BAN vs AUS: બાંગ્લાદેશે ઓસ્ટ્રેલિયાને T-20માં રગદોળ્યું, સીરીઝમાં 4-1થી મેળવી શાનદાર જીતી

તસવીર- AFP

Bangladesh vs Australia T20 Series: બાંગ્લાદેશે 5 મેચની ટી 20 શ્રેણી 4-1થી કબજે કરી છે. ટીમે અંતિમ ટી 20 મેચ (BAN vs AUS)માં ઓસ્ટ્રેલિયાને 60 રનથી કચડી નાખ્યું હતું. ઓસ્ટ્રેલિયાની ટીમ તેના ન્યૂનતમ સ્કોર 62 રનમાં સમેટાઈ ગઈ હતી.

  • Share this:
    ઢાકા: બાંગ્લાદેશે 5મી અને અંતિમ ટી 20 મેચમાં ઓસ્ટ્રેલિયા(BAN vs AUS)ને 60 રનથી હરાવ્યું હતું. આ સાથે ટીમે પાંચ મેચની શ્રેણી 4-1થી કબજે કરી હતી. ટીમે પ્રથમ વખત ઓસ્ટ્રેલિયા (Australia) સામે શ્રેણી જીતી છે. બાંગ્લાદેશે (bangladesh) પ્રથમ રમતી વખતે 8 વિકેટે 122 રન બનાવ્યા હતા. જવાબમાં ઓસ્ટ્રેલિયાની ટીમ 62 રનમાં સમેટાઇ ગઇ હતી. આ પહેલા ઓસ્ટ્રેલિયા વિન્ડીઝ (AUS va WI) સામે 5 મેચની શ્રેણીમાં 1-4થી હારી ગયું હતું. ઓસ્ટ્રેલિયા સતત પાંચમી દ્વિપક્ષીય ટી 20 શ્રેણીમાં હારી ગયું છે.

    123 રનના લક્ષ્યાંકનો પીછો કરતા ઓસ્ટ્રેલિયાની શરૂઆત ખરાબ રહી હતી. ટીમે બીજી ઓવરમાં જ ડેન ક્રિશ્ચિયન (3) ની વિકેટ ગુમાવી હતી. આ પછી ટીમ ડૂબી ગઈ. સમગ્ર ટીમ 13.4 ઓવરમાં 62 રન બનાવીને આઉટ થઈ ગઈ હતી. ટી -20 માં આ ટીમનો સૌથી ઓછો સ્કોર છે.

    આ પહેલા ટીમે 2005 માં ઇંગ્લેન્ડ સામે 79 રન બનાવ્યા હતા. કેપ્ટન મેથ્યુ વેડે સૌથી વધુ 22 રન બનાવ્યા હતા. 9 ખેલાડીઓ દસનો આંકડો સ્પર્શી શક્યા નથી. બાંગ્લાદેશના લેફ્ટ આર્મ સ્પિન બોલર શાકિબ અલ હસને (Shakib Al Hasan) સૌથી વધુ 4 વિકેટ લીધી હતી.

    અગાઉ બાંગ્લાદેશે ટોસ જીતીને બેટિંગ કરવાનો નિર્ણય કર્યો હતો. મોહમ્મદ નઈમ (23) અને મહેદી હસન (13) એ પ્રથમ વિકેટ માટે 42 રન ઉમેરીને સારી શરૂઆત કરી. જોકે, આ પછી બાંગ્લાદેશના બેટ્સમેનો મુક્ત રીતે રમી શક્યા ન હતા અને ટીમ નિર્ધારિત 20 ઓવરમાં 8 વિકેટે 122 રન જ બનાવી શકી હતી. કેપ્ટન મહમુદુલ્લાહે 19 અને સૌમ્યા સરકારે 16 રન બનાવ્યા હતા. ઓસ્ટ્રેલિયા તરફથી નાથન એલિસ અને ડેન ક્રિશ્ચિયને બે -બે વિકેટ લીધી હતી. ઝડપી બોલર એલિસ માટે આ બીજી ટી 20 આંતરરાષ્ટ્રીય મેચ હતી. તેણે પ્રથમ મેચમાં ત્રણ વિકેટ લીધી હતી.

    આ પણ વાંચો: BAN vs AUS: બાંગ્લાદેશનો આ ખેલાડી ટી-20 માં 100 વિકેટ લેનાર વિશ્વનો પ્રથમ સ્પિનર બન્યો

    પાંચ મેચની શ્રેણીમાં કોઈ પણ ટીમ 150 રનના આંકડાને સ્પર્શી શકી નથી. 131 રન સર્વોચ્ચ સ્કોર હતા. બાંગ્લાદેશે પ્રથમ ટી -20 માં આ સ્કોર બનાવ્યો હતો. ઓક્ટોબર-નવેમ્બરમાં યોજાનારા ટી 20 વર્લ્ડકપ પહેલા ઓસ્ટ્રેલિયાની હારથી ટીમની તૈયારીઓને ફટકો પડ્યો છે. ઓસ્ટ્રેલિયાની ટીમ ક્યારેય ટી 20 વર્લ્ડકપનું ટાઇટલ જીતી શકી નથી.
    Published by:kuldipsinh barot
    First published: