Home /News /sport /

Asia Cup Hockey: પ્રથમ મેચમાં જ ભારતની પાકિસ્તાન સામે ટક્કર, ગ્રૂપમાં 4 ટીમોને મળી તક

Asia Cup Hockey: પ્રથમ મેચમાં જ ભારતની પાકિસ્તાન સામે ટક્કર, ગ્રૂપમાં 4 ટીમોને મળી તક

એશિયા કપ હોકીઃ ભારતની પહેલી મેચ પાકિસ્તાન સામે. (એએફપી)

Asia cup: આ ટુર્નામેન્ટ સુપર 4 પૂલ ફોર્મેટમાં રમાશે. દરેક પૂલમાંથી ટોચની 2 ટીમો આગળના તબક્કામાં જશે. ફાઈનલ 1 જૂને થશે. ભારત અને પાકિસ્તાને 3 વખત એશિયા કપ જીત્યો છે જ્યારે દક્ષિણ કોરિયાએ 4 વખત એશિયા કપ જીત્યો છે. ભારતે 2003માં કુઆલાલંપુર, 2007માં ચેન્નાઈ અને 2017માં ઢાકામાં ખિતાબ જીત્યો હતો. જોકે પાકિસ્તાનની ટીમ 33 વર્ષથી આ ખિતાબ જીતી શકી નથી.

વધુ જુઓ ...
    ડિફેન્ડિંગ ચેમ્પિયન ભારત 23 મેના રોજ એશિયા કપ મેન્સ હોકી (asia cup hockey) ટુર્નામેન્ટની શરૂઆતની મેચમાં કટ્ટર હરીફ પાકિસ્તાન (india vs Pakistan) સામે ટકરાશે. આ ટુર્નામેન્ટ 23 મે થી 1 જૂન સુધી રમાશે. ટૂર્નામેન્ટના પહેલા દિવસે છેલ્લી મેચમાં ભારત અને પાકિસ્તાન એકબીજા સાથે ટકરાશે. ટોક્યો ઓલિમ્પિકની બ્રોન્ઝ મેડલ વિજેતા ભારતીય ટીમને જાપાન, પાકિસ્તાન, ઈન્ડોનેશિયાની સાથે પૂલ Aમાં રાખવામાં આવી છે. પૂલ Bમાં મલેશિયા, કોરિયા, ઓમાન અને બાંગ્લાદેશ છે. પાકિસ્તાન બાદ ભારત 24 મેના રોજ જાપાન સામે રમશે. છેલ્લી પૂલ મેચમાં તેને 26 મેના રોજ ઈન્ડોનેશિયા સામે રમવાનું છે.

    આ ટુર્નામેન્ટ સુપર 4 પૂલ ફોર્મેટમાં રમાશે. દરેક પૂલમાંથી ટોચની 2 ટીમો આગળના તબક્કામાં જશે. ફાઈનલ 1 જૂને થશે. ભારત અને પાકિસ્તાને 3 વખત એશિયા કપ જીત્યો છે જ્યારે દક્ષિણ કોરિયાએ 4 વખત એશિયા કપ જીત્યો છે. ભારતે 2003માં કુઆલાલંપુર, 2007માં ચેન્નાઈ અને 2017માં ઢાકામાં ખિતાબ જીત્યો હતો. જોકે પાકિસ્તાનની ટીમ 33 વર્ષથી આ ખિતાબ જીતી શકી નથી.

    આ પણ વાંચો- Western Railway: ટ્રેનમાં પ્રવાસ કરવાના છો તો જાણી લો પશ્ચિમ રેલવેનો આ મહત્ત્વપૂર્ણ નિર્ણય

    દરેક વખતે ફાઇનલમાં ભારતને હરાવ્યું

    એશિયા કપ હોકી ટુર્નામેન્ટ 1982 થી રમાઈ રહી છે. પાકિસ્તાને પ્રથમ 3 સિઝનના ટાઇટલ જીત્યા હતા અને ભારતીય ટીમ ત્રણેય ટુર્નામેન્ટમાં રનર્સ અપ રહી હતી. 1982 માં રાઉન્ડ રોબિનના આધારે ચેમ્પિયન નક્કી કરવામાં આવ્યું હતું. પાકિસ્તાનની ટીમે સૌથી વધુ 6 મેચ જીતી છે. ભારતીય ટીમ 6માંથી 5 મેચ જીતવામાં સફળ રહી હતી. ત્યાર બાદ 1985માં યોજાયેલી ટૂર્નામેન્ટની ફાઇનલમાં પાકિસ્તાને ભારતને 3-2થી અને 1989માં 2-0થી હરાવ્યું હતું. આ પછી પાકિસ્તાનની ટીમ અત્યાર સુધી ટાઈટલ જીતી શકી નથી.

    IPL 2022: શેન વોર્નને યાદ કરવા રાજસ્થાન રોયલ્સની મોટી યોજના, ક્રિકેટરનો ભાઈ પણ થશે સામેલઆ પણ વાંચો-

    ભારતની વાત કરીએ તો તેણે 2003માં પાકિસ્તાનને 4-2થી હરાવીને પ્રથમ વખત ટાઈટલ જીત્યું હતું. ત્યારબાદ 2007માં ટીમે સાઉથ કોરિયાને 7-2થી હરાવીને સતત બીજું ટાઈટલ જીત્યું હતું. દક્ષિણ કોરિયાએ આગામી 2 સિઝનના ટાઇટલ જીત્યા. પરંતુ 2017માં ઢાકામાં યોજાયેલી ટુર્નામેન્ટની ફાઇનલમાં ભારતે મલેશિયાને 2-1થી હરાવ્યું હતું.
    Published by:rakesh parmar
    First published:

    Tags: Asia Cup, Hockey, Hockey India, Hockey Team, Men Hockey Team

    આગામી સમાચાર