Virat Kohli vs BCCI: કોહલી અને BCCIમાંથી સાચું કોણ? શર્માએ કહ્યું-અમે કેપ્ટનશીપ ન છોડવા કહ્યુ હતું

વિરાટ કોહલી માટે (Virat Kohli) નવું વર્ષ વિવાદ લઈને આવી શકે છે. તાજેતરમાં જ તેમની પાસેથી ODI ટીમની કમાન પરત લેવામાં આવી હતી. ત્યારબાદ તેણે કહ્યું કે બીસીસીઆઈએ (Virat Kohli vs BCCI) તેને આ અંગે દોઢ કલાક પહેલા જાણ કરી હતી. આ પહેલા બોર્ડના પ્રમુખ સૌરવ ગાંગુલીએ કહ્યું હતું કે તેણે કોહલીને કહ્યું હતું કે ટી-20ની કેપ્ટન્સી ન છોડે નહીંતર તેમની પાસેથી વનડે ટીમની કેપ્ટનશીપ પણ પાછી લઈ લેવામાં આવશે. પરંતુ કોહલીએ આ વાતોને નકારી (Virat Kohli vs Sourav Ganguly) કાઢી હતી. પરંતુ ચીફ સિલેક્ટર ચેતન શર્માએ (Chief Selector Chetan Sharma on Virat Kohli Captainship contoroversy) પણ ગાંગુલીના શબ્દોને આગળ વધાર્યા કે બીસીસીઆઈમાં તો બધાએ વિરાટ કોહલીને ટી20 ની કેપ્ટનશીપ ન છોડવા વિનંતી કરી હતી.

આજે ટીમ ઈન્ડિયાની સાઉથ આફ્રિકા પ્રવાસ માટેની વનડે ટીમ જાહેર કરવામાં આવી હતી. આ જાહેરાત દરમિયાન મીડિયા સાથે વાત કરતા ચેતન શર્માએ કહ્યું, 'વિરાટ કોહલીએ અમને T20 વર્લ્ડ કપ પહેલા T20 ટીમની કેપ્ટન્સી છોડવાની વાત કહી હતી. અમે બધાએ તેને આ નિર્ણય પર વિચાર કરવા કહ્યું. તે સમયે ટીમ મોટી ટુર્નામેન્ટમાં પ્રવેશવા જઈ રહી હતી. આવી સ્થિતિમાં, અમે તેને કહી શક્યા નહીં કે વન-ડે ટીમનો કેપ્ટન એક જ રહેશે. વિરાટ કોહલી પાસેથી વનડે ટીમની કેપ્ટનશીપ લેવાનો નિર્ણય સંપૂર્ણપણે પસંદગીકારોનો છે.

'મેં કોહલીને જાતે વનડે કેપ્ટનશીપમાં હટાવવાનો નિર્ણય જણાવ્યો હતો'

ચેતન શર્માએ કહ્યું કે વિરાટ કોહલી સાથે અમારી સારી વાત થઈ. ત્યાર બાદ જ ટેસ્ટ ટીમની પસંદગી થવાની હતી. મેં તેને જાતે ફોન કર્યો હતો, પરંતુ આવો વિવાદ થાય તે સારું નથી. અમે તેને ODI કેપ્ટનશીપમાંથી હટાવવા અંગે જાણ કરી હતી. કોહલી ટીમના સૌથી મહત્વપૂર્ણ ખેલાડીઓમાંથી એક છે. તેમણે કહ્યું કે આ વિવાદ હવે નવા વર્ષ સાથે સમાપ્ત થવો જોઈએ.

આ પણ વાંચો : IND vs SA: સાઉથ આફ્રિકા સામે વનડે સીરિઝમાં કેપ્ટન તરીકે નવું નામ, બુમરાહ વાઇસ કેપ્ટન

કોહલી અને રોહિત વચ્ચે સારા સંબંધો છે

ભૂતપૂર્વ ભારતીય ક્રિકેટર ચેતન શર્માએ કહ્યું કે રોહિત શર્મા અને વિરાટ કોહલી બંને વચ્ચે કોઈ સમસ્યા નથી. અમે તેમની વચ્ચેના વિવાદની વાર્તાઓ પર હસીએ છીએ. તેણે વધુમાં કહ્યું કે અમારું કામ સારી ટીમ પસંદ કરવાનું છે. અમે કોઈપણ પ્રકારનો વિવાદ નથી ઈચ્છતા.

આ પણ વાંચો : Year Ender 2021:સચિન તેંડુલકર અને KL રાહુલનું વર્ષ 2021 કેવું રહ્યું? ક્રિકેટરોએ શેર કર્યો #Rewind2021 Video

સાઉથ આફ્રિકા સીરિુઝ માટે વનડે ટીમ

કેએલ રાહુલ (કેપ્ટન), શિખર ધવન, ઋતુરાજ ગાયકવાડ, વિરાટ કોહલી, સૂર્યકુમાર યાદવ, શ્રેયસ અય્યર, વેંકટેશ અય્યર, ઋષભ પંત (વિકેટકેટર), ઈશાન કિશન (વિકેટકીન), યુઝવેન્દ્ર ચહલ, રવિચંદ્રન અશ્વિન, વોશિંગ્ટન , જસપ્રિત બુમરાહ (વાઈસ-કેપ્ટન), ભુવનેશ્વર કુમાર, દીપક ચહર, ફેમસ ક્રિષ્ના, શાર્દુલ ઠાકુર અને મોહમ્મદ સિરાજ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: IND Vs SA, Sourav ganguly, વિરાટ કોહલી