INDvsSA: ટીમ ઈન્ડિયામાં ઇજાગ્રસ્ત દિપક ચહરની જગ્યાએ આ ખેલાડીને મળ્યું સ્થાન, બોલિંગ બેટિંગ બંનેમાં જોરદાર

રાંચી: સાઉથ આફ્રિકાનો ભારત પ્રવાસ ચાલી રહ્યો છે. ટી-20 શ્રેણીમાં ભારતનો વિજય થયો છે. વન-ડે શ્રેણીમાં પ્રથમ ODI માં ભારતનો પરાજય થયો હતો.

ટીમ ઈન્ડિયાનો ફાસ્ટ બોલર દીપક ચહર ઈજાના કારણે દક્ષિણ આફ્રિકા સામે ચાલી રહેલી વનડે શ્રેણીમાંથી બહાર થઈ ગયો છે. ભારતે તેના સ્થાને વોશિંગ્ટન સુંદરને ટીમમાં સામેલ કર્યો છે. ભારત અને દક્ષિણ આફ્રિકા વચ્ચે ઈન્દોરમાં રમાયેલી ટી20 શ્રેણીની છેલ્લી મેચમાં ચહર ઈજાગ્રસ્ત થયો હતો. આ પછી, તે ODI શ્રેણીની પ્રથમ મેચમાં રમ્યો ન હતો અને હવે તે સમગ્ર શ્રેણીમાંથી બહાર થઈ ગયો છે.

South Africa tour of India, 2022–ODI series: Washington Sundar replaces Deepak Chahar in the ODI squad

India will play the second ODI in Ranchi on October 9 and will play the final ODI of the series in New Delhi on October 11. pic.twitter.com/bcPaZStc0K

— ANI (@ANI) October 8, 2022

ભારતનો બોલિંગ અટેક હાલ એક્દમ કંગાળ લાગી રહ્યો છે. એવામાં ફાસ્ટ બોલર દિપક ચાહર શ્રેણીમાથી બહાર થઈ ગ્યો છે.

જ્યારે વોશિંગ્ટન સુંદરનું અત્યાર સુધીનું પ્રદર્શન પ્રભાવશાળી રહ્યું છે. આ કારણે તેને ટીમ ઈન્ડિયામાં સામેલ કરવામાં આવ્યો હતો.

🚨 NEWS 🚨: Washington Sundar replaces Deepak Chahar in ODI squad. #TeamIndia | #INDvSA

More Details 🔽https://t.co/uBidugMgK4

— BCCI (@BCCI) October 8, 2022

BCCIએ ટ્વિટર દ્વારા દીપક ચહરના સ્થાનની જાહેરાત કરી હતી. બોર્ડે પોતાની વેબસાઈટ પર જણાવ્યું કે ઈન્દોરમાં ભારત અને દક્ષિણ આફ્રિકા વચ્ચે રમાયેલી ટી20 શ્રેણીની છેલ્લી મેચ દરમિયાન દીપક ઈજાગ્રસ્ત થયો હતો. આ કારણોસર તેને વનડે શ્રેણીની પ્રથમ મેચની પ્લેઈંગ ઈલેવનમાંથી બહાર રાખવામાં આવ્યો હતો.

આ પણ વાંચો: ODI WC 2023માં ઓપનર માટે શુભમન ગિલનો દાવો મજબૂત, 3 મોટા ખેલાડીઓ માટે બનશે ખતરો !

પ્રથમ મેચમાં ભારતનો પરાજય

ભારત અને દક્ષિણ આફ્રિકા વચ્ચે વનડે શ્રેણીની પ્રથમ મેચ લખનૌમાં રમાઈ હતી. જેમાં ભારતને 9 રને પરાજય થયો હતો.દીપક ચહર ઈજાના કારણે દક્ષિણ આફ્રિકા સામે ચાલી રહેલી વનડે શ્રેણીમાંથી બહાર થઈ ગયો હતો.  હવે આગામી મેચ 9 ઓક્ટોબરે રાંચીમાં રમાશે. જ્યારે શ્રેણીની છેલ્લી મેચ 11 ઓક્ટોબરે દિલ્હીમાં રમાશે.



ભારતની વનડે ટીમ (Team India Squad):  શિખર ધવન (કેપ્ટન), ઋતુરાજ ગાયકવાડ, શુભમન ગિલ, શ્રેયસ અય્યર (વાઈસ-કેપ્ટન), રજત પાટીદાર, રાહુલ ત્રિપાઠી, ઈશાન કિશન (વિકેટકીપર), સંજુ સેમસન (વિકેટકીપર), શાહબાઝ અહેમદ, શાર્દુલ ઠાકુર, કુલદીપ યાદવ, રવિ બિશ્નોઈ, મુકેશ કુમાર, અવેશ ખાન, મોહમ્મદ સિરાજ, વોશિંગ્ટન સુંદર.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Deepak chahar, India vs South Africa, Team india, Team india playing xi, ક્રિકેટ