IND vs ENG: મોટેરામાં આજે ડે-નાઇટ ટેસ્ટ, જાણો પિચ, પ્લેઇંગ XI અને મોસમનો હાલ

અમદાવાદ. ભારત અને ઈંગ્લેન્ડ (India vs England)ની વચ્ચે ચાર મેચોની સીરીઝની ત્રીજી ટેસ્ટ મેચ અમદાવાદ (Ahmedabad)માં નવનિર્મિત સરદાર પટેલ સ્ટેડિયમ (Sardar Patel Stadium)માં રમાશે. આ મેચ ડે-નાઇટ ટેસ્ટ છે, જે પિન્ક બોલથી રમાશે. આ ભારતમાં રમાનારી બીજી ડે-નાઇટ ટેસ્ટ હશે. આ પહેલા કોલકાતાના ઇડન ગાર્ડન્સમાં ભારતે બાંગ્લાદેશની વિરુદ્ધ ડે-નાઇટ ટેસ્ટ રમી હતી. આ ટેસ્ટ મેચમાં ભારતે જીત મેળવી હતી. અમદાવાદ એટલા માટે પણ ખાસ છે કારણ કે અહીં ક્રિકેટરોએ અનેક ખાસ ઉપલબ્ધિઓ પ્રાપ્ત કરી છે. સુનીલ ગાવસ્કર (Sunil Gavaskar)એ અહીં 10 હજાર ટેસ્ટ રન પૂરા કર્યા તો કપિલ દેવે (Kapil Dev)એ અહીં 83 રન આપીને 9 વિકેટ લઈને પોતાનું સર્વશ્રેષ્ઠ પ્રદર્શન કર્યું હતું. બાદમાં રિચર્ડ હેડલીનો સૌથી વધુ ટેસ્ટ વિકેટનો તત્કાલીન રેકોર્ડ પણ આ મેદાન પર તોડ્યો હતો.

ભારત અને ઈંગ્લેન્ડની વચ્ચે અત્યાર સુધી સીરીઝની બે મેચ રમાઈ છે જે બંને ચેન્નઈમાં યોજાઈ હતી. જેમાંથી એકમાં ઈંગ્લેન્ડ અને એકમાં ભારતે જીત મેળવી હતી. બંને ટીમોની એક-એક જીત સાથે સીરીઝ 1-1 પર બરાબર છે.

મોટેરાની પિચનો રિપોર્ટ

ડે-નાઇટ ટેસ્ટ મેચમાં સીમ અને સ્વિંગની મદદ મોટાભાગે ક્યૂરેટર ઉપર હોય છે, જે પિચ પર વધારાનું ઘાસ રાખે છે જેથી એ સુનિશ્ચિત થઈ શકે કે પિન્ક બોલ સખ્ત રહે અને લાંબા સમય સુધી પોતાની ચમક બરકરાર રાખી શકે. ટેસ્ટ મેચ શરૂ થતાં પહેલા મોટેરાની પિચ પર એટલું જ ઘાસ હતું કે પિચ અને ગ્રાઉન્ડમાં ભેદ કરવો મુશ્કેલ હતો. પરંતુ એક દિવસ પહેલા સુધી મોટાપાયે ઘાસને કાપવામાં આવી ચૂક્યું હતું. ત્યારબાદ અંદાજો લગાવવામાં આવી શકાય ક મેચના દિવસ સુધી તેની પર વધુ ઘાસ નહીં બચે. પિચ ફાસ્ટ બોલરો માટે બનાવી છે, જેની પર ઘાસની માત્રા રાખવામાં આવી છે. તેની સાથે જ સ્પિનર પણ આ પિચ પર ટર્ન મળવાની આશા કરી શકાય છે. ટીમ ઈન્ડિયાના ઓપનર રોહિત શર્માએ અપીલ કરી હતી કે આ પિચ પર સ્પિનરોને મદદ મળે. જોકે અહીં હજુ પણ બેટિંગ પિચ છે અને બેટ્સમેનો અહીં લાંબો સમય રમી શકે છે. ઝાકળ રાતમાં નિશ્ચિત રીતે રમતમાં અગત્યની ભૂમિકા નિભાવશે. ટોસ જીતીને પહેલા બેટિંગ કરવી ફાયદાનો સોદો રહેશે.

આ પણ વાંચો, IND VS ENG: દુનિયાના સૌથી મોટા ક્રિકેટ સ્ટેડિયમ મોટેરા પર ઈંગ્લેન્ડના બેટિંગ કોચે ઉઠાવ્યા સવાલ, કહી આ વાત

અમદાવાદમાં મોસમનો હાલ

ડે-નાઇટ ટેસ્ટ બપોરે અઢી વાગ્યે શરૂ થશે, જ્યારે સૂરજ પોતાના ચરમ પર હશે. સાંજ થતા સુધીમાં મોસમ ખુશનુમા થશે, પરંતુ આ પહેલા ખેલાડીઓને ભીષણ ગરમીમાં સેશનની શરૂઆત કરવી પડશે. અંતિમ સંત્રમાં ઝાકળ પોતાની ભૂમિકા ભજવશે. તે સમયે ધીમી ગતિના બોલરો માટે બોલ પર ગ્રિપ રાખવી સરળ નહીં હોય.

આ પણ વાંચો, જાણીતા ગોલ્ફર ટાઇગર વુડ્સ ભયંકર કાર અકસ્માતમાં ઘાયલ, હૉસ્પિટલમાં દાખલ

બંને ટીમોની સંભવિત પ્લેઇંગ ઇલેવન

ઈંગ્લેન્ડની વિરુદ્ધ ત્રીજી ટેસ્ટ માટે ભારતની સંભવિત પ્લેઇંગ XI
રોહિત શર્મા (વાઇસ કેપ્ટન), શુભમન ગિલ, ચેતેશ્વર પૂજારા, વિરાટ કોહલી (કેપ્ટન), અજિંક્ય રહાણે, ઋષભ પંત (વિકેટકિપર), રવિચંદ્રન અશ્વિન, અક્ષર પટેલ, જસપ્રીત બુમરાહ, ઉમેશ યાદવ, ઈશાંત શર્મા.

ભારતની વિરુદ્ધ ત્રીજી ટેસ્ટ માટે ઈંગ્લેન્ડની સંભવિત પ્લેઇંગ XI
જૈક ક્રાઉલે, ડોમિનિક સિબ્લે, જોની બેયરેસ્ટો, જો રૂટ (કેપ્ટન),બેન સ્ટોક્સ (વિકેટકિપર), ઓલી પોપ, ડોમ બેસ, જોફ્રા આર્ચર, જૈક લીચ, જેમ્સ એન્ડરસન.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad Test, India vs england, Motera stadium, Sardar Patel Stadium, ક્રિકેટ, સ્પોર્ટસ