Asian Games 2018: તજિંદરપાલ સિંહે શોટ પુટમાં રેકોર્ડ સાથે ગોલ્ડ જીત્યો, સ્કવોશમાં ત્રણ બ્રોન્ઝ

તજિંદરપાલ સિંહ તુરે ભારતને શનિવારે પ્રથમ ગોલ્ડ મેડલ અપાવ્યો હતો. તજિંદરે પાલે શોટ પુટમાં 20.75 મીટરનો ગોળો ફેકી ગોલ્ડ મેડલ અપાવ્યો હતો. તેણે આ સાથે એશિયન ગેમ્સમાં રેકોર્ડ બનાવ્યો હતો. આ સાથે એશિયન ગેમ્સ-2018માં ભારતે સાતમો ગોલ્ડ મેડલ જીત્યો હતો.

એશિયન ગેમ્સ-2018માં ભારતની સ્ટાર સ્કવોશ પ્લેયર દીપિકા પલ્લિકલ અને જોશના ચિનપ્પાએ બ્રોન્ઝ મેડલથી સંતોષ માનવો પડ્યો છે. દીપિકા પલ્લિકલને સેમિ ફાઇનલમાં મલેશિયાની નિકોલ એન ડેવિડે 3-0થી હરાવી હતી. આ પરાજય સાથે જ દીપિકાની ગોલ્ડ જીતવાની આશાનો અંત આવ્યો છે. બીજી તરફ જોશના ચિનપ્પાનો પણ સેમિફાઇનલમાં પરાજય થયો હતો. જોશનાનો મલેશિયાની સિવાસાંગરી સુબ્રમણ્યમ સામે 1-3થી પરાજય થયો હતો.

સ્કવોશ ખેલાડી સૌરવ ઘોષાલ પણ સેમિ ફાઇનલથી આગળ વધી શક્યો ન હતો. સેમિ ફાઇનલમાં સૌરવનો હોંગકોંગના ચુંગ મિંગ એયુ 3-2થી પરાજય થયો હતો. ચુંગ મિંગે 0-2થી પાછળ રહ્યા પછી શાનદાર વાપસી કરતા 3-2થી મુકાબલો જીતી લીધો હતો.

#AsianGames2018
A gold-lined evening as #TajinderpalSinghToor claims #TeamIndia's 7th Gold! In a gasping second last attempt, Tajinderpal threw a massive 20.75m to claim a Gold medal and a new #AsianGames Record to his name! Kudos @Tajinder_Singh3 🇮🇳👏👌#IAmTeamIndia pic.twitter.com/njLOJ8QmGX

— Team India (@ioaindia) August 25, 2018

ભારતની બોક્સર પવિત્રાએ મહિલાઓના 60 કિગ્રા ભાર વર્ગમાં પાકિસ્તાનની પરવિન રુખસાનાને ટેકનિકના આધારે હરાવી ક્વાર્ટર ફાઇનલમાં પ્રવેશ કર્યો છે. પવિત્રા શરૂઆતથી જ પાકિસ્તાની હરીફ પર હાવી રહી હતી. આ કારણે રેફરી મેચ અધવચ્ચેથી રોકીને પવિત્રાને વિજેતા જાહેર કરી હતી.

સાઇના-સિંધૂ ક્વાર્ટર ફાઇનલમાં
પીવી સિંધુ અને સાઇના નેહવાલે શાનદાર પ્રદર્શન જાળવી રાખતા ક્વાર્ટર ફાઇનલમાં પ્રવેશ કરી લીધો છે. સિંધૂએ ઇન્ડોનેશિયાની જ્યોર્જિયા મરિસ્કાને 21-12, 21-15થી હરાવીને બેડમિન્ટન વિમેન્સ સિંગલ્સની ક્વાર્ટર ફાઇનલમાં પ્રવેશ કર્યો હતો. જ્યારે સાઇના નેહવાલ ઇન્ડોનેશિયાની ફિતરિયાનીને 21-6, 21-14થી હરાવીને ક્વાર્ટર ફાઇનલમાં પ્રવેશી હતી.

ભારતીય મહિલા તીરંદાજી ટીમે 18મી એશિયન ગેમ્સના 7મા દિવસે ક્વાર્ટર ફાઇનલમાં સ્થાન મેળવ્યું છે. અંકિતા ભકત, પ્રોમિલા દાઈમેરી, દીપિકા કુમારીએ પ્રી-ક્વાર્ટર ફાઇનલમાં મંગોલિયાએ 5-3થી હરાવીને ટોપ-8માં પ્રવેશ કર્યો. ભારતના મોહમ્મદ અનસ રાહિયાએ પુરુષોની 400 મીટર રેસના સેમિ ફાઇનલમાં સ્થાન મેળવ્યું છે. તે હીટ-1માં 45.63 સેકંડના સમય સાથે પહેલા સ્થાને રહ્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Asian Games 2018, Bronze