Home /News /sport /Ind vs Aus 4th Test, Day 3: ઓસ્ટ્રેલિયાની પાસે 54 રનની લીડ, ભારત 336 રને ઓલઆઉટ

Ind vs Aus 4th Test, Day 3: ઓસ્ટ્રેલિયાની પાસે 54 રનની લીડ, ભારત 336 રને ઓલઆઉટ

ભારત વિરુદ્ધ ઑસ્ટ્રેલિયા.

ઠાકુર અને સુંદરે સાતમી વિકેટ માટે શાનદાર 123 રનની ઇનિંગ રમતાં ભારત મુશ્કેલીમાંથી બહાર આવ્યું

    Ind vs Aus 4th Test, Day 3: ભારત અને ઑસ્ટ્રેલિયા વચ્ચે બ્રિસબેનના ગાબા મેદાનમાં બૉર્ડર-ગાવસ્કર ટ્રૉફીની અંતિમ ટેસ્ટ મેચ રમાઈ રહી છે. ઓસ્ટ્રેલિયાના 369 રનનો વિશાળ સ્કોરની સામે ભારતે શરૂઆતની 6 વિકેટ ઝડપથી ગુમાવ્યા બાદ વોશિંગટન સુંદર અને શાર્દુલ ઠાકુરે સાતમી વિકેટ માટે 123 રનની શાનદાર ઇનિંગ રમીને ભારતને મુશ્કેલીમાંથી બહાર કાઢ્યું. સુંદર અને ઠાકુરે અડધી સદી ફટકારી. આ બંને બેટ્સમેનોએ કાંગારૂના બોલરોને થકવી દીધા. અંતે ભારત 336 રન કરીને ઓલઆઉટ થતાં ઓસ્ટ્રેલિયાને 33 રનની લીડ મળી છે. ત્રીજા દિવસની રમત પૂરી થઈ ગઈ છે. ઓસ્ટ્રેલિયાએ બીજી ઇનિંગમાં 6 ઓવરમાં વિકેટ ગુમાવ્યા વગર 21 રન કરી દીધા છે. તેમની પાસે 54 રનની લીડ થઈ ગઈ છે.

    Ind vs Aus 4th Test, Day 3 Updates:

    ત્રીજા દિવસની રમત પૂરી થઈ ગઈ છે. ઓસ્ટ્રેલિયાએ બીજી ઇનિંગમાં 6 ઓવરમાં વિકેટ ગુમાવ્યા વગર 21 રન કરી દીધા છે. તેમની પાસે 54 રનની લીડ થઈ ગઈ છે.
    - ભારત 336 રને ઓલઆઉટ, ઓસ્ટ્રેલિયાને ૩૩ રન લીડ મળી.
    - વોશિંગટન સુંદર 62 રન જોરદાર ઇનિંગ રમીને આઉટ થયો. ભારતને નવમો આંચકો લાગ્યો.
    - નવદીપ સૈની હેઝલવુડનો શિકાર બન્યો. તે માત્ર 5 રન કરીને આઉટ થતાં ભારતે આઠમી વિકેટ ગુમાવી.
    - ભારતની સાતમી વિકેટ પડી. કમિન્સે શાર્દુલ ઠાકુરને બોલ્ડ કર્યો, તે 67 રનની શાનદાર ઇનિંગ રમીને આઉટ થયો. સાતમી વિકેટ માટે સુંદરની સાથે મળી 123 રન જોડ્યા.
    - વોશિંગટન સુંદરે પોતાની પહેલી ટેસ્ટમાં સફી ફટકારી ઈતિહાસ રચી દીધો છે. આ ઉપરાંત ભારતને ખરાબ સ્થિતિમાંથી ઉગારવામાં અગત્યની ભૂમિકા નિભાવી છે.
    - શાર્દુલ ઠાકુરે વોશિંગટન સુંદરની સાથે મળી સાતમી વિકેટ માટે જોરદાર વળતી લડતી આપી. ઠાકુરે તેની સાથે જ અડધી સદી પણ ફટકારી.
    - 67મી ઓવરમાં હેઝલવુડે પંતને ગ્રીનના હાથે કેચ આઉટ કરાવી દીધો. પંત હેઝલવુડના બોલ પર ગલીમાં ગ્રીનના હાથમાં કેચ આપી બેઠો. તેણે 29 બોલનો સામનો કરી 23 રન કર્યા.
    - લંચ બ્રેક બાદ પરત ફરતાં જ મયંક અગ્રવાલ આઉટ થઈ ગયો. ભારતને પાંચમો આંચકો લાગ્યો છે. હેઝલવુડની બોલિંયમાં સ્મિથે તેનો કેચ પકડ્યો. અગ્રવાલે 38 રન કર્યા.
    - સ્ટાર્કે 55મી ઓવરમાં રહાણેને ત્રીજી સ્લિપ પર મેથ્યૂ વેડના હાથે કેચ આઉટ કરાવી દીધો. ભારતીય કેપ્ટન 37 રન બનાવીને પેવેલિયન પરત ગયો.
    - પૂજારા રહાણેની સાથે મળી ભારતીય ઇનિંગને ધીમે-ધીમે આગળ વધારી રહ્યા હતા, પરંતુ આ જોડીને હેઝલવુડે તોડી. 39મી ઓવરમાં તેણે પૂજારાને ટીમ પેનના હાથે કેચ આઉટ કરાવી દીધો. પૂજારા માત્ર 25 રન કરી શક્યો.

    ભારતની પ્લેઈંગ 11: રોહિત શર્મા, શુભમન ગિલ, ચેતેશ્વર પૂજારા, અજિંક્ય રહાણે (કેપ્ટન), મયંક અગ્રવાલ, ઋષભ પંત(વિકેટકીપર), વી.સુંદર, શાર્દુલ ઠાકુર, નવદીપ સૈની, મોહમ્મદ સિરાજ અને ટી. નટરાજન

    ઓસ્ટ્રેલિયાની પ્લેઈંગ 11: ડેવિડ વોર્નર, માર્કસ હેરિસ, માર્નસ લબુશેન, સ્ટીવ સ્મિથ, મેથ્યુ વેડ, કેમરૂન ગ્રીન, ટિમ પેન (કપ્તાન/વિકેટકીપર), પેટ કમિન્સ, મિચેલ સ્ટાર્ક, નેથન લાયન અને જોશ હેઝલવુડ
    Published by:Mrunal Bhojak
    First published:

    Tags: Border Gavaskar Trophy, Brisbane Test, India vs australia, Mayank agarwal, Navdeep saini, Team india, રોહિત શર્મા

    विज्ञापन
    विज्ञापन