Home /News /sport /

IND vs AUS : બુમરાહનો સામનો કરવા વોર્નરે બેટ સાથે કરી 'છેડછાડ'

IND vs AUS : બુમરાહનો સામનો કરવા વોર્નરે બેટ સાથે કરી 'છેડછાડ'

તમને જણાવી દઈએ કે, અભ્યાસ દરમ્યાન તેણે પોતાના બેટની તકનીકમાં કઈંક ફેરફાર કર્યો છે. તેણે બેટમાં એક નવી ડિવાઈસ લગાવી છે

તમને જણાવી દઈએ કે, અભ્યાસ દરમ્યાન તેણે પોતાના બેટની તકનીકમાં કઈંક ફેરફાર કર્યો છે. તેણે બેટમાં એક નવી ડિવાઈસ લગાવી છે

    વર્લ્ડ કપ 2019માં મુકાબલો કેટલો ટક્કરનો છે, તેને એ વાતથી સમજી શકાય છે કે, ખેલાડીઓ તેના માટે પોતાની તૈયારીઓ પણ નવી રીતે કરી રહ્યા છે. દુનિયાભરના બોલરોને ડરાવનાર ઓસ્ટ્રેલિયન ઓપનર ડેવિડ વોર્નર પણ અલગ પ્રકારે વર્લ્ડ કપની તૈયારીમાં લાગેલો છે.

    તમને જણાવી દઈએ કે, અભ્યાસ દરમ્યાન તેણે પોતાના બેટની તકનીકમાં કઈંક ફેરફાર કર્યો છે. તેણે બેટમાં એક નવી ડિવાઈસ લગાવી છે, જેને બેટ સેન્સર કહે છે. આ ડિવાઈસ દ્વારા ખેલાડીની બેક લિફ્ટ અને બેટની ગતી જેવો ડેટા સ્ટોર કરી શકાય છે. બેંગ્લોર સ્થિત સ્માર્ટ ક્રિકેટ કંપનીએ આ ડિવાઈસ બનાવી છે.

    બુમરાહ વિરુદ્ધ વોર્નરનું હોમવર્ક
    વોર્નરે આ સેન્સરનો ઉપયોગ પોતાના બેટમાં કર્યો છે, જેથી તે તેના દ્વારા સામે આવનાર ડેટાનો ઉપયોગ ભારતીય બોલર જસપ્રીત બુમરાહ જેવા બોલરો સામે કરી શકે. વોર્નરના બેટ સેન્સરે આ વાતનો રસપ્રદ ખુલાસો કર્યો છે કે, બુમરાહનો સામનો કરવા માટે તે કઈ પ્રકારની તૈયારી કરી રહ્યો છે.

    ઉદાહરણ તરીકે બુમરાહના યોર્કરનો સામનો કરવા માટે બેટની સ્પીડ 70-75 કિલોમીટર પ્રતિ કલાક હોવી જોઈએ, પરંતુ વોર્નર 85-90 કિમી પ્રતિ કલાકની સ્પીડ નિકાળવાનો પ્રયાસ કરી રહ્યો છે. સામે, બુમરાહની એક્શન જે પ્રકારની છે, તેના હિસાબે બેક લિફ્ટનો એંગલ 120-125 ડિગ્રી હોવો જોઈએ અને બેટિંગ પહેલી સ્લિપ તરફથી નીચે તરફ આવવી જોઈએ. જ્યારે ભુવનેશ્વર કુમાર વિરુદ્ધ વિકેટકિપરની લાઈનમાં હોવી જોઈએ. સ્પિનર વિરુદ્ધ બેક લિફ્ટની એંગલ ઓછામાં ઓછી 160 ડિગ્રી અને વધારેમાં વધારે 175 ડિગ્રી હોવી જોઈએ.

    આઈસીસીએ 2017માં જ આપી દીધી હતી અનુમતી
    બહુ ઓછા લોકોને ખબર હશે કે, આંતરરાષ્ટ્રીય ક્રિકેટ પરિષદે બેટ સેન્સરની બે વર્ષ પહેલા 2017માં મંજૂરી આપી દીધી હતી. પરંતુ, ઓસ્ટ્રેલિયન બેટ્સમેનોને છોડી દઈએ તો, અન્ય કોઈ ટીમે તેનો વધારે ઉપયોગ નથી કર્યો.

    બેટ સેન્સર કેવી રીતે કરે છે કામ
    આ સેન્સર બેટિંગના હેન્ડલમાં સૌથી ઉપર લગાવવામાં આવે છે. જ્યાં સુધી બેટ્સમેન બેટિંગ કરી રહ્યો હોય છે, ડેટા એક મોબાઈલ એપ ક્લાઉડ સ્ટોરેજમાં ભેગી થતો રહે છે.
    Published by:kiran mehta
    First published:

    Tags: David warner, Opposition, Threat, Using, ક્રિકેટ

    विज्ञापन

    विज्ञापन

    આગામી સમાચાર

    विज्ञापन
    विज्ञापन