રોમાંચક મેચ: ભારત અને પાકિસ્તાન વચ્ચે એક બે નહીં પણ 6 ટૂર્નામેન્ટ રમાશે, મેદાનમાં જામશે જંગ

નવી દિલ્હી. ફેન્સ આતુરતાપૂર્વક ભારત અને પાકિસ્તાન વચ્ચેની મેચની રાહ જોઈ રહ્યા છે.એશિયન ક્રિકેટ કાઉન્સિલ (ACC) એ ગુરુવારે આખા વર્ષનું શેડ્યૂલ જાહેર કર્યું. તેમાં ODI એશિયા કપનો પણ સમાવેશ થાય છે. જેમાં ભારત અને પાકિસ્તાનને એક જ ગ્રુપમાં રાખવામાં આવ્યા છે. આ ઉપરાંત, બે કટ્ટર હરીફ ટીમોને વિમેન્સ T20 ઇમર્જિંગ એશિયા કપ, મેન્સ ઇમર્જિંગ 50 ઓવર એશિયા કપ અને મેન્સ અંડર-19 એશિયા કપમાં પણ એકસાથે રાખવામાં આવી છે. ODI વર્લ્ડ કપ (વર્લ્ડ કપ 2023) ભારતમાં આ વર્ષે ઓક્ટોબર-નવેમ્બરમાં યોજાવાનો છે. અહીં પણ રોહિત શર્મા અને બાબર આઝમની ટીમ વચ્ચે ટક્કર થશે. આ સિવાય અંડર-19 મહિલા વર્લ્ડ કપમાં ભારત અને પાકિસ્તાનની ટીમો પણ મેદાનમાં ઉતરી રહી છે. એટલે કે આ 6 ટૂર્નામેન્ટમાં બંને વચ્ચે 10થી વધુ મેચ રમાઈ શકે છે.

વન ડે એશિયા કપની વાત કરીએ તો મેચો સપ્ટેમ્બરમાં રમાવાની છે. જોકે વેન્યુની હજુ સુધી જાહેરાત કરવામાં આવી નથી. તેની યજમાની પાકિસ્તાનને મળી છે, પરંતુ ભારતે પાકિસ્તાન જવાની ના પાડી દીધી છે. આવી સ્થિતિમાં મેચ ન્યુટ્રલ વેન્યુ પર યોજવામાં આવી શકે છે. ટુર્નામેન્ટમાં કુલ 6 ટીમો ઉતરશે. ભારત અને પાકિસ્તાન સિવાય ક્વોલિફાયર-1ને એક ગ્રુપમાં રાખવામાં આવ્યા છે. બીજા ગ્રુપમાં શ્રીલંકા, બાંગ્લાદેશ અને અફઘાનિસ્તાન છે. આ પછી સુપર-4 અને પછી ફાઈનલ થવાની છે. એટલે કે ભારત અને પાકિસ્તાન વચ્ચે 3 મેચ થઈ શકે છે.

આ પણ વાંચોઃ હલદ્વાની દબાણ કાર્યવાહી પર સુપ્રીમ કોર્ટનો સ્ટે, ઉત્તરાખંડ સરકારની ઝાટકણી કાઢતા કહ્યું- થોડીક માનવતા રાખો

વન ડે વર્લ્ડ કપમાં 2 મેચ

વન ડે વર્લ્ડ કપની વાત કરીએ તો 10 ટીમોને એક જ ગ્રુપમાં રાખવામાં આવી છે. તમામ ટીમો 9 ગ્રુપના મુકાબલામાં રમશે. આ પછી નોકઆઉટમાં પણ ભારત અને પાકિસ્તાન વચ્ચે મેચ રમાઈ શકે છે. અંડર-19 મહિલા વર્લ્ડ કપની વાત કરીએ તો ભારત અને પાકિસ્તાન અલગ-અલગ ગ્રુપમાં છે. સુપર-6 અને સેમી ફાઈનલ કે ફાઈનલમાં બંને વચ્ચે ટક્કર થઈ શકે છે. આ બંને ટુર્નામેન્ટમાં કુલ 4 મેચો શક્ય છે.



આ સિવાય ભારત અને પાકિસ્તાનની જુનિયર ટીમો વિમેન્સ T20 ઇમર્જિંગ એશિયા કપ, મેન્સ ઇમર્જિંગ 50 ઓવર એશિયા કપ અને મેન્સ અંડર-19 એશિયા કપમાં ભાગ લેવા માટે તૈયાર છે. હાલમાં જ T20 વર્લ્ડ કપમાં ભારત અને પાકિસ્તાન વચ્ચે મેચ રમાઈ હતી. ભારતીય ટીમને છેલ્લા બોલ પર રોમાંચક જીત મળી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: India Pakistan match, T20 tournament