉસમાં છે. થોડાક દિવસ પહેલા ધોનીની પત્ની સાક્ષી પણ સૈંબો સ્થિત ફાર્મ હાઉસ પહોંચી હતી, જ્યાં તે ગૌશાળામાં ગાયોને ચારો ખવડાવતી પણ જોવા મળી હતી. નોંધનીય છે કે ધોની અને તેનો સમગ્ર પરિવારને પાળેલા જાનવરો સાથે ખૂબ પ્રેમ છે અને તેઓ અનેકવાર ઇન્સ્ટાગ્રામ પર તસવીરો પણ શૅર કરતા રહે છે.

આ પણ વાંચો, 14થી 16 જૂન સુધી બમ્પર કમાણીની તક, એક જ દિવસમાં થઈ જશો લખપતિ! જાણો કેવી રીતે કરશો રોકાણ

શેટલેન્ડ પોની બ્રિડના ઘોડાની અલગ છે ઓળખ

મૂળે, ફાર્મ હાઉસમાં આવેલા સૌથી પહેલા ઘોડો ચેતક હજુ 11 મહિનાનો છે અને તે મારવાડી બ્રિડનો છે. જોવામાં કાળો ચેતક પોતાની તેજ ચાલ માટે ઓળખાય છે. બુધવારે સિમલિયા નિવાસસ્થાન પર બીજા ઘોડા ચેતકથી બિલકુલ અલગ બ્રિડનો છે. શેટલેન્ડ પોની બ્રિડનો ઘોડો સફેદ રંગનો છે. તે ઘોડાઓની બ્રિડમાં સૌથી ઓછી ઊંચાઈ ધરાવતી બ્રિડ છે. આ બ્રિડના ઘોડા પોતાની ચાલ માટે નહીં પરંતુ ખુશી અને સજાવટ માટે ઓળખાય છે.

આ પણ વાંચો, કોરોના કાળમાં બે ભાઈઓએ શરૂ કરી નારિયલ પાણીની હોમ ડિલીવરી, હજારોમાં થઈ રહી છે કમાણી


ધોનીએ ખર્ચ કર્યા લાખો રૂપિયા

મળતી માહિતી મુજબ, ઘોડાના શોખીન મહેન્દ્ર સિંહ ધોનીએ સ્કોટલેન્ડના આ ઘોડા પર લાખો રૂપિયા ખર્ચ કર્યા છે. આંતરરાષ્ટ્રીય બજારમાં આ ખૂબ જ સુંદર ઘોડાની કિંમત ઘણી ઊંચી છે. નોંધનીય છે કે ધોનીના રાંચી સ્થિત સૈંબો ફાર્મ હાઉ માં હોર્સ રાઇડિંગની તૈયારીઓ ચાલી રહી છે. તેના માટે 5થી 6 ઘોડા બહારથી મંગાવવામાં આવી રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Euro Cup 2021, Horse, Jharkhand, Mahendra singh dhoni, Ranchi, Shetland Pony Breed, ક્રિકેટ, સ્પોર્ટસ