બુમરાહની પત્ની T20 વર્લ્ડ કપ માટે પહોંચી ઓસ્ટ્રેલિયા, થઇ ટ્રોલ

Jasprit Bumrah-Sanjana Ganeshan: ટીમ ઈન્ડિયા T20 વર્લ્ડ કપ રમવા ઓસ્ટ્રેલિયા પહોંચી ગઈ છે. પર્થમાં ભારતીય ટીમનું પ્રેક્ટિસ સેશન પણ શરૂ થઈ ગયું છે, પરંતુ આ વખતે ટીમ ઈન્ડિયાનો ફાસ્ટ બોલર જસપ્રિત બુમરાહ ટીમ સાથે નથી. જસપ્રીત બુમરાહ ઈજાના કારણે T20 વર્લ્ડ કપમાંથી બહાર થઈ ગયો છે. આ દરમિયાન તેની પત્ની સંજના ગણેશન ઓસ્ટ્રેલિયા પહોંચી ગઈ છે, તે આ મોટી ICC ટૂર્નામેન્ટને કવર કરશે.

સંજના ગણેશને ઓસ્ટ્રેલિયા પહોંચતાની પોતાની તસવીર ઈન્સ્ટાગ્રામ પર શેર કરી છે. તે ફ્લાઈટમાં બેઠી છે અને તેણે ફની કેપ્શન પણ આપી છે. સંજનાએ લખ્યું છે કે, હું એવી જગ્યા પર જઈ રહી છું જે બહુ જલ્દી મારી ફેવરિટ બની ગઈ છે. સંજનાની આ તસવીરને લાખો લોકોએ લાઈક કરી છે.

પરંતુ આ ફોટોને લઈને સંજના ગણેશન પણ ટ્રોલ થઈ ગઈ છે. ફેન્સે કોમેન્ટમાં લખ્યું છે કે, જસપ્રીત બુમરાહ વર્લ્ડ કપમાં નથી જઈ શક્યો, પરંતુ સંજના જઈ રહી છે. ઘણા ચાહકોએ કમેન્ટ કરી કે ભાભીજી ક્યાં છે ભાઈસાહેબ. જ્યારે કેટલાકે લખ્યું કે બુમરાહ ગેરમાર્ગે દોરાઈ ગયો છે.

આ પણ વાંચો : Video: ઓસ્ટ્રેલિયા ન સુધર્યું, મેચ દરમિયાન ખેલાડીએ કર્યું 'ચીટિંગ', કેમેરામાં કેદ થયુ શરમજનક કામ

સંજના ગણેશનની આ તસવીર સોશિયલ મીડિયા પર ચર્ચાનો વિષય બની છે. તમને જણાવી દઈએ કે, સંજના ગણેશન સતત ICC માટે ઘણા ઈન્ટરવ્યુ કરે છે અને મોટી ઈવેન્ટ્સને કવર કરે છે. આ જ કારણ છે કે તે T20 વર્લ્ડ કપ કવર કરવા ઓસ્ટ્રેલિયા પહોંચી છે.

જો જસપ્રીત બુમરાહની વાત કરીએ તો તે પીઠની ઈજાને કારણે T20 વર્લ્ડ કપમાંથી બહાર થઈ ગયો છે. બુમરાહે એશિયા કપમાં પણ ભાગ લીધો ન હતો, તે ઓસ્ટ્રેલિયા સિરીઝમાં પાછો ફર્યો હતો પરંતુ તે પછી ઈજાના કારણે બહાર થઈ ગયો હતો.


ટીમ ઈન્ડિયાને હજુ સુધી જસપ્રિત બુમરાહનું સ્થાન મળ્યું નથી. ટીમ ઈન્ડિયા T20 વર્લ્ડ કપ પહેલા જસપ્રીત બુમરાહના સ્થાનની જાહેરાત કરશે. માનવામાં આવી રહ્યું છે કે, તેની જગ્યાએ મોહમ્મદ શમીને મુખ્ય ટીમમાં સામેલ કરવામાં આવી શકે છે.

ભારતીય ટીમઃ રોહિત શર્મા (કેપ્ટન), કેએલ રાહુલ (વાઈસ-કેપ્ટન), વિરાટ કોહલી, સૂર્યકુમાર યાદવ, દીપક હુડા, ઋષભ પંત(વિકેટ કિપર), દિનેશ કાર્તિક (વિકેટ કિપર), હાર્દિક પંડ્યા, આર.કે. અશ્વિન, યુઝવેન્દ્ર ચહલ, અક્ષર પટેલ, ભુવનેશ્વર કુમાર, હર્ષલ પટેલ, અર્શદીપ સિંહ.

સ્ટેન્ડબાય ખેલાડીઓ:  મોહમ્મદ શમી, શ્રેયસ અય્યર, રવિ બિશ્નોઈ, દીપક ચહર.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Jasprit bumrah, Sports news, T20 World Cup 2022, ક્રિકેટ