Home /News /sport /

રાહુલ-પંડ્યાના મહિલાઓ વિરુદ્ધ નિવેદનનો મામલો લોકપાલને સોંપાશે

રાહુલ-પંડ્યાના મહિલાઓ વિરુદ્ધ નિવેદનનો મામલો લોકપાલને સોંપાશે

હાર્દિક અને રાહુલને 20-20 લાખનો દંડ

સુપ્રીમ કોર્ટે હવે વિવાદોના હલ માટે લોકપાલની નિયુક્તિ કરી છે, જે રાહુલ અને હાર્દિક મામલે પણ નિર્ણય કરશે

    ન્યૂઝ18 ગુજરાતી: ભારતીય ક્રિકેટનું સંચાલન કરી રહેલી પ્રશાસકોની સમિતિ (સીઓએ) ગુરુવારે નવી દિલ્હીમાં મળનારી બેઠકમાં હાર્દિક પંડ્યા અને કેએલ રાહુલનો મામલો બીસીસીઆઇના નવનિયુક્ત લોકપાલ ડીકે જૈનને સોંપશે. આ બન્ને ક્રિકેટરે ટીવી શો 'કોફી વિથ કરન'માં મહિલાઓ વિરુદ્ધ આપત્તિજનક ટિપ્પણી કરી હતી.

    આ ચેટમાં આપત્તિજનક ટિપ્પણી બાદ વિવાદ વકર્યો હતો અને બન્ને ક્રિકેટર્સને સસ્પેન્ડ પણ કરવામાં આવ્યા હતા, પરંતુ તપાસ વધુ લંબાવતાં તેમને પાછા લઇ લેવામાં આવ્યા હતા. સુપ્રીમ કોર્ટે હવે વિવાદોના હલ માટે લોકપાલની નિયુક્તિ કરી છે. જે રાહુલ અને હાર્દિક મામલે પણ નિર્ણય કરશે.

    સુપ્રીમ કોર્ટના પૂર્વ જજ ડીકે જૈને મંગળવારે પીટીઆઇને કહ્યું કે, તે રાહ જોઇ રહ્યાં છે કે સીઓએ તેમને કોઇ મામલો સોંપે અને તેમાં પંડ્યા અને રાહુલનો મામલો પણ સામેલ છે. પંડ્યા અને રાહુલની ટિપ્પણી બાદ વિવાદ થયો હતો જેના કારણે તેમને ઓસ્ટ્રેલિયા પ્રવાસમાંથી અધવચ્ચે ભારત પાછું ફરવું પડ્યું હતું.

    આ પણ વાંચો: આજના દિવસે ગાવસ્કરે ક્રિકેટના 'એવરેસ્ટ'ને સર કર્યો હતો, 20 મિનિટ રોકવી પડી હતી રમત

    ગુરુવારે પહેલીવાર સીઓએના નવા સભ્ય લેફ્ટિનેન્ટ જનરલ રવિ થોડગે પણ બેઠકમાં જોડાશે. ગયા મહિને તેમની નિયુક્તિ થઇ હતી અને પાછલી બેઠકમાં તેમણે ફોન દ્વારા પોતાની વાત રાખી હતી.

    સીઓએની બેઠકમાં બીસીસીઆઇએ આતંકવાદને પોષતા દેશો સાથે સંબંધ પૂરા કરવા અંગે લખેલા પત્ર પર આંતરરાષ્ટ્રીય ક્રિકેટ પરિષદના વર્તન અંગે પણ ચર્ચા થવાની સંભાવના છે. આઇસીસીએ કહ્યું હતું કે, આ પ્રકારના મુદ્દે તેમની કોઇ ભૂમિકા નથી.
    Published by:Azhar Patangwala
    First published:

    Tags: Lokpal

    આગામી સમાચાર