Home /News /sport /

ભારત vs સાઉથ આફ્રિકાની ટી-20 સિરીઝની પાંચમી મેચ વરસાદના કારણે રદ્દ, આખી સિરીઝ ડ્રો થઈ

ભારત vs સાઉથ આફ્રિકાની ટી-20 સિરીઝની પાંચમી મેચ વરસાદના કારણે રદ્દ, આખી સિરીઝ ડ્રો થઈ

ભારત સાઉથ આફ્રિકા ટી-20 સિરીઝ

India-south Africa t-20 : ભારત અને સાઉથ આફ્રિકાની ટી-20 સિરીઝની પાંચમી મેચ વરસાદના કારણે રદ્દ થતાં આખી સિરીઝ ડ્રો થઈ ગઈ છે.

    બેંગ્લોર: ભારત અને સાઉથ આફ્રિકા (Ind Vs Sa) વચ્ચે બેંગ્લોરમાં રમાનાર પાંચમી ટી-20 મેચ પર બધાની નજરો ટકેલી હતી, કેમ કે અહીંથી સિરીઝ વિજેતા નક્કી થવાનો હતો. જોકે, વરસાદે વિલન બનીને એન્ટ્રી મારી દીધી છે અને મેચ રદ્દ કરી દેવામાં આવી છે. આ સાથે જ ભારત અને સાઉથ આફ્રિકા વચ્ચે રમાયેલી 5 મેચની ટી-20 સિરીઝ 2-2ના સ્કોરથી ડ્રો થઈ ગઈ છે.

    3.3 ઓવર પછી વરસાદની એન્ટ્રી

    બેંગ્લોરમાં રમાયેલી ટી-20 મેચમાં સાઉથ આફ્રિકાએ ટોસ જીતીને ટીમ ઈન્ડિયાને પહેલા બેટિંગ કરવા માટે આમંત્રણ આપ્યું બતું. ટીમ ઈન્ડિયા બેટિંગ કરવા માટે ઉતરી પરંતુ થોડી જ વારમાં વરસાદ શરૂ થઈ ગયો. આ મેચમાં માત્ર 3.3 ઓવર જ નાખી શકાઈ અને ટીમ ઈન્ડિયાનો સ્કોર બે વિકેટના નુકશાન પર 28 રન રહ્યો.

    આ મેચ 19-19 ઓવરની જ હતી

    બેંગ્લોરમાં વરસાદી વાતાવરણની અસર મેચ ઉપર પણ પડી હતી. મેચ સાત વાગ્યાની જગ્યાએ 7.50 વાગે શરૂ થઈ હતી. આ સાથે જ બંને ઈનિંગ્સમાં 1-1 ઓવર પણ ઘટાડી દીધી હતી. જોકે, પાછળથી મેચ દરમિયાન વરસાદ શરૂ થયો અને ફરીથી બંધ થયો જ નહીં. તો બીજી તરફ મેચ શરૂ થાય તે પહેલા જ આફ્રિકાને પણ એક મોટો ઝાટકો લાગ્યો હતો. આફ્રિકન ટીમનો કેપ્ટન બાવુમા મેચમાં રમી રહ્યો નહતો અને તેમની જગ્યાએ કેશન મહારાજ ટીમની કેપ્ટનશીપ કરી રહ્યો હતો.
    Published by:kiran mehta
    First published:

    આગામી સમાચાર