CWG 2022 : ભારતે lawn bowls માં જીત્યો ઐતિહાસિક ગોલ્ડ, મહિલા ટીમે રચ્યો ઈતિહાસ

CWG 2022 : ભારતીય મહિલા લૉન બૉલ્સ (lawn bowls) ટીમે મંગળવારે મહિલા ટીમ (ચારની ટીમ) ઇવેન્ટની સેમિફાઇનલમાં દક્ષિણ આફ્રિકાને 17-10થી હરાવીને કોમનવેલ્થ (CWG) ગેમ્સમાં ઐતિહાસિક ગોલ્ડ મેડલ જીત્યો હતો. ભારતીય ટીમ પ્રથમ વખત કોમનવેલ્થ ગેમ્સમાં મહિલા ટીમના ફોર્મેટની ફાઇનલમાં પહોંચી અને ગોલ્ડ મેડલ જીતવામાં સફળ રહી. લવલી ચૌબે, પિંકી, નયનમોની સેકિયા અને રૂપા રાની તિર્કીની ભારતીય મહિલા દળની ટીમે દક્ષિણ આફ્રિકાને હરાવ્યું.

એક સમયે ભારતીય ટીમ 8-2થી આગળ હતી પરંતુ થાબેલો મુહાંગો (આગળ), બ્રિજિટ કાલિટ્ઝ (બીજા), એસ્મી ક્રુગર (ત્રીજા) અને જોહાન્ના સ્નેમેન (સ્કિપ) 8-8થી બરાબરી પર હતી. ભારતીય ખેલાડીઓએ પોતાનું સંયમ જાળવી રાખ્યું અને છેલ્લા ત્રણ રાઉન્ડ જીત્યા.

કોમનવેલ્થ ગેમ્સમાં ભારતને 10મુ મેડલ

કોમનવેલ્થ ગેમ્સમાં ભારતને અત્યાર સુધીમાં 10 મેડલ મળ્યા છે. ભારતે ચાર ગોલ્ડ, ત્રણ સિલ્વર અને ત્રણ બ્રોન્ઝ મેડલ જીત્યા છે.

જાણો કોણે અપાવ્યા મેડલ

4 ગોલ્ડ: મીરાબાઈ ચાનુ, જેરેમી લાલરિનુંગા, અંચિતા શ્યુલી, લૉન બૉલ્સ (મહિલા દળ)

3 સિલ્વર: સંકેત સરગરી, બિંદિયારાની દેવી, સુશીલા દેવી

3 બ્રોન્ઝ: ગુરુરાજા પૂજારી, વિજય કુમાર યાદવ, હરજિન્દર કૌર

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Commonwealth Games, CWG