Home /News /sport /

ભારતની પહેલી મેચ આજે, જાણો દક્ષિણ આફ્રિકાને કેવી રીતે હરાવશે!

ભારતની પહેલી મેચ આજે, જાણો દક્ષિણ આફ્રિકાને કેવી રીતે હરાવશે!

આ બાબતમાં સાઉથ આફ્રિકા કરતાં ટીમ ઈન્ડિયા મજબૂત સ્થિતિમાં, આ પ્લેયર્સ પર રહેશે નજર

આ બાબતમાં સાઉથ આફ્રિકા કરતાં ટીમ ઈન્ડિયા મજબૂત સ્થિતિમાં, આ પ્લેયર્સ પર રહેશે નજર

    ન્યૂઝ18 ગુજરાતી : છેવટે તે દિવસ આવી જ ગયો, જેનો ક્રિકેટપ્રેમીઓ લાંબા સમયથી રાહ જોઈ રહ્યા હતા. ટીમ ઈન્ડિયા વર્લ્ડ કપ 2019ની પોતાની પહેલી મેચ રમવા આજે મેદાનમાં ઉતરશે. સામે હશે દક્ષિણ આફ્રિકાની ટીમ. વર્લ્ડ કપમાં થયેલા મુકાબલાઓમાં દક્ષિણ આફ્રિકા ભારતીય ટીમને ચારમાંથી ત્રણ મેચમાં હરાવી ચૂકી છે. એવામાં ટીમ ઈન્ડિયા માટે આજની મેચ જીતવી પડકારરૂપ રહેશે. આજની મેચ સાઉથેમ્પટનના રોજ બાઉલ સ્ટેડિયમમાં બપોરે 3 વાગ્યે શરૂ થશે.

    ભારતીય ટીમનો આ મુકાબલો એટલા માટે પણ વધુ રસપ્રદ રહેશે કારણ કે ટૂર્નામેન્ટની બાકી તમામ ટીમો પોત-પોતાના અભિયાનની શરૂઆત કરી ચૂક્યા છે. માત્ર ભારત જ એવી ટીમ છે જેણે હજુ સધી એક પણ મેચ રમી નથી. ત્યાં સુધી કે જ્યારે ભારત પોતાની પહેલી મેચ રમવા ઉતરશે, ત્યાં સુધીમાં ઈંગ્લેન્ડ, દક્ષિણ આફ્રિકા, પાકિસ્તાન સહિત શ્રીલંકા અને અફઘાનિસ્તાન પણ ટૂર્નામેન્ટમાં બે-બે મેચ રમી ચૂકી છે.

    મેચ પહેલા શરૂ થઈ માઇન્ડ ગેમ

    મેચ પહેલા જ માઇન્ડ ગેમ પણ શરૂ થઈ ગઈ છે. દક્ષિણ આફ્રિકન બોલર કૈગિસો રબાડાએ એવું કહીને ઉત્સુક્તા વધારી દીધી છે કે ભારતીય કેપ્ટન વિરાટ કોહલી અપરિપક્વ છે. વિરાટ કોહલીએ રબાડાના નિવેદન પર કહ્યું કે, તે તેનો જવાબ સાર્વજનિક મંચ પર નથી આપવા માંગતો. તે રબાડાને મળીને તેની પર વાત કરશે.

    આ પણ વાંચો, જો વિરાટે આવું કર્યુ તો દક્ષિણ આફ્રિકા વિરુદ્ધ જીતની છે ગૅરન્ટી

    આ કારણે ટીમ ઈન્ડિયા ખતરનાક

    ટીમ ઈન્ડિયાની કુલ બેટિંગ સરેરાશ 47.45 છે જે તમામ ટીમોમાં સૌથી વધુ છે. બીજી તરફ, જે ગતિથી બેટ્સમેન રન બનાવે છે તે વધુ ખતરનાક છે. ટીમની સરેરાશ સ્ટ્રાઇક રેટ 94.29ની છે. બેટિંગ સરેરાશના મામલામાં બીજા સ્થાને દક્ષિણ આફ્રિકા છે, જેની સરેરાશ 37ની આસપાસ છે.

    આંકડા ખોટું નથી બોલતા

    - દક્ષિણ આફ્રિકાની વિરુદ્ધ છેલ્લી 10 વનડેમાં ટીમ ઈન્ડિયાએ 7માં જીત નોંધાવી છે. સક્સેસ રેટ 70%.
    - કુલ 83 વનડે. ભારતે 34 તો દક્ષિણ આફ્રિકાએ 46માં નોંધાવી જીત. ત્રણ મેચોનું પરિણામ ન આવ્યું.
    - તટસ્થ મેદાન પર દક્ષિણ આફ્રિકાની વિરુદ્ધ 21માંથી 9 વનડે ભારતે જીતી, જ્યારે 11માં તેને હારનો સામનો કરવો પડ્યો. તટસ્થ મેદાન પર દક્ષિણ આફ્રિકાથી 12 વર્ષથી નથી હારી ટીમ ઈન્ડિયા.

    ટીમ ઈન્ડિયા આ બાબતોમાં મજબૂત

    વિરાટ કોહલી : 227 વનડે, 10843 રન, 41 સદી, તેમાંથી 14 સદી છેલ્લા બે વર્ષમાં.
    મહેન્દ્ર સિંહ ધોની : 341 વનડે, 10,500 રન. અત્યાર સુધી 134 વનડેમાં નોટઆઉટ રહ્યો, તેમાંથી 109માં ટીમ જીતી.
    હાર્દિક પંડ્યા : 45 વનડેમાં 44 વિકેટ અને 732 રન. ઈંગ્લેન્ડની પીચો પર હાર્દિકની ઓલરાઉન્ડ ક્ષમત ખૂબ મહત્વપૂર્ણ.
    જસપ્રીત બુમરાહ : હાલના સમયમાં ડેથ ઓવરોમાં દુનિયાનો સર્વશ્રેષ્ઠ બોલર.

    દક્ષિણ આફ્રિકા અહીં મજબૂત

    ક્વિન્ટન ડીકોક : દક્ષિણ આફ્રિકન ઓપનર શાનદાર લયમાં વે. છેલ્લી 10 વનડેમાં 56ની સરેરાશથી 560 રન કર્યા.
    ઈમરાન તાહિર : દુનિયાના શ્રેષ્ઠ સ્પીનરોમાં સામેલ લેગ સ્પિનર ઈમરાન તાહિરે ઈંગ્લેન્ડ અને બાંગ્લાદેશની વિરુદ્ધ 2-2 વિકેટ લીધી. તાહિરે છેલ્લા એક વર્ષમાં 15 મેચ રમી. 21.92ની બોલિંગ સરેરાશથી 27 વિકેટ લીધી.
    Published by:Mrunal Bhojak
    First published:

    Tags: CWC 2019, ICC Cricket World Cup 2019, South africa, Team india, ક્રિકેટ, વિરાટ કોહલી

    विज्ञापन

    विज्ञापन

    આગામી સમાચાર

    विज्ञापन
    विज्ञापन