Home /News /sport /ટી-20 વર્લ્ડકપમાં હારનો પડઘો: BCCIએ ચેતન શર્મા સહિત આખી સિલેક્શન કમિટીને હટાવી નાંખી

ટી-20 વર્લ્ડકપમાં હારનો પડઘો: BCCIએ ચેતન શર્મા સહિત આખી સિલેક્શન કમિટીને હટાવી નાંખી

બીસીસીઆઈએ ચેતન શર્માની અધ્યક્ષતાવાળી વરિષ્ઠ પસંદગી સમિતિને હટાવી દીધી છે. (ચેતન શર્મા ટ્વિટર)

Cricket News: BCCIની વરિષ્ઠ રાષ્ટ્રીય પસંદગી સમિતિનું નેતૃત્વ ચેતન શર્માએ કર્યું હતું. હવે પસંદગી સમિતિમાં ચેતન શર્મા સિવાય અન્ય ચાર સભ્યો હરવિન્દર સિંહ (સેન્ટ્રલ ઝોન), સુનીલ જોશી (દક્ષિણ ઝોન) અને દેબાશિષ મોહંતી (પૂર્વ ઝોન) પણ બહાર થઈ જશે.

વધુ જુઓ ...
    ભારતીય ક્રિકેટ ટીમ ઓસ્ટ્રેલિયામાં ટી-20 વર્લ્ડ કપની ફાઇનલમાં પહોંચવામાં નિષ્ફળ રહી હોવાથી ભારતીય ક્રિકેટ કંટ્રોલ બોર્ડ (BCCI) એ શુક્રવારે ચેતન શર્માની આગેવાની હેઠળની ચાર સભ્યોની વરિષ્ઠ પસંદગી સમિતિને હટાવી દીધી છે. આ સાથે જ BCCIએ શુક્રવારે જાહેરાત કરી કે તેઓએ સિનિયર મેન્સ ટીમ માટે રાષ્ટ્રીય પસંદગીકારોના પદ માટે અરજીઓ આમંત્રિત કરી છે. બીસીસીઆઈએ એમ પણ કહ્યું કે, અરજીઓ સબમિટ કરવાની અંતિમ તારીખ 28 નવેમ્બર સાંજે 6 વાગ્યા સુધી છે.

    BCCIની વરિષ્ઠ પસંદગી સમિતિનું નેતૃત્વ ચેતન શર્માએ કર્યું હતું. હવે પસંદગી સમિતિમાં ચેતન શર્મા સિવાય અન્ય ચાર સભ્યો હરવિન્દર સિંહ (સેન્ટ્રલ ઝોન), સુનીલ જોશી (દક્ષિણ ઝોન) અને દેબાશિષ મોહંતી (પૂર્વ ઝોન) પણ બહાર થઈ જશે.

    ઓસ્ટ્રેલિયામાં ટી-20 વર્લ્ડ કપની સેમિફાઇનલમાં ઇંગ્લેન્ડના હાથે ટીમ ઇન્ડિયાની શરમજનક હાર બાદ અભિયાન સમાપ્ત થયું. જેને ધ્યાનમાં રાખીને બીસીસીઆઈએ કડક નિર્ણય લીધો છે અને સિનિયર સિલેક્શન કમિટીને બરતરફ કરીને નવી અરજીઓ મંગાવવાની જાહેરાત કરી છે. ચેતન શર્માના કાર્યકાળ દરમિયાન ટીમ ઈન્ડિયા 2021માં રમાયેલા ટી-20 વર્લ્ડ કપના નોકઆઉટ સ્ટેજ સુધી પહોંચી શકી નહોતી. આ સિવાય તે વર્લ્ડ ટેસ્ટ ચેમ્પિયનશિપની ફાઇનલમાં પણ હારી ગઈ હતી.



    પસંદગીકારોનો ખૂબ જ ટૂંકો કાર્યકાળ

    ચેતન (ઉત્તર ઝોન), હરવિંદર સિંઘ (સેન્ટ્રલ ઝોન), સુનીલ જોશી (દક્ષિણ ઝોન) અને દેબાશીષ મોહંતી (પૂર્વ ઝોન) રાષ્ટ્રીય પસંદગીકારો તરીકે ટૂંકા કાર્યકાળ ધરાવતા હતા, જેમાંથી કેટલાકની નિમણૂક 2020માં અને કેટલાકની 2021માં કરવામાં આવી હતી. વરિષ્ઠ રાષ્ટ્રીય પસંદગીકારનો કાર્યકાળ સામાન્ય રીતે ચાર વર્ષનો હોય છે અને તેને આગળ વધારી શકાય છે. અભય કુરુવિલાનો કાર્યકાળ પૂરો થતાં પશ્ચિમ ઝોનમાંથી કોઈ પસંદગીકાર ન હતો.

    આ પણ વાંચો : ઉત્તરાખંડના ચમોલીમાં મોટો અકસ્માતઃ બોલેરો ગાડી 700 મીટર ઉંડી ખીણમાં પડી, 10 લોકોના મોત

    પીટીઆઈએ 18 ઓક્ટોબરે બીસીસીઆઈની વાર્ષિક સામાન્ય સભા બાદ અહેવાલ આપ્યો હતો કે ચેતનને બરતરફ કરવામાં આવી શકે છે. BCCIએ શુક્રવારે રાષ્ટ્રીય પસંદગીકારો (વરિષ્ઠ પુરુષો) માટે અરજીઓ આમંત્રિત કરી હતી. અરજી કરવાની છેલ્લી તારીખ 28 નવેમ્બર છે.
    Published by:rakesh parmar
    First published:

    Tags: Bcci T20 World Cup, Cricket News in Guajarati, Team india, બીસીસીઆઇ

    विज्ञापन
    विज्ञापन