Home /News /sport /શમીની પત્ની હસીન જહાં વિરૂદ્ધ અશ્લીલ પોસ્ટના કેસમાં કલકત્તા હાઈકોર્ટનું કડક વલણ, યુટ્યુબને પોસ્ટ હટાવવાનો આદેશ

શમીની પત્ની હસીન જહાં વિરૂદ્ધ અશ્લીલ પોસ્ટના કેસમાં કલકત્તા હાઈકોર્ટનું કડક વલણ, યુટ્યુબને પોસ્ટ હટાવવાનો આદેશ

હસીન જહાં વિરૂદ્ધ અશ્લિલ પોસ્ટ ડિલિટ કરવા યુટ્યુબને આદેશ

Shami's wife Hasin Jahan : કલકત્તા હાઇકોર્ટે ગુરુવારે યુટ્યુબને ભારતીય ક્રિકેટર મોહમ્મદ શમીની વિમુખ પત્ની હસીન જહાં વિરુદ્ધ ખાનગી, નિંદાકારક અને અપમાનજનક ટિપ્પણીઓ પ્રકાશિત ન કરવા જણાવ્યું હતું. આ ઉપરાંત અગાઉ પ્રસિદ્ધ થયેલી આવી સામગ્રીને દૂર કરવા પણ સૂચના આપવામાં આવી હતી.

વધુ જુઓ ...
    Shami's wife Hasin Jahan : કલકત્તા હાઇકોર્ટે ગુરુવારે યુટ્યુબને ભારતીય ક્રિકેટર મોહમ્મદ શમીની વિમુખ પત્ની હસીન જહાં વિરુદ્ધ ખાનગી, નિંદાકારક અને અપમાનજનક ટિપ્પણીઓ પ્રકાશિત ન કરવા જણાવ્યું હતું. આ ઉપરાંત અગાઉ પ્રસિદ્ધ થયેલી આવી સામગ્રીને દૂર કરવા પણ સૂચના આપવામાં આવી હતી.

    કોલકત્તા હાઈકોર્ટે પોતાના આદેશમાં હસીન જહાંને પોલીસને એવી પોસ્ટ અને સામગ્રીની વિગતો જણાવવા કહ્યું કે જે તેમને નિંદાત્મક અને બદનક્ષીભરી લાગે, જેથી તેઓ તેને YouTube પરથી હટાવી શકે.

    ન્યાયાધીશ રાજશેખર મંથાએ કહ્યું કે મોટી સંખ્યામાં આવા ટ્રોલ્સને જોતા તેમની સામે કાર્યવાહી કરવી 'વ્યર્થ' હશે. હસીન જહાંના વકીલ આશિષ કુમાર ચૌધરીએ જણાવ્યું કે, મૉડલ અને અભિનેત્રીએ 2019માં હાઈકોર્ટમાં જઈને કહ્યું હતું કે મોહમ્મદ શમી સાથે ચાલી રહેલી કાનૂની લડાઈને કારણે તે અને તેમની સગીર પુત્રીને યુટ્યુબ અને ફેસબુક પર ટ્રોલ કરવામાં આવી હતી, ધમકીઓ અને ધાકધમકી આપવામાં આવી હતી.

    જણાવી દઈએ કે, મોહમ્મદ શમીએ ભૂતકાળમાં એક ઈન્ટરવ્યુ આપ્યો હતો. તે ઈન્ટરવ્યુમાં શમીએ હસીન જહાં વિશે પોતાના વિચારો વ્યક્ત કર્યા હતા. આરોપ છે કે તે ઇન્ટરવ્યુ પછી શમીના સમર્થકોએ હસીન જહાં વિશે ઇન્ટરનેટ પર અભદ્ર અને વાંધાજનક પોસ્ટ કરી હતી. હસીન જહાંને પણ ધમકી આપવામાં આવી હતી.

    પોલીસે જણાવ્યું કે હસીન જહાં વિરુદ્ધ વાંધાજનક પોસ્ટ હટાવવા માટે તેઓએ ફેસબુક અને યુટ્યુબને પત્ર લખ્યો હતો. પોલીસના જણાવ્યા અનુસાર, ફેસબુકે હસીન જહાં વિરુદ્ધની પોસ્ટ હટાવી દીધી હતી, પરંતુ યુટ્યુબ પરની પોસ્ટ રહી હતી.

    હસીન જહાંના વકીલે કહ્યું, મોહમ્મદ શમી ભારતીય ટીમનો સ્ટાર ક્રિકેટર છે. પરિણામે સોશિયલ મીડિયા પર તેના ફોલોઅર્સે હસીન જહાં વિરુદ્ધ કથિત રીતે વિવિધ અધમ ટિપ્પણીઓ કરી હતી. ધમકીઓ આપીને અશ્લિલ પોસ્ટો કરી હતી.

    હસીન જહાં અને તેની પુત્રીને ધમકાવવામાં આવી હતીઃ વકીલ

    આશિષ કુમાર ચૌધરીએ એવો પણ આરોપ લગાવ્યો હતો કે હસીન જહાં અને તેની સગીર પુત્રીને રસ્તા પર ડરાવવામાં આવી હતી અને ધમકાવવામાં આવી હતી. આ અંગે હસીન જહાંએ લાલબજાર સાયબર ક્રાઈમ વિભાગનો સંપર્ક કર્યો હતો. પોલીસ દ્વારા કોઈ યોગ્ય કાર્યવાહી કરવામાં ન આવતાં હસીન જહાંને હાઈકોર્ટનું શરણ લેવાની ફરજ પડી હતી.

    પોલીસ પર જવાબદારી નિભાવવાનો આરોપ

    સુનાવણી દરમિયાન હસીન જહાં તરફથી હાજર રહેલા એડવોકેટ આશિષ કુમાર ચૌધરીએ કહ્યું કે હસીન જહાં એક ઉભરતી અભિનેત્રી છે. સોશિયલ મીડિયા પર તેની વિરુદ્ધ આવી પોસ્ટ કરવી સાયબર એક્ટ હેઠળ સજાને પાત્ર છે. વકીલે આરોપ લગાવ્યો કે પોલીસે યોગ્ય કાર્યવાહી કરવી જોઈતી હતી, જે તેણે કરી નથી.
    Published by:mujahid tunvar
    First published:

    विज्ञापन
    विज्ञापन