Home /News /sport /

પ્રેમ માટે 10 ભારતીય ક્રિકેટરોએ તોડી ધર્મની દીવાલ, 4 વર્લ્ડ ચેમ્પિયન પણ સામેલ

પ્રેમ માટે 10 ભારતીય ક્રિકેટરોએ તોડી ધર્મની દીવાલ, 4 વર્લ્ડ ચેમ્પિયન પણ સામેલ

ક્રિકેટર્સ લવ મેરેજ

એક કહેવત છે કે પ્રેમ અને જંગમાં બધુ ચાલે છે. ભારતમાં ખેલાડીઓએ આ વાતને ઘણી રીતે સાચી કરી છે. હિંદૂ હોય કે મુસ્લિમ, શીખ હોય કે ઇસાઇ, પ્રેમની સામે બધા હારતા નજર આવ્યા છે

નવી દિલ્હી : એક કહેવત છે કે પ્રેમ અને જંગમાં બધુ ચાલે છે. ભારતમાં ખેલાડીઓએ આ વાતને ઘણી રીતે સાચી કરી છે. હિંદૂ હોય કે મુસ્લિમ, શીખ હોય કે ઇસાઇ, પ્રેમની સામે બધા હારતા નજર આવ્યા છે. હાલના દિવસોમાં ધર્માંતરણને લઇને ઘણા પ્રકારની ચર્ચાઓ છે, ત્યારે એક નજર એવા 10 ભારતીય ક્રિકેટરો પર નાખીએ જેમણે પોતાના જીવનસાથી બીજા ધર્મમાંથી શોધી, ખુશહાલ જીવન જીવી રહ્યા છે. એવા 10 લગ્નમાં સૌથી ચર્ચિત લગ્ન મંસૂર અલી ખાન પટૌડી અને શર્મિલા ટાગોરનો સમાવેશ થાય છે. આ સાથે સૌથી તાજું ઉદાહરણ હાર્દિક પંડ્યા અને નતાશા સ્ટેનકોવિશનું જ છે. દિનેશ કાર્તિકે બીજા ધર્મના ખેલાડીને જીવનસંગીની બનાવી તો યુવરાજ સિંહને વિદેશી યુવતી પસંદ કરી હતી.

મંસૂર અલી ખાન – શર્મિલા ટાગોર

મંસૂર અલી ખાન પટૌડી ભારતના સૌથી શ્રેષ્ઠ કેપ્ટનો પૈકી એક માનવામાં આવે છે. 1960ના દાયકામાં તેમની લોકપ્રિયતા ચરમ પર હતી. નવાબ પટૌડીના નામથી જાણીતા આ ક્રિકેટરના લાખો ચાહકો હતા, પરંતુ તેમને પ્રેમ થયો બોલીવુડ અભિનેત્રી શર્મિલા ટાગોર સાથે. જે હિંદૂ-બંગાળી પરીવાર સાથે જોડાયેલી હતી. બંનેએ 1969માં લગ્ન કરી લીધા.

હાર્દિક પંડ્યા – નતાશા સ્ટેનકોવિચ

ઇન્ટર રિલીજન મેરેજની આ લિસ્ટમાં તાજેતરનું નામ હાર્દિક પંડ્યાનું છે. પંડ્યાને પોતાનો પ્રેમ સર્બિયાની અભિનેત્રી નતાશા સ્ટેનકોવિચમાં મળ્યો છે બંનેએ એકબીજા સાથે લગ્ન પહેલા થોડા વર્ષો સુધી ડેટ કર્યા હતા. આજે બંનેનો એક દિકરો છે, જે લગભગ એક વર્ષનો છે.

દિનેશ કાર્તિક – દીપિકા પલ્લીકલ

દિનેશ કાર્તિકની લવસ્ટોરી પણ ખૂબ રસપ્રદ છે. તેમણે પહેલા લગ્ન નિકિતા સાથે કર્યા, જે વધુ ચાલ્યા નહીં. બંને જલદી જ અલગ થઇ ગયા અને નિકિતા હવે કાર્તિકના સાથી ક્રિકેટર મુરલી વિજયની પત્ની છે. છુટાછેડા જ્યારે તેના જીવનમાં દીપિકા આવી ત્યારે કાર્તિકને તેનો સાચો પ્રેમ મળ્યો હોવાનું અનુભવાયું હશે. દીપિકા ભારતની શાનદાર સ્કેશ ખેલાડી છે અને ઇસાઇ ધર્મની છે. કાર્તિક હિન્દુ છે. બંને વચ્ચે ગાઢ પ્રેમ હોવાથી ધર્મ પણ તેને અલગ ન કરી શક્યો. આજે બંને સુખી લગ્નજીવન જીવી રહ્યા છીએ. કાર્તિક 2007માં ટી20 વર્લ્ડ કપ જીતનાર ભારતીય ટીમનો ભાગ હતો.

ઝહીર ખાન – સાગરિકા ઘાટગે

વર્ષ 2011માં ભારતના વિશ્વ કપ જીતમાં મહત્વની ભૂમિકા નિભાવનાર ઝહીર ખાન મુસ્લિમ છે. તેની ઝડપી અને સ્વિંગ બોલિંગ મોટા બેટ્સમેનને પણ ભારે પડતી હતી. આ ક્રિકેટરે જ્યારે 2017માં સગાઇની જાહેરાત કરી તો તે પણ કોઇ સ્વિંગ બોલિંગથી ઓછી ન હતી. ઝહીરે બોલીવુડ અભિનેત્રી સાગરિકા ઘાટગે સાથે લગ્ન કર્યા, જે હિન્દુ છે. ઝહીર ધર્મના બંધનમાં ન બંધાયો અને પ્રેમમાં જીવવાનું પસંદ કર્યુ.

યુવરાજ સિંહ – હેઝલ કીચ

ક્રિકેટ ભારતમાં ધર્મ સમાન છે. યુવરાજ સિંહે 2011માં ભારતને વિશ્વ ચેમ્પિયન બનાવ્યું હતું. જ્યારે રમત ધર્મ બની જાય તો પછી બધુ છૂટી જાય છે. ભારતના પૂર્વ ઓલરાઉન્ડર યુવરાજ સિંહની સાથે પણ આવું જ થયું. યુવીએ બોલીવુડ એક્ટ્રેસ હેઝલ કીચ સાથે વર્ષ 2015માં લગ્ન કર્યા. યુવી શીખ છે તો હેઝલ ઇસાઇ છે.

મોહમ્મદ કૈફ – પૂજા યાદવ

મોહમ્મ્દ કૈફનું જ્યારે પણ નામ આવે છે તો નેટવેસ્ટ ટ્રોફીની તે ફાઇનલ પણ મગજમાં આવે છે. કૈફે તે મેચમાં યુવરાજ સિંહની સાથે મળીને ભારતને અસંભવ લાગતી જીત અપાવી હતી. મુસ્લિમ ધર્મમાંથી આવતા કૈફે પોતાની રમતની જેમ પ્રેમને ધર્મથી ઉપર રાખ્યો છે તેમને એક હિન્દુ યુવતી સાથે સાચો પ્રેમ થયો, જેનું નામ પૂજા યાદવ છે. બંનેએ 2011માં લગ્ન કર્યા હતા.

અજીત આગરકર – ફાતિમા

ઘણા ક્રિકેટરની જેમ પૂર્વ ભારતીય ફાસ્ટ બોલર અજિત આગરકરને પણ પોતાની જીવનસાથી બીજા ધર્મમાંથી મળી હતી. તેમને ફાતિમા નામની મુસ્લિમ યુવતી સાથે પ્રેમ થયો હતો. ફાતિમા, આગરકરની નજદીકી દોસ્તની બહેન છે. બંનેને એકબીજા સાથે પ્રેમ થઇ ગયો અને તેમણે 2007માં લગ્ન કરી લીધા. આગરકર 2007માં ટી20 વિશ્વકપ જીતનાર ભારતીય ટીમનો ભાગ હતા.

વિનોદ કાંબલી – એન્ડ્રિયા હેવિટ

વિનોદ કાંબલી 1990ના દાયકામાં ભારતના સૌથી પ્રતિભાશાળી ક્રિકેટરોમાંથી એક છે અને બે વર્લ્ડ કપ રમી ચૂક્યા છે. તેમણે 1998માં નોએલા લુઇસ સાથે લગ્ન કર્યા, જે ઇસાઇ હતી. આ લગ્ન લાંબો સમય સુધી ચાલ્યા નહીં. છૂટાછેડા બાદ વિનોદના એન્ડ્રિયા હેવિટ સાથે પ્રેમ થયો હતો. જે ઈસાઇ છે. બંનેએ 2010માં લગ્ન કરી લીધા. કાંબલીએ આ પ્રેમ માટે પોતાનો ધર્મ બદલી નાખ્યો.

સબા કરીમ – રશ્મિ રાય

પૂર્વ ક્રિકેટર સબા કરીમે રશ્મિ રાય સાથે લગ્ન કર્યા છે. પ્રેમે અહીં મુસ્લિમ-હિન્દુની દિવાલ તોડી નાખી. સબા ભારતીય ટીમના સફળ વિકેટકીપર રહી ચૂક્યા છે. તેમણે 90ના દાયકામાં સારું પ્રદર્શન કર્યુ. જોકે ઇજાના કારણે તેમનુ કરિયર લાંબુ ચાલી ન શક્યું. એક મેચ દરમિયાન તેમની આંખમાં ઇજા થઇ હતી.

અઝહરૂદ્દિન – સંગીતા બિજલાની

વંડર બોયથી મેચ ફિક્સિંગના આરોપો સુધી મોહમ્મદ અઝહરૂદ્દિનનું કરિયર ઉપલબ્ધિઓ અને વિવાદો સાથે ઘેરાયેલ રહ્યું છે. તેમનું અંગત જીવન પણ ઉતારચઢાવ સાથે ભરેલું છે. અઝહરે બે લગ્ન કર્યા. પહેલી પત્ની સાથે છૂટાછેડા બાદ સંગીતા બિજલાની તેમની પત્ની બની હતી જોકે, આ લગ્ન પણ વધુ દિવસો ચાલ્યા નહીં અને 14 વર્ષ બાદ બંનેએ અલગ રસ્તાઓ પકડી લીધા. અઝહરૂદ્દિન એકમાત્ર ક્રિકેટર છે જેમણે ત્રણ વન ડે કપમાં ભારતની કેપ્ટનશિપ કરી છે.
First published:

Tags: Indian cricketers

આગામી સમાચાર

विज्ञापन
विज्ञापन
विज्ञापन